نضفت الغرف والصاله لكيت بيها اجباس وحلويات مالات سهره البارحه شلتهن وكنست وبقيت امسح واني امسح طلعتلي جنطه سوده من جوه جربايه بغرفه مادري المن بس فارغه
شلتهة اول مارفعتهة وكعن اغراض منهة الضاهر مفتوحه نزلت الم الاغراض لكيت اقراص قديمه والبومين صور بس مافتحتهن ضميتهن جاي اكوم شفت اكلاده بلكاع شلتهة بايدي بيهة حلقه كرار سمعت صوت بره ضميتهم وكمت بسرعه
صعدت لكيت الموبايل يرن شلته لكيته بيار
نرجس:-الو ها بيار (احجي ع كيف خاف احد يسمع)
بيار:-انطيني عنوانج بسرعه لكيت الملفات خلي اضمهن عندج
نرجس :-عليك الله صدكك
بيار :-والله بس ماكدر اخليهن عندي لان عم ميسر كل يوم يسوي علينه تفتيش شاك بتحركاتنه كن اجي اشرحلج
نرجس:-شوف اني بالعماره من توصل اطلع بمول او بمكان عام وانطيك العنوان
بيار:-تمام
رحت نزلت جوه ومن داخلي فرحانه أخيرا
بعدين وكفت ع الدرج
(شلون راح اطلع بالله)
صعدت كعدت رقيه
:-رقية...ولج رقيه كومي بسرعةة
:-هاا....وخري كاعده كاعده
ورجعت غطت راسهة
ضربتها
:-رقيه كومي بيار خابرني
كامت فزت من مكانهة
:-منو وليش خابرج
حجيتلها شكلي
:-وشلون راح تطلعين؟؟
:-مادري بس ضروري اروح رقيه
صفنه وحده بوجه الثانيه
:-عندي طريقه نكدر نطلع بيهة
:-شنو هيه
:-نكول ابنج مريض وهوه بس يبجي ونروح اني وياج
:-زين واذا كالو اخذي واحد من الولد
:-نكلهم لا لان مناك نريد نروح لدكتوره نسائيه
:-ليش
:-كليلهم عندج التهابات
:-اكل لعمو.؟؟؟!
:-لا شبيج لخاله بس هيه تغطيلنة
:-مادري يالله نشوف
نزلت اخذت علاوي وبدلتله
وره ثلاث ساعات تقريبا اتصل بيار وكال وصلنه
نزلت كلت لخاله كالت اله وحده من البنات تروح وياج لان تخاف علينه اني ورقيه
اخذنه منار
اتفقنه نلتقي بالسوك
طلعت اني والبنات رحنه للسوك
