ام كرار:-هاذا الطفل ابنج يمة (تحجي ويه رقيه)
ترجس:-لا يوم هاذه ابني
انصدمو من كلت ابني
:-بوية شلون ابنج ومن منوو
حجيتلهم كلشئ فرحو بالطفل عكس الي توقعته
:-يمةةةةةة يارويحة كرار
بقت تبوس بيه واني متمدده بحضن رقيه انتبهت بيبي ماموجوده سئلتهم
:--بيبي وين شو متكو؟؟
كبل بجت خالتي
:-بوية من شافت كرار انطتج عمرهة
بقيت مصدومي وبقت تنزل دموعي عشرة عشرة بديت ابجي عليهة ورقيه تهدأني
كومني وره ماتعشيت واخذني لغرفتي اني وكرار كالت زهراء
:-محد دخللها من مهد العرس ابويه قفلها
دخلت شفت النزله وصورنه ع الحايط حطيت ابني ع الجربايه وكمت ابجي طلعت ملابسه ودموعي عشره عشرة دخلت رقيه وبقت يمي بالغرفه
رضعت الطفل ونمت واني مرتاحه احس بكرار موجود يمي
ثاني يوم صار طلق بالباب باوعت من شباك غرفتي شفت ابوي واخواني الاثنين
فزيت مرعوبه وشبكت ابني طلع عمو وصار صياح
ويصيحون انطونه بتنه نغسل عارهة
عمو بقه يصيح واجو ولد عمام كرار وبدو يلتمون وولد عمامي هم واكفين صاح عمو بالنص
:--البت صارت بتنه وام طفل ابنه يعني وحده من يمنه صارت منه وبينه اتوكلو منا
رجع الصياح ودخلو عمو للبيت وصار مهادد
اجت زهراء
:--كومي نرجس خلي نلم ملابسج وملابس كرار راح نطلع من البيت
:--ليش زهراء شراح يصير
:-بابة كال راح نشيل يم بيت عمامي حته محد يتقربلج انتي وعلاوي
ابستمتلها وكمت اساعدها وهيه توخر بيه لان بعدني نفسة
رقيه كامت وياهة وبدن يلمن
وخاله ام كرار حزينه وعازله نفسهة واربع وعشرين ساعه تبجي خليت علاوي يمهة بقت تشبك بيه وتنعه كطعت كلبي وبقيت ابجي وياهة
دخلت للمطبخ شفت فاطمه تطبخ
:--ها نرجوسه جوعانه
:--لا حبيبتي خلي اساعدج (سرفنت ارداناتي وبديت اثرملها لان ما اكدر أمشي واساعد اكثر)
:--نرجس عادي اسئلج
:-اي حبيبتي اسئلي
وكفت وحجت وهيه مخنوگه
:--شلون كتلو كرار
وكفت من الثرم صفنت ورجعلي الشريط درت عليهة وحجيتلها ودموعي تنزل ويه كل حرف وكلمه وهيه ماتقل عني بدت تحجيلي الصار ورانه
:--من سمعنه الطلق ختلونه بسياره وطلعوالزلم بسيارات الزفه ودوريات الشرطه وراكم وتيهوكم وبقو يدورون بكل الشوارع وبكل المناطق بعدين رجعو الزلم مالكوكم وره ساعتين هيج اجانه اتصال من الشرطه لاكين سيارتكم ع السريع لان اكو واحد مبلغ ع الحادث
راحو بابه وعمامي وولدهم تعرفو ع السياره بس مالكولكم اثر بس الدمايه بلكاع وبليل جنه نبجي وامي تقره ايات ترجعون بسلامه ومابقه واحد حته من الجيران كلها راحت هناك ويدورون بالزرع بلكي يلكونكم
بليل بيبي سمعت الباب يندك وهيه تتوضه المغرب طلعت وشافت كرار هناك هيه عيطه وهيه وكعه ماتت فوك كرار
(حجتلي وهيه مخنوگه وبعدين بقت تبچي حضنتهة وبقيت ابچي وياهة)
وكفت وكتلها لاتبجين بعد لو تشوفين شلون اخذت بحقه
ابتسمت ورجعت شبكتني
:--شكرا نرجس والله احبج
:--واني اموت عليج
كملنه غده تغدينه وكل واحد راح لغرفته ينامون الضهر
رجعت للغرفه لكيت رقيه كاعده ع الجربايه تنوم بعلاوي
:--رقية
دارت عليه وابتسمتلي
:-ها نرجوسة
:-كومي خلي ندور
:-على شنو
:-ع الفيشه والملفات
:-بس..
:-لابس ولا بطيخ كومي
:-بس لو اعرف شنو الي يدور براسج
بقينه ندور كلبنه الغرفه كلاب ومالكينه شئ
:-وين معقوله كرار ضمهن بقيت صافنه واستغفرت رب العالمين
:-نرجس ماكو باي مكان وانتي نفسة مو زين لازم ترتاحين بعدين شوفي شلون تمشين شويه وتوكعين
:-رقية تعلمت ع الوجع تدبغت
:-دنامي لااكتلج هسه واعلمج الوجع
كامت مددتني يم الطفل وغطتني وطفت الضوة ونامت من الجهة الثانيه بقيت صافنه وافكر وين الكاهن ياربي
نفس اليوم بليل طلعنه ورحنه للبصرة لكرايب عمو وتلكونه وذبحو جوانه ذبايح وكلهة لابسه اسود حداد ع كرار وابنهم الصغير هم ميت وع بيبي دخلونه ووو.....
ولهنا خلص البارت الاضافي يعني حبيت اسويلكم لضافه ع مود التعليقات بالبارت السابق وادري بيه كولش قصير بس والله ضغطت ع نفسي والله يعني صارلي كومه ساعات اشتغل واتواصل ويه البنيه بشلاع الكلب لان طلبتو مني انزللكم اضافات واكو بنيه سائله اذا اكو بطل ف يب اكو بس راح تشوفونه بالاحداث الجايه ومو بطل واحد ابطال تغيرت حياة نرجس تدريجيًا وهنا نعرف انو ربنه يوكف مع الإنسان الصبور وميترك عبدة أبدا ونعمة بالله وصار هدف لنرجس جديد
وبس سويتاتي اسفة اذا جنت مقصرة وياكم بشئ واحبكم ديرو بالكم ع نفسكم لحد ما اشوفكم ببارت باجر وبااي❤️👌
