أم اثير:-اجه فريقج خلي اروح (كامت وطلعت)
مشت الأحداث بالبيت طبيعية وحاولت أم سوران توكف الخطبه بس أبو أثير ماقبل وسوران عارضهة
وام أثير جهزتلي هيه والبنات من فستان للحمرة
كعدت ع صوت رقيه
رقية:- يالله ولج كومي هم يالله نروح للصالون
نرجس:-عوفيني روحن انتن ماريد اروح
رقية::- اي مو احنه العرايس دكومي🙄 بقت تجرجر بيه
نرجس:- وخرري كايمةة
كمت مالكيت علوش ماخذيه نزلت لكيت البيت مخبوص وكله نسوان
جرتني رقيه لبستني عبايه ىطلعنه واني بعدني مامستوعبه ونص نومه بعيوني
راحت وياي خاله أم أثير وزهراء ورقيه وسوران يسوق السياره
أم اثير:-صباح الخير بس شني سمه تاخرتي كتلتنه الشمس
نرجس:-صباح النور واسفة اخذتني النومه
أم اثير:-يالله حبيبه صار خير
نرجس :-اريد احاجيج بشئ
أم اثير:-كولي يمه شني
نرجس (نزلت من السيارة وهيه هم نزلت):- خاله مو كتلج ماريد حفله...
أم اثير:-سوران هم مارضى يسوي بس عمج مارضى اله حفله عاد بس حفله العقد مو اله عرس
نرجس:-اني راح احاجيه(جاي اطب جرتني من ايدي)
أم اثير:-يمه تعالي كلش قافل وهسه زلم جوه وين ترحيله
صعدتني بالسياره واني روحي ماطاقيتهة
ودوني للصالون وجهزتني ام الصالون وهيه تكلي بس لو تبتسمين تصيرين احله من هاذه الحله
دنكت عيوني وخالتي اجت وتهلهل
أم اثير:- شني لعابه اللهم صل على محمد عين الباره يمه
عيوني بقت ع زهراء مبتسمه بس دمعتهة بطرف عينهة عرفت شنو بداخلهة بجيت ماتحملت
أم الصالون بقت تهفيلي ع وجهي وتكلي لايسيح اجت زهراء حضنتني وتكلي
:-لاتبجين حبابه انتي مصدر قوتنه
بلكوه سيطرت ع نفسي وبادلتهة الحضن
اجه سوران واخذنه للبيت حطولي مي ورد جوه رجليه وقران فتحته بايدي
وبده يلقني اني مغطه وجهي بالبرقع ومحد يدري بالانهيار الاني بيه
من كلت نعم وانت وكيلي
كلهة بقت تهلهل والبنات يباركلي بعدين دخلو سوران عليه
كعد يمي واني ايدي وحلكي يرجف مو خوف وانما قهر وحزن وماودي اسوي هيج
