وكبل سمعنه صوت سوران رج المستشفى رج
يفتح الغرف ويدور علينه
دخل الغرفه عاط علينه واجه
باتجاه نرجس گبل سحبه أثير ومصطفى
طلعوه بره الغرفه وبقو يصيحون
اني كمت حضنت نرجس من الخوف احس جسمي كله يرعش
جمعت شجاعتي وطلعتله
سوران (بصياح):- انتم منو اذنلكم تجيبونهاا هااا
اثير:-چا تريدنه نعوفها تموت دوخر لا بمحمد ادفنك هنا
سوران:-احترم نفسك اثير ولاتطلعني عن طوري
رقيه:-اذا ماتروح منا هسه اسويك فرجه لامه محمد روح منا احسلك مجرم نعلعله والديك ساقط شمسوي بيها
اريد اوصله واثير يدفع بيه
سوران:-عود عبالج ماكدر اسويلج شئ موووو وحق لا اله الا الله اله امسح كاع المستشفى بيج
علگت اني وياه لحد ما اجه ابو اثير وسحب سوران
سطره راشدي
بقه سوران يباوع عليه
أبو أثير:-ماتحترم لا صغير ولا جبير ولا زلمه ولا مره شو اطلع كدامي وعندي حجي وياك بالبيت
سحبه هوه واثير ومؤيد طلعوه عافوني اني ومصطفى ونرجس بعدها نايمه
مر الوقت واحنه منتضرينها تكعد
مصطفى:-رقية عادي اسئلج
كاعد ع القنفه وراي التفتت عليه
رقية:-اي تفضل
مصطفى:-شعجب اهلج ما اخذوج وعايفينج هنا يم نرجس لان الهم حق ياخذونج سوائا عشائرياً او قانونياً
رجعت التفتت ع نرجس
دنكت
رقية:-مايردوني يردون نرجس بس
مصطفى بتأسف:-اعتذر اذا سببتلج ألم بسؤالي بس اهلجن عجيبين
ماحجيت شئ بقيت امسد بجف ايدي ع شعر نرجس لحد ما فززني سؤاله
مصطفى:-رقية تتزوجيني؟
وكفت ايدي عن الحركه
مصطفى:-بصراحه انتي عاجبتني واني معجب بيج من اول يوم شفتج بيه وانتي ثگيله تزوجيني وراح ادللج وروح جدي
(يعني طول هالفتره مايشوفني كأخت يشوفني بغير نضره)
رقية:-اكيد جاي تشاقه لان انته مثل اخويه
اجه خله ايده ع ايدي
مصطفى:-احبج رقية ورايدج ع سنه الله ورسوله
سحبت ايدي منه وكمت رجعت ليوره
رقيه:-لاتطخني حرام ولاتجي يمي ومراح اتزوجك
