نرجس:-لا فدوة لا ماكدر ابنييي فدوة ماريد تحرموني منه (بقيت ابجي والشرطيات يجرجرن بيه عيوني صارت ع سوران واكف ونضراته اليه ماكدرت افسرهة)
اجه باتجاهي وكف مقابيلي وبقه يباوعلي بابتسامه
رجعت التفتت ع القاضي
نرجس:-الله لايوفقكم لاتحرموني من ابني هم لا من حكومه ولا من دوله ولا من عصابات احنه دوله مبيوعه ياجلاب محد بيكم بيه خير فوك ما اخذوني ولعبو بيه لعب ورادو يكتلوني وكتلو زوجي ( اصرخ وهنه يسحبن بيه) الله لاينطيكم وابسط حقوقي حرمتوني منهة اريد ابنننيييييي
صعدوني بسيارة شرطه وبقت تمشي بينه وياي بنات اربعه وشرطيتين صاعدات ويانه واني ابجي واناشغ ومهضومه
شرطيه:-كافي حبيبتي اسكتي هيه اربع سنوات مو عشره ولا 15
درت عيوني عليهة ووجهي احسه تبلل دموع
نرجس:-اريد ابني عفية الله يخليج فدوة والله صارلي3 اسابيع وكلبي طاك عليه فدوه ابوس ايدج اشوفه عاد للمره الاخيره
دنكت واباوع عليهم بلكي وحده منهن يجيبلي اياه اشوفه عاد للمره الاخيره
نزلوني ودموعي نزلت كدامي
مبنى جان كلش جبير من شفت وجوه البنات هناك صرخت باعلى صوتي
:-كراررررر تعال شوف حالتي عاجبتك كلي عاجبتكك أبني حرموني منه من دخلت يعني ماراح اشوفة كرار ليش من اصيحلك ماتجيي (يجرن بيه ويحاولن يهدني واني منهاره) سجنوني لان اخذت ابني وكتلت الرادو يكتلوني كرار ضلموني محد طبطب عليه بعدك يا اخويه وابويه وزوجي وحبيبي
بقيت كاعده بالكاع ومنهاره واناشغ لحد ما اجت مره لابسه زي عسكري وجبيره بالعمر بس مبينه المسؤله لان البقيه دكلهة تحيه
بقت تحجي ويا وحده من هذن الجابني وتسئلها عليه وع ملف قضيتي وبعدين اجت يمي
:-حبيتي أمي كومي مايصير هالشكل دكومي
نرجس:-كلكم هيج من خارجكم شكل وداخلكم شكل ثاني
:-شئ طبيعي هسه تنهارين بعد ماشفتي السجن كومي يمه تتعودين مع الايام
كومتني واني عيني ع الباب الي يفصل بيني وبين ابني
دخلتني مكتبها والبنات الثلاثه منتضرات بره الجانن وياي طلعت ملفي وخلتني اوقع ع اوراق مادري شنو وبعدين كلتلي تكدرين تروحي بس بالاول سئلتني ع اسمي ووين عنوان بيتي حته تتاكد
دخلني جوه واجني بنات انطني ملابس لبستها ونقلني لزنزانه
كلها تباوع عليه بقيت خايفه عبرت من يمهن ورحت كعدت ع جربايه وحطيت راسي برجليه وابجي اربع سنوات ماراح اشوف ابني ياناس ابني
اجن حاولن يحجن وياي ماحجيت ويا اي احد ماريد اختلط احسن وهنه اسمعهن افشار بيناتهن وكلمات بذيئه
