فز ليث يدور ع منار اكعد بيه مايقبل شلع الكانوله والدم طفر حته بوجهي ويصيح يريد يروحلها ماميت خلي يكملون حفلتهم
ضربته ع خده التفت عليه
ليث(بلهفه وعدم تصديق):-سوران هيه عايشه مو صح اني جنت احلم عليك ابو فاضل اخو زينب گلي جاي احلم ولك سوران منارتي عايشه أدري بيه منتضرتني امشينه اليوم حنتنه منتضرتني بالبيت
جريته من ايده وكعدته
سوران:-خويه اهدء ليث بس اخذ نفس وداعتك من تشوفك بهالحاله تتأذه
رفع عينه بعيني وصايره حمره دم
دفعني وطلع يرگض بالردهة ويصيح ويدور بالغرف مال مستشفى
طار حذائه بالردهة والدم يجري من ايده شكها من الكانوله
ليث:-منارتتييي وينججج منارتت گلبي وينجج
بقيت ارگض وراه وهوه يصيح بحرگه ويرگض يدور عليهة
ليث(بصياح منهار):-منارتي بداعتي ردي علي وين ودوججج ادري بيج خايفه بس كليلي انتي وين .
يباوع بوجوه الناس بلكي يشوفها
اخر شئ بقه يمشي ع كيف بالردهة وكعد بالكاع بقه يضرب بوجهه بحرگة ويلطم ع عيونه ووجهة انگلب احمر من الحسره مال بجي طلعت عروگ رگبته وهوه يبجي
ليث(يضرب بوجهه):-لا لااا لااا لا لااا....ولكككككك بويه ياحرگه صدري ربييييييييي ليش ...ليش ....منارتييي ....رجعهة اليه ربييييي لو اخذني يمهة بداعة ضلعع زينبببب....ربي صدري طگ ماتحمل الفراگ اللهيييييييييي
نزلت ع ركبتي يمه وخرت ايده لان وجهة بقه يجري دم من الحلقه
حضنته وهوه كل صوت يطلعه عبالك واحد جاي يتعذب
كلها التمت علينه تتفرج المرضى والأطباء
اجه سجاد يرگض
باوعلي بتسائل عود صح الخبر السمعته لو جذب
هزيتله راسي بمعنى اي صح كعد بلكاع گبال ليث
سجاد:-ليث كول يالله راحت بدار حقهة كلنه ع هاذا الطريق
ليث:-اسكتتتت سجادد هيه مارايحه .....(زادن دموعه ) سوده عليه محروگه حرگ جانتتت تتوجع بت گلبي واني نايم مرتاح
بقه يدگ ع گلبه
ليث:-امداني امداني اي والله اني حقيررررر شلون نايمه عيني ومرتاح وهيه تتعذب بويهههههههههه
سوران:-كوم
سندته حته يگوم اجته أم اثير حضنته وتصرخ
أم اثير:-ولككك يمه مريتك ماتت عمت عيني عليج بنيتييي
تصرخ وهوه بقه حاضنها ويبجي مثل الطفل
أم اثير:-حرمتها منك ولك ماتت واني ماحجي وياها ماتت بنيتي ولكمم ليش بعدها طفله
هوه زاد بالبجي وكعد بلكاع حط ايده ع راسه
اشرت لسجاد يطلعه منا
راحله سجاد واني سندت خالتي ام اثير
انسحنت روحها من الصريخ والبجي
طلعناهم بره بالحديقه مال مستشفى
اجه اثير يركض حضن امه وبقو يبجون
ليث بقه كاعد وصافن بالفراغ جسد بلا روح
وره شويه سياره وكفت ونزلو ناس بيهم كورونا اجو الأطباء يركضون لبسونه كمامات
انطو لليث مايتحرك شلت الكمامه ولبستها اله
سوران:-سجاد كوم ناخذهم للبيت
اشرلي بمعنى أي وكام سند أم اثير يمشيهة
اجيت اسند ليث دفعني
سوران:-كوم ليث اخذك للبيت كوم بويه
ليث:-ماعوفهاهنا روح
بقه كاعد
.
.
.
.
.
.
.
.
.
.
.
..
.
.
.
.
.
.
.
.
.
.
نرجس.................
الصريخ بلبيت والبچي والناس تروح وترجع
واني لحد الان مامستوعبه منار ماتت
ام محمد:-يمه ماسمعتو صريخها صوتها الله لاينطي البين الاخذها بعدها صغيره يايمه يامناررر
نجاة:-خالتي بالمخزن البره وين نسمع 😭
نور تدك وتلطم وتملخ بشعرها
نرجس:-نور لاتسوين بنفسج هيج امي
ودموعي يجرن
كعدت ام مهدي تنعه واحنه مانتحمل نزيد بالبواجي
رحت اني ورقيه سدينه البوب لان كالو الشرطه اجت تحقق اذا جان حرق معتمداو انتحار
وره ربع ساعه جابو خاله أم اثير منتهيه كالو بعد شويه تجيكم الجثه ندفنها ابو اثير والشباب بالمستشفى وسجاد ورضى ومحمود يم الشرطه واكفين
لهنا ماخلص البارت لان هاذا يعتبر ربع البارت اكمله الكم بس يرحون خطار نرجس بس ماكدرت اطول عليچن وانتضرها لان ادري بيجن متحمسات
