اجتني فكره ارسمها
بقيت اتخيل بوجها وارسم والابتسامه شاكه حلكي
شفتها...عيونها...خشمها كل تفصيله منها اتذكره بعدين بديت اتخيل شعرها وارسمه لان ماشايفه
اجه واحد من وراي ركعني ع ضهري واخذ الدفتر من ايدي
كمت اركض وراه سجين هوه ومجموعته
بيار:-اوكف إبن القندرة
فرينه الساحه فر مايوكف
اجو جماعته سوو عليه دائره وهوه بقه يگلب بدفتري
شلت طابوكه من الكاع وجيتت عليهم اضرب بيهم
بيار:-تتعاملون ويامن انتم ساق***فشله
لزموني اثنين من وره واجاني هوه بيده الدفتر
:-تريده
باستهزاء يحجي احس عيوني صعدت بكصتي
دفرته برحلي ع المنطقه المحضوره
بيار:-الگم باجي(كلمته الشهيره بعد كل عركه)
وكع بالكاع متوجع
بدو يضربون بيه ع معدتي
بيار:-خرب فكوني اذا انتم زلم جبناءءءء
ضربوني ع حلگي بوكسي نزف دم
عافوني بالكاع وراحو يمشون يردون يدخلون كمت وراهم اركض وبيدي الطابوكه فلشت وجوهم تفلش بكل عصبيتي واخذت الدفتر ورجعت لمكاني
كعدت طلعت الصليب الي شايله بصدري بسته وتمددت واني لازمه بأيدي
..
.
.
.
.
.
.
.
.
.
.
.
.
.
........................................................................
...نرجس
فتحت عيني ع اشعه الشمس الداخله بالغرفه وصايرة بوجهي بقيت متمدده وصافنه ع الضوه
علوش صار وجهة بوجهي
علي:-مامه كعدتي
ابتسمتله وبقيت ألعب بشعره
نرجس:-اي مامه كعدت
علي:-شوفي نضفت الغرفه
باوعتله باستغراب ورفعت نفسي لكيته عود مرتبها شايل الملابس مخليها بعلاكه وعود كانس نص نضيف ونص لا
ابتسمتله وكمت بسته
نرجس:-شنو هالنضافه هاي
ادغدغ بيه وهوه يضحك باسني وراح يركض
نرجس:-وين رايح
علي:-اباوع ع التلفزيون
واختفى صوته بسبب بعده عن الغرفه
درت ع مكان سوران لكيته بعده نايم
عفته وكمت سبحت وبدلت ملابس وبديت انضف بالغرفه
شلت الكزاز شمرته بالسله اول مادرت لكيته فاتح عيونه بانزعاج
سوران:-ماتعرفين تشتغلين بهدوء ماتكولين حيوان نايم هنا بت الخرة
