طلع وبقيت بس اني وافكاري وهالحيطان الاربعه
خلي انسجن بس علاوي شلون يالله
رفعت راسي للسكف ودعيت ربي يوكف وياي مثل ماخرجني من ضلم ميسر
سوران يسوي هيج لان شاك بيه عباله متورطه وجاي اجذب عليه
شنو مصيري وشنو مصير ابني
فزيت من أفكاري ع صوت الباب دخل محمد وبأيدة اكل جاهز فتحه ووزعه ع المكتب
محمد:-تعالي اكلي وبعدين نكمل
نرجس:-ماشتهي
محمد:-لازم تصير عندج طاقة لبقيه التحقيق
نرجس:- ليش هيج سويتو ليش ماحققتو وياي من مهد مالكاني عمو
محمد:-اعتقد جاوبت ع سؤالج
نرجس:-هسه اني مشتبه بيه لو متهم
محمد:-ماكدر احكم ع الوضع حالياً ناخذ افادتج كمشتبه به طول ماتتعاونين ويانه تخف العقوبه اذا جنتي تستحقين العقاب
بقيت مدنكه
محمد :-يالله سمي بالله وتعالي اكلي لكمة
نرجس:-كتلك ماريد اني مو بوضع يسمحلي ارتاح واكل
محمد:-يصير خير
نرجس:- سوران سلمني الك؟(جنت اعرف الجواب بس احاول اتغابه حته ااكد شكوكي)
محمد:-نعم الضابط سوران قدملنة الأدلة الكامله عليج وع تحركاتج حته نتأكد انتي متهمه
نرجس:- يعني من البداية جان يراقبني؟!
محمد:- نعم ولهاذا السبب اريدج تتعاونين ويانه
دخلت دوامه يعني كلشئ سويته يدري بيه وجنت مراقبه لا بس شلون........
الكاتبه:-(هنا القصة راح يسردهةة بقيه الأبطال بعد اقناع قبلو يساعدون البطلة بالسرد)
في مكان اخر والى (رقية)
بقيت حايره تاخرو صارلهم يوم ونص وين راحو
كلساع اروح لغرفه أم اثير بلكي تعرف شئ عنهم البيت كله يتصل عليهم وماكو لا سوران ولا نرجس
كلهة متوترة وعلي يبجي يريد أمه
فاطمه(بركض):- ها رقيةة بشري لكوهم
رقية:-لا فاطمه لاا اتمنى تكون نرجس بخير يالله احميهة ورجعهة سالمه
وليد ( دخل من بره بايده مسواك):- هاا بشروو اتصلو رجعو
منار:-لا ماكو شئ منهم
وليد :-راح اتصل ع كرايبنه بلكي راحولهم
نجاة :- هسه شبيكم يجوز رادو يغيرون جوو من تزوجو لحد الآن قليل يطلعون
زهراء:-ماتوقع لان نرجس ماجانت ع بعضهة
