الكاتبه:ميار
يوم العدل على الظالم.....
أشد من يوم الجور على المظلوم.!!
دقيقة الألم ساعة..
وساعة اللذة دقيقة.
زينب ونرجس :اي وافقي ضربن نورس ع ايدها
نورس "اي حبيبتي القرار قرارج
صفنت وكلت عاد اجرب واحسلي من هالضلم والى متى اكدر اتحمل هاي المره طلعت عايشه المرة الجايه اكيد لا تلمست وجهي وجسمي وقررت اوافق واشوف شنو ضاملي القدر...
مادري اذا اكلكم هاذا جان اسوء قرار اتخذه بحق نفسي وبحقه.....
اخواتي حجن ويا خالة ام كرار وفرحت
راح ابو كرار لابويه بالسجن
"السلام عليكم شلونك ابو محمود
"وعليكم السلام
وهوه يحجي من وره خشمه
اي جاي تشمت مو تره عرفت انته معترف عليه واني معتبرك اخوي مع الأسف عليك طلعت نذل
"اكلك ابو محمود انته التسويه اجرام بحق بناتك وبيتك ونفسك منو الي يشيلك بكبرتك غير بنياتك الولد ماعدهم حنيتهن وبعدين تندم..
"شوف انته شرايد لاتتفلسف براسي هسه
"من الاخير اني اريد ازوج الروح البريئه العدكم لابني
"ماعندي بنيه للزواج ويالله توكل
دار ع مصطفى يكله عدهم اسواق ويريد اختك هههه يالله
ابتسم ابو كرار
"مقدمها عشرين مليون....ومؤخرها اربعين مليون
بقة فاتح حلكه ومصدوم
"ع...عشرين مليون
"اي وحاضر يجنك
"ش...شنو قصدك يعني عبالك ابيع بتي روح ماعندي مره للزواج
"شكرا ابو محمود قسمه ومصارت في أمان الله
ودار وجهة يطلع من السجن
"ابو كرارر
التفت ابو كرار وهوه يعرف الجواب
"هاي هيه البت الكم شوكت تريد العقد
بقه الحارس مشنط عيونه ووكع اسلاحه من ايده من الصدمه
دار عليه ابو كرار وخله ايده ع السلاح ورجعه للحارس
"عود اخذ اذن من الضابط واخذك وياي للمستشفى اليوم نعقدلهم
"هاي هيه توكل
دار ضهره ابو كرار وملامحه تغيرت مصدوم من هيج اب
قبل مايطلع سمعهم يتقاسمون الفلوس هاذا يكله اريد هيج مبلغ وهذاك يكله اني اريد هلكد ويتعاركون
نرجس------------------
جنت كاعده اني واخواتي يسولفلي ع طفولتي بس حته اضحك دخلت ام كرار فرحانة وحضنتني وتبوس بيه وتكول
"يمه افيييششش مرة وليدي
بقيت شابكتها ومامفتهمه واخواتي بقن يضحكن بهاي الاثناء دخلت زهراء وفاطمه وبيدهن جنطة جبيرة
