ام محمد:-واللة مو قصدي خيه بالعكس تمنيتها جنه ببيتي واتنمالها كل خير مهنايه انشالله العمر كله سعيده
ام اثير:-انشالله خيه ويبعد عنهة كل عين بنيتي
ام محمد:-شبيج خيه تگصيني ؟
ام اثير:-يااا خيه اخذتيها ع نفسج چا هاي انتي العاقله
أم محمد:-لا كلامج مايعجب قابل روحي بيهة
جاي تكمل أم اثير وكاطعتها ام مهدي(كرايب أبو أثير)
أم مهدي:-كلولييشششش خيه أم اثير ألف ألف مبروك شايفه الخير خاله منار
ابتسمتلها منار :-شكرا خاله
اجت ع أم اثير وبقت تباوس بيهة
ومنو اليجي عينه ع منار والنسوان يصلن ع النبي لان شكد ماكول حلوه قليله
منار بصوت خافت:-نرجس فرحانه بس متوتره
وتلعب باصابيعها بتوتر
نرجس:-مو جان حلمج تاخذين ليث لاتتوترين وافرحي اليوم يومج والحفله حفلتج
ابتسمت
اجت نجاة شايه العصاير رحت ساعدتها وبقينه نوزع ع النسوان وصعدت لغرفه منار اصيح البنات تأخرن الفوك ماينمر بيه كومه ناس كرايبهم وجيرانهم
دخلت للغرفه لكيتهن يلبسن بشتات
نرجس:-بعدهم محد جاي انزلن يالله نجاة وحدهة جوه كلجن صعدتن هنا
نور:-ولج مو خابر ليث كال جايين هوه وعمامي
نرجس:-لعد ليش ماكلتن للنسوان استغفرالله منجن
نزلت بسرعه صحت ع نجاة حته تصعد تستر نفسها بعدين بقيت اكول للبنات
وصعدت غيرت البشت ونزلنه
خاله أم اثير تباوعلي بشفقه وعيونهة حزينه هيه والبنات عبالهن مهتمه
وره نص ساعه بقينه نضيف وكلساع تنكطع الكهرباء ومسوينها بقت منار تحتر وخطيه البدله ثكيله رحت يمها جبت طاسه وبيها ثلج وحطيت وراها مهفايه وبقيت اهفي حته الهوه يصير بارد
منار:-نجو أموت عليج
ابتسمت~نرجس:-واني أموت بيج بنيتي مناوي
منار:-نجوو معقوله من صدك راح اصير لليث
نرجس:-اي وراح تخلفون احلى أطفال وتعيشون باحلى بيت
حضنتني من بطني
منار:-وعد نجوو اذا جبت بنيه اسميهة ع اسمج
نرجس:-اتفقنى انتضر هاليوم
اجه ولدصغير عمره تقريباً 9سنوات...
:-اجووو كومن وصلوو(بصياح) وطلع يركض
كامن النسوان واكو بنات ختلن بالمطبخ واكو صعدن فوگ
