رحات نزلت واني عيوني احس اكو حراره تنزل عليهن
منار:-روحي ارتاحي نرجس اصعدي لغرفتج مبينه مالج خلگ واني اجيبلج عشعش
نرجس :-جيبيلي علي منار فدوه
منار :-هسه اجيبلج عشعش
كعدت بالكاع دايخه شفت منار
اجت فاطمه كعدت يمي
فاطمه (تنهدت):- شلون جانت حياتج هناك تعبوج مو
ابتسمت نرجس:-لا بالعكس مرتاحه كصيتها بس اكل ونوم(جذب جنت اشتغل واكرب ووقت فراغي ارجع انام او اخيط)
فاطمة:-شصاير بيج مبينه جنتي تتعبين وماتاكلين عدل وجهج اصفر وصايره ضعيفه كلش
نرجس:-وانتي فطومه بشري وين وصلتي بالدراسه نجحتي لا
جاي ترد وبقت صافنه ع راسي
فاطمه:-نرجس مجروحه براسج عززة خلي اشده
كامت تركض وره دقيقه رجعت بيدها باندج لفت راسي
نرجس:-مبين الجرح
فاطمه:-لا بس منو مسوي هيج بيج
نرجس:-محد بس انردمت بالباب
فاطمه:-ادري غير تنتبهين تاذيج؟
نرجس:-لا
فاطمه:-ولجج تذكرت نسيت الاوتي ع قميصي لان جنت متحمسه اكعد وياج
راحت تركض بسرعه
طلعت منار من المطبخ تبجي وراحت لغرفتها وبعدين لحكتهة نور
وره شويه طلع محمد ابن عمهم من المطبخ
ضايج وعصبي وراح طلع وسد الباب حيل بكل قوته
اجه علوش يصيح ماما بالبيت جاي ارد عليه وشفت اجت رقيه شالته
رقية:- احنه مو كلنه مو اني مامه نرجس مامه
علي:-لا انتي ماما لاتجذبين عليه
كعدته بالكاع وبقت تقنع بيه هيه مو امه واني أمه
رحت يمهم كعدت التفت عليه
علي:-انتي صدك مامه يعني
نرجس(حطيت ايدي ع وجهة وابتسمتله بتعب):-اي ياروح مامه انته شكد جنت منتضره هاي الكلمه من حلكك اي والله اني مامه
نزلت دمعتي كام وكف كبالي ومسح دموعي وحضن راسي وباسه
ماوصف مشاعري اكتفيت اني بحضنه ومافكرت بشئ غير هاذا سندج نرجس وشعوري يجنن فرح مو طبيعي
رقية:-يالله كومو خلي نطبخ
كمت وانطيت ايدي لعلوش
ورحنه للمطبخ نسوي اكل سوينه تبسي
حطيت التبسي وعلوش يضحك ويشم بالريحه ويقيم
نرجس:-يالله مامه غسل ايدك حته ناكل
