بقة يزيد واحاول اوخره مني بس لاحياة لمن ينادي
شلت ابره يمي ع الميز وحطيتها بضهرة بقه يصيح ويضرب بيه لحد ما انغمه علية وجرحي بقه ينزف
وره دقائق قليله بقيت اسمع صوت بالغرفه
بيار :-ميسر انته صدك تحجي وخر عنها
ميسر :-والعباس ابو فاضل اذا ماسكتت انته وسدير ورسن هسه اشكم شك
واحس ببه يربط بايدي وثكل ع رجلي
رسن:-تره البنيه حامل مايصير هيج تسوي
ميسر:-شو اشوف دودتكم اشتغلت ليش دائما تدافعولهة معقوله رف كلبكم عليهة كو*اويد اطلعوووو برة(بصياح)
فتحت عيوني شفتهم بعدهم ويوخرون بيه مني لحد ماطلعوه حاولت ارفع ايدي ماكدرت مربطني بالجربايه وحاط بلوكه فوك الغطه ع رجلي وبلوكه يم راسي
دخل سدير اخذ البلوكات طلعهن ورجع فتح ايدي ورجلي
:-متئذيه او محتاجه شئ كليلي؟؟
:--مامحتاجه بس تبعدون هاذه الجلب عني وتعوفوني بحالي
ابتسملي
:--صار قسومي تدلل(طلع)
بعدها صارت نفس الاحداث يريد يدخل ويمنعونه كل مره وسدير ورسن واكفين يم الباب ورقيه كل يوم تجي تبقه يمي ورجعت تحجي وياي وكالت انو اني حقي اسوي هيج شي
واني كل يوم اكعد احجي ويه صورة كرار الموجوده بالجنسيه واشكيله او احجيله ع الطفل وطول هاي الاشهر اختبر برسن وسدير وبيار اشوف منو الاثق بيه وعرفت بيار موجود وياه ع مود اهله مفقودين وواعدينه يدورون عليهم ويصير صديق ميسر من الطفوله وعرفت نرجس تحب بيار وبيار هم يحبهة بس محد يعترف للثاني
بعد 5اشهر
صار عليه تسع اشهر وقررت اتفق ويه رسن وبيار ورقيه وسدير ع الخطه الجنت راسمتها
:-(رقيه وهيه تدخل بابتسامه) شلونها ام كرش اليوم
:-ههههه بخير إنتي شلونج
:-اني بخير جبتلج ريوك يشهي
:-شكرا حبيبتي والله ابني ميت جوع
:--الابن لو امة (وتغمزلي)
:--هههه لا الابن وأمة
بقينه نضحك عدلت كعدتي وبقيت اكل من خلصت سئلتهة وهي تغير بالفراشات
:--رقية أريد اسئلج
:-اي اكيد اسئلي
:-راح اجيب هنا
:-- والله مادري علمي علمج بس اتوقع اي هنا ماتوقع يقبل يطلعج
:--عادي اطلب منج طلب؟؟
:-نرجوسه اشلعلج عيوني بعد لاتكولين عادي وعادي مو كتلج احنه اخوات
ابتسمتلها
:-عادي تصيحيلي رسن وبيار وسدير وانتي هم تعالي وياهم
:--تمام هسه اشوفهم وين واجي
