ليث:-اي مخبل بحبها
دفرته
سجاد:-صحيح شردت من الأمر
ليث:-تعال اشاورك ماريد سوران يجي ويسمعنه
رحت يمه وبقه يشاور بيه ع كيف
ليث:-قنعته اروح بالمهمه الجديده اني وياك ويا سوران لان مايخلينه نروح
سجاد:-بس المهمه صعبه هاي شلون اكيد ماراح يقبل سوران
ليث:-معليك يمي
فززنه صوت سوران من ورانه
سوران:-شعدكم من مصيبه
ليث:-بس اكل تبن وكفت معدتي
سوران:-شجنتو تتهامسون
سجاد:-اهوو شكد تلزك هسه انته شعليك
ضربنه بالصونده
ليث:-اخخخ خرب ابوك
سجاد:-نعلعله احتركو اهلك
سوران:-دكومو اكلو صبو
سوران دخل واحنه نمشي وياه جرني ليث من وره
التفتت عليه غمزلي بمعنى اوكف وكفت
ليث:-لاحضت ايد سوران
سجاد (باستغراب):-شبيها
ليث:-مزوركه ومجرحه
سجاد:-مانتبهتلها
رجعنه نمشي وكفت وراه وهوه جاي يفتح الباب حته ندخل شفت ايده صدك مجرحه ومورمه
سجاد:-سوران اوكف
دار عليه وبعدها ايده ع الباب رفعلي حاجبه
سجاد:-شبيها ايدك
سوران:-مابيها شئ بس وكعت خلال التدريب
ماقتنعت لا اني ولا ليث دخلنه ناكل
.
.
.
.
.
.
.
.
.
.
.
.
.
.
.......................رقية
كعدت من النوم الصبح لكيت كلها نايمه سبحت وبدلت تراكسود مستور لان عدهم شباب وخليت حجابي ع راسي و
نزلت كملت شغلي تعزيل وكنس ومسح دخلت ع المطبخ لكيته مهجوم بديت اغسل بالمواعين
وليد:-شجاي تسوين (بصياح)
كمزت ووكعت الماعون نكسر
رقيه:-جنك جني بكل مكان تطلعلي شرايد وجه الفكر بس اشوفك ينكلب يومي والقران كلما اصبح بوجهك لازم تصيرلي مصيبه
صافن بوجهي مايحجي حاط ايده ع حلكه ويسمعلي ويهزلي براسه
وليد:-كملتي لو بعد عندج
شمرت مي بوجهة
وليد:-ثول حته عمه شبيج جنج أم دبليو
رقية:-اطلع منا بسرعه خليني اكمل شغلي(احجي بعصبيه)
لازم ملابسه لان الجو بارد
وليد:-اني اعلمج
طلع ورجعت اغسل وره دقائق كملت وانتقلت اجلف بالطباخ لان بيه دهن
