دخلونه وجان عددهم كلش جبير كلهم زلم كالو خلو البنات يدخلن للصاله اجانه عمو ولزمنه ع صفحه اني ورقيه وفاطمه وزهراء وكال
:--هاذا الوليد ابن منو ابن كرار افتهمتن واذا سئلوج وين جنتي كلليهم جنت متأذيه وناس ماخذينج بالمستشفى بره بغداد خوش بويه واذا سئلوج ع الطفل كلنه نتفق ع كلمه وحده انتي جنتي حامل وكلنه ندري قبل حفلة عرسكم من عقدنالكم وزفيناكم واذا سئلو اكثر لاتجاوبن احنه نرد
كلنه :- صار
اجه رجال جبير بكد عمو
:--شني خويه جا ماتدخل تعال تفضل والبنيات ادخلن منا
واشرلنه ع باب دخلنه وعمو راح وياه
تلگنه بنات هواي بثن يسلمن ومحاضن ومباوس وكعدنه
وره شويه سمعتهن يحجن عليه
هيه هاي مرة كرار گصتهة فكر اول ما اجت مات رجلها وبيبي ماتت ويحجن انواع الحجي دنكت وماحجيت وبقو يسئلون ع رقيه كتلهم اختي
حطولنه اكل كمت ع صفحه مابيه حيل وطريق السفر احس روحي طالعه ولاتنسون ماصارلي هواي جايبه كعدت ع صفحه واخذت شال عمتي وبقيت ارضع بعلاوي لان بقه يبجي
اله تدخل وحده من البنات وكال
:-عمة (ع ام كرار) كومي عمو يريدج بره بالحوش
طلعت عمتي وره شويه دخلت وكالت كومن واخذن غراضجن راح نرجع لبغداد كللهة كامت وبقن يقنعن بيهة تبقه وليش راح نروح
لمينه غراضنه وطلعنه وشفنه عمو هم بره واكف ويقنعون بيه ويكلهم ابد ولا ابقه ثانيه هنا
ثاري عالكه بينه وبين اخو بس ماعرفنه ع شنو طلعنه ورجعنه لبغداد بقينه بفندق ثاني يوم طلعو عمتي وعمي يدورون بيت ولكو بمنطقه الكرادة والمهم بعد عناء انتقلنه
راح احاول اختصر كل هاي الأحداث
وره شهر توفت عمتي الله يرحمها لان جانت بس عازله نفسهة وبس تبجي ع ابنهة وراهة بنص سنه عمي انطاكم عمره بقيت بس اني ورقيه وفاطمه وزهراء وعلاوي بالبيت لانتواصل وي احد ولا نروح لاحد ووصه عمي اهله مايدرون هوه ميت حته مايخذون البنات ويطشرونه اني ورقيه وعلاوي فوصانه مانكلهم والجيران ساعدونه بالدفننه بقيت اني ورقيه رجعت تشتغل واني هم ونصرف ع البنات وراتب عمو متقاعد هم يساعدنه بس طول هلفتره اتواصل ويه بيار وعرفت انو مشاهة ع انو واحد كتل الثاني يم ابوه حته مايأذيني وقبل يساعدني بعد شلاع الكلب لان جانو زعلانين مني اولا لان كتلت صديقهم مع انو يعرفون هوه ضالم وطاغي وحقي من سويت هيج وثانيا لان جذبت عليهم ع الاساس بس باسمي الطفل بس مع الوقت سامحوني وقبل يساعدني هوه وسدير ورسن لان قررو ينتقمون من عم ميسر لان يكولون معذبهم تعذيب ماصاير لان ماحمو بنته وعدم اهلهم واحد واحد يالله قبلو يساعدوني ع مود الاتقام بس مو ع مودي المهم بقينه ندور طول هلفتره ع الملفات والفيشة
