الانسان دون أمل
كـنبات دون ماء،
والإنسان دون ابتسامة
كوردة دون رائحة..
إنّه دون حب كغابة احترق شجرها..
كيف وجميعهم جمعو بي....!؟
" ساعدونه فدوه ماجاي يكعد فدوةةة ساعدوه هوه اكيد مامات
ابجي واصيح عليهم
حطيت ايدي ع وجهة
"فدوة اروحلك اكعد مو وقت نومتك ابوس ايدك اكعد لاتعوفني شكول لامك ولابوك اكعد بداعتي انته موو...تكول احبج لعد يالله كوم وين عفتني مو كتلي احميج افتح عيونك فدوه والله رعبتني عليك
احجي وياه التفتت ع هذولي واكفين نفس وكفتهم جان بده ينحني واحد منهم ودنك صار مقابيلي ملثم و التفت عليهم
حجه بهدوء
"زوجته مابيها شئ
هنا عرفت همه نفسهم الجانو يضربون بالسياره بديت ارجف واني لازمه ايد كرار اخاف اعوفه واجه صوت ثاني مبين المسؤل عليهم
"طلعهم...اثنينهم
نزلو ثلاثه وبدو يفتحون حزام الامان عني وعن كرار ويجرون بكرار جر واني اكلهم
"فدوه لتسحبونه حيل راح يتوجع واباوع عليه اشوفهم يجرون بيه جر ماكو ذره رحمة عبالك يجرون بلعبه
رغم جسمي مكسر كمت وبقيت ادفعهم منه
"وخرو حقراء وخروووو اني اطلعه لاتجرونه هيج هوه مو حيوان جواكم
جرني واحد منهم وخرني وبقو اثنين يطلعون بكرار طلعوه وخلوه بالكاع هنا اني ماتحملت انهاريت رجليه بعد ماتشيلني
"كرارررررر (بصياح وانهيار) فدوة اروحلك افتح عيونك كراررررر
تقربو منه
"هنا فتح عيونه شويه وكال لقائدهم عوفهة مالهة ذنب
ويحجي بالكوه بقه يتقرب عليه ودنك عليه
"همممم..حلو والله (بضحك) كول المعلومات واني افكر اعوفهة ولو هيه صاكه
كرار ضربه برجله وهوه بالكاع
"لاتتقربلها مالهة ذنب ولاتدخلها هاذا الموضوع بيناتنه
شفت هاذا مد ايده لواحد من الوياه وهذاك طلع سلاح حطه بايد هاذا الكاعد ووجهة على راس كرار واشر للثاني بقه يضرب بيه هنا فقدت
دفعت هاذا بكل قوتي حته ماعرف منين اجتني هالقوه وحطيت راس كرار بحضني وهوه ينزف انترست بدلتي دم تحول لونها من ابيض لاحمر بقيت ابجي واحجي
"حقيررر هوه بيا حال ماكو رحمة عوفوه لاتمدون ايدكم الوصخه عليه
بقه يضحك وفجأة وكف وتغيرت نضراته
"كوا**د...وين الفيشة والملفات احجي و هسه مستعد اسوي الي مامسويه ابليس بيك وبهاي
طلع سجينه ووجهة عليه
كرار حته مابقه يكدر يحجي قرب راسي عليه وخله اذني يم حلكه وشاورني
"راح الهيهم وانتي انهزمي عصفورتي لاترجعين ولا تلتفتين...واريدج ترجعين للبيت خوش
"لا..لا كرار فدوة ماعوفك ماعوفك (احجي واني ابجي واباوع على عيونه الذبلانات
باسني من راسي
"فدوه اروح لعيونج اذا ماترديني الوم نفسي ابقي هنا روحي
كام ومايكدر يوكف بقه منتجي على حطام السياره
دفعني ع الزرع
وضرب واحد منهم خلاهم يلتمون عليه وكعوه بلكاع واشرلي اركضي
شفت هاذا اجاه بالسجين رجعتله بس مالحكت
نحره كدامي
"كرارررررررر (بقه ينازع وعيونه عليه نضراته ندم ووجع وغضب)
