هيه ماتكدر تحجي وبس تبجي الممثله
سحبتني رقيه دفعتها شلت ابني من نصهم
نرجس:-اسمعو كلكم اليتقرب من ابني اسويه جنازه
باقر:-لج انتي لاعبالج ساكتيلج شو صمي حلكج وانطمي
نرجس:-احترم نفسك لككك منو ولج انته ويامن جاي تحجي
باقر:-وياج جا ويامن تعاركين بالرايح والجاي جنج ططوه
يحجي بزهكه
أثير:-اسكت باقر لا اهفك بطراك تره اسيل العالت
باقر:-خويه تدافع لهاي الغريبه
اثير:-منو الغريبه انته تحجي ع منو احترم نفسك ولك
باقر:-كلها ع بعضها لفيناها من الشوارع
اثير:-لا انته صدك تجاوزت حددوك ياشوارع هاي ياسافل
نرجس:-منو الططوه ومنو بت الشوارع الملفيها انته اشرفك واشرف عشيرتك شو انته تتجاوز لا تخليني اواريك نرجس منو
تره بعدني مامواريتكم وجهي الثاني (بصياح)
اثير لزم باقر وتمالخو
أسيل:-لج قندره تره اجيج والعباس واعلمج نسوانه شلون يتعاملن ويا التسات ياحيه وصدك بت شوارع
رقية:-اني هواي سكتتلج هسه اعلمج ع منو تحجين (سرفنت ارداناتهة وتكافشت وياها
اجت نجاة صارت ويا اسيل ع رقيه ونجاة ضخمه تطبك عشر نسوان حطيت علوش بايد منار وجيتت وياها
نزلت فاطمه وزهراء كلشئ مامفتهمات بس جيتن ويانه وشبعناهن كتل بس احنه هم انسحلنه ليش اجذب
الكل يفاكك وحالتنه حاله
أبو أثير:-شني هالعياط منو ميتلجنن(بصياح رج البيت رج)
وكفنه وكل وحده كفشتها جنها طالعه من الكبور
أبو أثير:-هاي شفتن أم اثير طلعت موو اخذجن الواهس وانتم كل واحد شاربه شكبره ماعرفتو تفاككوهن
اثير:-بويه ماكدرنالهن
باقر:-هاي الاجه البيت..
نرجس:-والقران اسويك مضحكه لامه الثقلين شفتني سكتتلك موو؟
أبو أثير:-اسكتو ماسمعلكم نفس سم بكلوبكم شكبركم وشكدكم وانته حاشر نفسك بين النسوان احترم رجولتك شويه وبعدين انته الغريب مو نرجس هاي بمقام اخواتك هنا ياسگط عبالك ماسمعت وانتن كل وحده ع شغلها والله الاسمعله حس احركهه وانتي سحيله(اسيل)كلما تجين تحركين البيت شعندج هنا يالله روحي لبيتكم حيوانااتتت محد يرتاح بهالبيت بعرانن
راح واحنه كل واحد راح ع شغله
اتجهت ويا البنات للمطبخ كعدت علوش ع الكرسي مالميز وبديت اطلع بالغراض نجهزهن ويا البنات حته نسوي دولمه
رقيه:-يمه شكد حيه وملعبهه هاي شلون راح تعاشرينها
نرجس:-امداها وامده الي يعاشرها هاي اذا بقيت يمها الحيه
