وكفت رقيه وهيه تحاول تنزل
صعدت منار وفاطمه
منار/فاطمه:-شكو هالصياح شصاير
نرجس:-ماكوشئ حبيباتي
رقيه:-هاي الحيه التسس ام عطوب
دخلتهة وسديت حلكهة
نرجس:-بنات هسه شويه وانزل مره خصتجن
سديت الباب
رقية:-ليش ماتخليني انزل خلي اعلمهة منو الكصتهة فكر(بصياح)
نرجس:- رقية فدوه اروحلج سدي الموضوع ولاتخليني اتندم كتلج
رقية:- عسا ماتتندمين طول عمرج شو خلي اروحله
كامت ورجعت كعدتهة
نرجس:-كتلج كافي (بصياح) تره اني هم عندي السان واكدر أدافع عن نفسي بس وصلنه لمرحله مسدوده
رقية:-بس نرجس...
نرجس:-خلص رقيه انتهى الموضوع سديه وخلص
كعدت وحطيت ايدي ع وجهي
اجت كعدت يمي وحطت ايدها ع ضهري
رقيه:-اذا حاجتج بعد بس كليلي اوكفهة عد حدهة
ابتسمت وحطيت راسي ع جتف رقيه بقينه هالشكل لحد ماتذكرت الجنطه
التفتت ع رقيه
نرجس:- رقيه أريد اكلج شئ
رقية:- شنو!!!!
نرجس:-لكيت جنطه بالغرفه الصايره باللممر يم الحمام
رقيه:-اي وإذا
نرجس:-لكيت بيهة حلقة كرار حاطينهة بسنسله
رقية:-منو حاطها؟
نرجس:-واللة علمي علمج مادري بس لكيت وياهة البومات واوراق
رقية:-والجنطه مالت منو
نرجس:- اذا عرفنه المن الغرفة راح نعرف المنو الجنطه
رقية :-اي صح
نرجس:-راح اسئل منار وأشوف
جرتني رقيه من ايدي
رقية:-ويين كبل هاي غرفة منو سوي روحج تنضفين او فد شئ واسئلي بالله طلعت غرفة واحد من ولدهم عيب
نرجس:-تمام هسه كومي نسبح ونبدل وننزل شوفي حالتنه
رقيه:-قصدج حالتج ولا عبالك هستوهة كالبتهة مناحه دكومي كومي خلي ارجع انام
ضرتهة ع رجلها وكمت رحت لغرفتي سبحت وبدلت ونزلت لكيت البنات مجتمعات ع صفحه ويه اخوات سوران
والامهات كاعدات ع صفحة وولدهم كاعدين يلعبون وضحكهم وين يوصل وعلاوي كاعد بنصهم
اول ماشافني ركع الاعاب بوجهم واجه باتجاهي يركض ويوكع لان بعده مو كلش بالمشي
نزلتله بسرعه بقه شابكني
لكيت سوران يباوعلي
اجه باتجاهي
