زهراء:-نرجس ماريد اتزووجج مااا اريددد
حضنتهن فكرت بيني وبين نفسي وكمت
نرجس:-هسه راح اوكف هاذا الوضع عد حده
طلعت وهنه وراي يصيحن عليه شنو راح اسوي
فتحت باب المضيف ولكيت عمهم كاعد ويمه ولده
دخلت والبنات وراي هوه بقه يباوع علينه مستغرب والكاعدين هم
أبو أثير:-نرجس هاي شنو
نرجس:-عمو اني مستعده اتزوج مثل ما ردت بس عندي طلب
أبو أثير باستغراب:- وشنو الطلب؟؟
نرجس:- محد من البنات تتزوج
أبو أثير:-بس...
بعده مامكمل قاطعته وكتله
نرجس:- انته مو كلت بالبدايه البنات يكدرن يتعايشن ويه ولدنه لان بنات عمهم ؟؟
أبو أثير:-اي كلت
نرجس:-زين هنه بمسؤليتي واني راح اتزوج واحد من ولدك لان غريبه عنهم مثل ماردت
بقه يباوع عليه
أبو أثير:-جا واخيتج
نرجس:-عمو اختي عوفهة ع صفحه بالاعتبار جايه وياي
سكت
نرجس:-هسه هاي هيه نكول يالله؟؟
بقن يسحبن بيه لان هيج كلت يردن يطلعني وخرتهن وبقيت اباوع عليه منتضرة اجابته
تنهد
أبو أثير:-انتي ماينكدرلج يالله نتوكل ع الله
هنا درت وجهي وطلعت كبل دخلت للحمام حته محد يشوفني صحت ع رقيه تبقه يم علاوي ودموعي بقيت ماسيطر عليهة شلت ايدي اباوع ع الحلقه وبقيت ابجي أكثر
(كرار راح اتزوج واني والله اموت عليك حبيبي ليش الحياة تمشي عكس الرايدته )انهاريت بالبجي (ياللهي الحمل جبير ع متوني ماكو وحده تحمل هالحمل بعمري ربيييي)
دكت فاطمه عليه الباب
فاطمه:-نرجس علاوي ماجاي يسكت
مسحت دموعي ووكفت واحاول اسيطر ع نبرة صوتي
نرجس:-هسه طالعه
غسلت وجهي وبقيت اهفي بايدي ع عيوني وطلعت بس بقيت مدنكه عيوني ع الكاع حته محد يعرف جنت ابجي ورسمت ابتسامه جذب ع وجهي تلكتني منار
منار:-صدك راح تتزوجين واحد من اخواني
نرجس:-اي
منار:-شبيج نرجس صايرلج شى
نرجس:-لا مابيه شى بس علاوي خبلني بس يبجي
اجت فاطمه
فاطمه :-ولج نرجس كلب الدنيا فوك
نرجس:-اي اجيت
صعدتله لكيت وجهة مكلوب أحمر من البجي ورقيه وزهراء يحاولن يسكتنه
ركضت عليه شلته بحضني وهنا ماتحملت حضنته وبقيت ابجي وياه من كل كلبي
