نرجوسه:-حياتي انتي
اجت باست علوش وطلعت
علي:-مامه خلي نطلع
نرجس:-حبيبي مو اليوم اريد ارتاح
برطم
علي:-مامه وين فاطمه؟
نرجس:-فاطمه نايمه ليش
علي:-اشتاقيتلها
ضحكت عليه
نرجس:-نزوجها لوليد؟
علي:-لا لاا اني اتزوجه(يحجي ويمتمت)
نرجس:-لا خطيه وليد
علي:-خلي يولي اني اخذها(بعصبية)
نرجس:-يالله يالله الك
كام طلع بطنه
علي:-شوفي صرت جبير
نرجس:-يمه فدوهه للجبير يالله اليوم ازوجك فطومه
كام يركص بالغرفه وفرحان
الكاتبه مريمه:-(طلعتي عيون الطفل👌)
.
.
.
.
.
.
نذهب بالاحداث عند سوران
رحنه للبيت اخذت ملابسي من ساره تلكتني يم الباب
اخذتهن وطلعنه وره سبع ساعات وصلنه لديالى للقاعدة لكيت الأمر كاعد
سوران:- السلام عليكم سيدي
الأمر:-وعليكم السلام شو تاخرتو
سوران:-ازدحامات بشلاع الكلب وصلنه
الأمر:- الحمدلله على السلامة
سوران:-الله يسلمك سيدي
دار عيونه ع ليث
الأمر:- شبيك ليث شصاير وياك ليش هيج وضعك؟؟
ليث:-سيدي انخبزت
الأمر:-ليش
سوران:-بسبب حبيبته الفكر
ليث:-انجب سوران هاي بت كلبي
الأمر:-بعدك ماستسلمت ابو منيره
ليث:-سيدي اسمها مناره كلبي مو منيره
الأمر:-خوش تدلل ابو مناره روحو ارتاحو...
ليث/سوران:-حاضر سيدي
الامر:-سوران ودي ليث للغرفه يرتاح وتعال
سوران:-حاضر سيدي
وديت ليث للغرفه ورجعت
الامر:-تعال سوران
سوران:- تفضل سيدي
الامر:- شوف وصلنه للمهربين
كام وراح باتجاه الخريطة مال المحافظه وكمل
الامر:-راح تروح بزي مدني وتدخل بينهم بس اريدك تجمعلي كل المعلومات اخذ وياك بس اثنين من الشباب
سوران:-حاضر سيدي استرخص هسه
الأمر:-أخذ راحتك
طلعت لكيت الجنود مجتمعين ويتهامسون
