بيار دخل ومدمة ويمشي بالكوه سد الباب وراه واجه باتجاهي
بقيت صافنه عليه شصاير بيه وبنفس الوقت ممهتمه عسه مايموت
طلع جنطه صغيرة
بيار: شوفي هاي امانة الج....
فتح الجنطه وطلع دفتر وجنسيه وقلم اول ماشفتهن عرفتهن دفتر كرار وجنسيته حطهن كبالي وراح طلع
اخذتهن وكلي فرح ودموعي ع خدي
:كرار حبيبي عاد عافولي شئ منك
اله افز ع الباب مره ثانيه عبالي بيار رجع
:منـ...
شفته رسن اجه باتجاهي وبأيده صينيه بيها اكل قرفص كدامي
حط الصينينه وشال الدفتر والجنسيه والقلم حطهن ببطن الدفتر
:ضنيهن بكلبج لان ميسر مايدري بيهن موجودات بيار اخذهن لكاهن بالسياره وماقبل ينطيهن لغيرج ومحد يدري بس اني حطهن وره بلوكه يم الزاويه
:يالله اكلي
صار عندي فضول وسئلته
:اكلك اريد اسئلك
:كولي بس ما اجاوب اذا السؤال ماعجبني
:انتم شنو....شرطه عصابه لو شنو...
:ماكدر اجااوبج بس راح تشوفين مع الايام احنه شنو
:زين...راح اسئلك بعد سؤال
وكف وبقه يعزل بالمكان لان صاير هوسه
وجايب فواشات ببدايه الغرفه لان الكاع مابيها بس صبابه
:اسئلي
شال حصيره صغيره فرشهة بمكان بنهايه الغرفه وهوه يفرشها وكف ماتحرك بعد سؤالي
:الجان يضرب بيار هاذا المتوحش مو..؟
: شل..شلون عرفتي؟؟
:سمعت صوته يصيح ويضرب واجه بيار بهالوضع
:انته اذا ذكيه هيج ليش متكليله الفيشه والملفات وين؟ليش مخليته يعذبج
: والله كتلتوني بهذني هنه شنو غير تكلي حته اعرف والله مادري عنهن شئ
:مدام ماتدرين....... خليج ماتدرين احسن الج وللكل
كمل فرش جاب دوشك ومخده وبطانيه
كومني وكعدني فوكهن وحط الاكل كدامي بقيت اكل
:اريد انصحج
كملت اكلي وماباوعت عليه
:ماعتقد اني بوضع يسمحلي اخذ بنصيحتك لان موغبيه
تمددت ودرت وجهي
:بس ردت اكلج اذا تردين تطلعين منا لاتسوين الجاي تسوينه حته يطلعج هيج جاي تثبتين انتي كلشئ تعرفين
:بقيت صافنه (بعدك ماشايف شئ انته.....ما ارجع لبيت...عمو ابو كرار واتجرأ اكابله اذا ماماخذه بحق ابنه وشلون اليه وجه اكعد كباله وعفت كتال ابنه....ماعندي شئ اخسره هيه روح خلي تطلع)
سمعت الباب انسد
عيني بقت ع مكان الجنسيه والدفتر
كمت اتسحب لان رجليه مربوطات طلعتهن وكعدت اقره كاتب شويه تحضيرات العرس وشنو اليحتاجهن واحنه النحتاجهن والتكاليف وراسم رسمه تضحك وكاتب متحمس ضحكت ودمعتي نزللت ع تضرفاته كعدت عدل وبديت اكتب مذكراتي من اول يوم لكاني بيه عمو لحد هاي اللحضه دونت كلشئ ضميت الدفتر وبست جنسيه كرار ورجعت تمددت ونمت من التعب والألم