لحد بعد ماتحرك
"ليششش ذبحته انته غبيي وهسه وين نلكاهن بقة واحد يصيح علة الثاني
"دوروه
وكفو عليه بقو يدورون بجيوبه
اني وكعت بالزرع
"جيبو مرته
"بس.. ميسر هايه بنيه صغيرة
"كتلكم روحو جيبوهة
من سمعتهم رحت اركض واسمعهم يدورون عليه واني جنت مضروبه من الدعمه بايدي ماكدر احركها هواي وراسي مضروب خفيف لان سوده عليه كرار حماني صارلي درع
(كرار ليش عفتني
كرار اسفه عفتك اسفةة
ليش دفعتني لو باقيه يمك جان ماذبحك هاذا المتوحش
كرارررر) بقيت ألوم بنفسي ابجي واركض بين القصب البردي مادري وين يوديني ومادري رجليه وين راح توديني
كلساع بقيت اكوم واوكع بسبب البدله واسمع اصواتهم يدورون
بعدين لكيت نهر واكو طريق جسر وسوگ
رحت اركض باتجاه الجسر وشفت ولد على بايسكل بس بعده صغير كتله فدوه ساعدني راح انهزم عباله اريد اخطفه او سلابه
رجعت اركض ع الجسر شفتهم اجو باتجاهي شافوني
بقيت اركض واصرخ بأسم كرار كل ضني هسه يكعد ويجي يحميني منهم
ركضت ع الناس جاي اوصلللهم صارت بينه مسافه و تكطع طريقي سياره سوده من الجانن يلحكنه وجرني واحد جوه وكبل صعدو هذول الاثنين بقيت اصرخ بكل صوتي هاذا الازمني
حط ايده ع حلكي
"رسن ليش لازم البنيه....صدك تحجونننن ليش جبتوهة شنو ذنبهة تره بعدها صغيرة وفوك كل هاذ مسويه حادث ورجلها انكتل كدامها من كل عقلكم انتم هسه جايبينهة تره صارت مضرطه خربب
درت بعيوني على اليحجي هاذا الجاي يسوق حسيت بيه يجوز عنده رحمه احسن من هذول الوحوش وهوه يصيح عليهم ويكفر وادري هوه مثلهم
"دسكت بيار ...لا ومحمد اركعك بالنعال تره روحي طافرة لر**بك رسن خليهة تنام دوختني(لان ابجي)
ماحس اله ضربه على ركبتي وبعد فقدت
فتحت عيوني اشوف مغوش وادعي هاذا جان كابوس وكعدت منه وهسه الكه كرار كدامي نفس كليوم يشاقيني ويكلي عصفورتي وبنيتي بقيت اتلفت بالغرفه
جانت ضلمه وبيها فتحه صغيره فوك بالسكف تهويه وهيه المنفذ الوحيد الي يدخل منه الضوه ورابطيني ع الكرسي وشادين حلكي بوصله
واكو طبله وراهة كرسي درت عيوني ع الجهة الثانيه شفت ادوات تعذيب احس الخوف البيه عمري ماحاسته
وكل همي جان الكاع حاره وكرار بقه متمدد عليهة حته مافكر بنفسي بالي كله يمه وانفي من راسي هوه مات هسه يكعد ويجيني ماكدر اتقبل فكرة موت ملجأي واماني وروحي
انفتح الباب مارفعت راسي وبقيت على نفس الوضعيه صافنه وافكاري بغير عالم بلكي شالوه وجروحه جانن يأذنه وشلون نحره كدامي ودموعي الحاره احس بيها على خدودي اله احس شخص رفع راسي بعوده هنا رجعت لوعيي
سرفن ارداناته وطلع الوشم على ايده اليسرى
طلع علبه الجكاير واخذله جكاره بده يدخن سحب الكرسي حطه كدامي وكعد حط رجل ع رجل
"اسمج ..نرجس
فتحت عيوني ع وسعهن شلون عرف
"لاتتفاجئين كلشئ اعرف
غير كعدته وكال
"زوجج ...شمرنه جثته بباب بيتكم
