كعدت الصبح ع ايد علوش يلعب بوجهي
فتحتله نص عين
علي:-مامه انتي كيكه اريد اكلج
همهمتله ورجعت غمضت لان بعدني نعسانه
علي:-مامه اكعدي هواي نمتي
حجيت بكسل بدون مافتح عيني
نرجس:-ليش بيش الساعه؟؟
علي:-المغرب راح الصبح من زمان
فزيت من مكاني سحبت تلفوني باوعت ع الساعه بالخمسه عبالي بليل ركضت ع البلكون فتحت البرده شفتها الفجر التفتت عليه غطه راسه ويضحك
نرجس:-تجذب عليه مو؟
اجيت باتجاهة وهوه يضحك ذبيت روحي فوگه وبقيت ادغدغ بيه بقه يتوسل اوخر كافي ويضحك
علي:-مامه كعدتج لان بطني جوعان
ابتسمتله
نرجس:-هسه مامه تسبح وتنزل تسويلك اكل
اجه عصر خدودي
علي:-احبجججج
راح نزل من الجربايه وطلع يركض
هنا علي عمره(7) سنوات
اخذت المناشف مالتي ودخلت للحمام لكيت يم الدوش طلقه مال مسدس شلتها بقيت اتفحصها ماهتميت شمرتها بالزباله وكملت سبح طلعت من الحمام شسورت شعري ورفعته كبايه ولبست تراك اسود وبقيت ارتب بالغرفه شلت الملاحف بالغساله وطلعت ملابس علوش مال المدرسه غسلتهن وشريتهن واني اكنس بالغرفه هم لكيت طلقتين جوه الجربايه ذبيتهن استغربت بس ماهتميت عطرت غرفتي وطلعت لكيت علوش منتضرني ع الدرج ويباوع ع الخطار نايمين بالصاله سويتله باصبعي بمعنى لاتطلع صوت
للمعلومه(بيت ابو اثير مايفرغ من الخطار نهائيا نادرا مايجيهم خطار)
اخت علوش ونزلت للمطبخ بديت اسوي ريوك لعلوش وللخطار العدنه لان النسوان والزلم المبار بالعمر كاعدين بالحديقه فطبختلهم حطيت لعلي اكله ورحت حطيتلهم اني الصبح ماشتهي اكل فرحت انضف بالحديقتين الوره والكدام قبل مايكعدون بديت اسگي بالزرع بعديت بديت انضف بالمسبح الشمس بعدها هستوها جاي تطلع
سمعت صوت وراي درت ماشفت احد كلت يمكن جاي اهلوس رجع صوت بنيه وراي هم التفتت ماكو رجع مره ثالثه وهاي المره اقوه بس هاي المره من إتجاه المخزن البيه احترگت منار استغربت وبديت استمع عدل للصوت
زاد صوت البچي خفت ودخلت اركض وكفت بالمطبخ وصدري يصعد ويهبط من الخوف بعدين كلت لا يمكن لان وحدي فبقيت اهلوس رجعت اشتغل واكمل يومي طبيعي
.
.
.
.
.
.
.
.
.
.
..
.
.................رقية كعدت ب1 الفجر عطشانه عطش عبالك كاطعه صحراء
نزلت للمطبخ لكيت البيت كله اضلم ودافي لان مشغلين تدفئة بارده الدنيا بره صبيتلي مي حسيت بروده برجلي مو طبيعيه وراها بشويه ضربني هوه بضهري بقيت ادور ع مصدر الهوى رحت يم الشبابيك مسدودات رحت يم الباب لكيته مفتوح (باب المطبخ الخلفي) فتحته اكثر وطلعت خاف واحد بالحديقه والكلاص بعده بأيدي
