دار ع ابنة وضربه كدامنه
:-اني من احجي كلمه لاتقاطعني ابن الكلب
كام واحد ثاني من الولد صار بنصهم
:-بس بويه حجي جواد صحيح وين نعوفهن انته ماترضاها مو احنه
صفن ودار علينه
:-جا عندي حل هسه كومن لمن هديماتجن والباچر باذن الله نطلع للعمارة (رجع كعد)
كمنه اني ورقيه بقينه نلم بملابسنه وماندري شراح يصير بينه
اندك باب غرفتي
:-ادخلي
:-نرجس
دخلت فاطمه ودموعهة ع خدها
:--شبيج ليش جاي تبجين حبيبتي
:-نرجس خايفه بعد مايخلونه نشوفج انتي ورقيه
:-لاتخافين اني هنا ماعوفج لا انتي ولا زهورة ولا رقاويه تعوفجن بس لاتخافين ولا تنسين عمو وصانه عليجن
حضنتها وبقيت امسد ع راسهة لحد ماهدئت وراحت طلعت بقيت احفض بعلاوي انوب كمت اكمل بالملابس والغراض
دك تلفوني شلته شفته رسن
:-الو هلو رسن
:-ها نرجس عندي اخبار الج
:-اي شنو (بقيت متلهفه بلكي عرف شئ)
:-لكينه زوجة حيدر
:-الحمدللة وهسه هيه وين؟
:-وديناهة لاهلهة
:-والله ريحت كلبي زين وبناتها
:-للاسف ماوصلنالهن
:-انشالله تلكوهن شكرا رسن
:-ولو
:-ماكو اخبار ع الفيشه والملفات
:-لا والله بس سوينه بحث بدائرة معارف كرار لكينه أقرب وأحد اله جان ابن عمته عايش بالشمال اسمه سوران وهسه هوه املنه الاخير
:-ياربي(تنهدت وخليت ايدي ع راسي)
:-يمعوده لا يضل بالج
:- شوف هاي الايام راح اكطع التواصل وياكم
:- ليش!؟؟
حجيتله وودعنه بعض
الساعه4 الفجر طلعنه
ووصلنه لبيتهم بس طول الطريق علاوي يتقيأ مامتعلم ع طريق طويل
دخلنه لبيتهم جان جبير كلش وبيه حديقة تلكنه نسوان من الباب ودخلنه جوه بقن يسئلن وطلعو مخابرينهن ع عمو اله يدخل ولد جبير وبقه يغلط ويسب بزهراء وبفاطمه شئ ماخبرلهم وشلون جانن عايشات ومنو جان يصرف عليهن كمت
:-انته احترم نفسك واعرف شلون تحجي واذا ماتعرف اعلمك شنو قصدك بهالحجي اني ورقيه الجنة نصرف عليهن وعمي هوه الوصه مانكلكم لان دره راح تسون هيج وتطشرون عائلته واذا تقربت ومديت ايدك ع وحده منهن اكسرهة واعلكهة بركبتك لان هذني وصايه عمي الاخيره اليه حاول تتعده حدودك وراح اراويك وجه نرجس الثاني
(احجي بصياح والبنات لازماتني لان ردت اضربه من شفت دنك عليهن يريد يضربهن)
دار عليه
