..........//...سوران...//.........
رجعت ليث لبيته استقبلتنا خاله
(تصير اخت أبو أثير الجبيره هيه مربيه ليث مامتزوجه وماعدها احد غير ليث)
استقبلتنا يم الباب
:-يمه شو تاخرتو كلبي نار
بسنه راسها ودخلنه سدت الباب والتفتت علينه
:-احجي ليث شبيك شنو هاي شصاير بيك يمه منو مسوي بيك هيج
ليث:-لايضل بالج وكعت من درج المول
:-لاتجذب عليه احجي منو ضاربك منو مسوي بيك هيج
سوران:-ماكو شئ اني دفعته بالخطأ ووكع
تباوع علينه بنضرات انو مامصدكه
سوران:-شنو ماكو تفضلو اليوم نبات بره
:-طايح الحض البيت بيتك دطبو خلي اسويبكم عشه واجي
راحت واني تجيت ليث ودخلته للصاله
ليث:-اكلك سوران جيب مرتك هنا
سوران:-ليش؟؟
ليث:-لو اكلك عوفها يم منار
سوران:-هسه غير يحجي ليش؟
ليث:-اخاف امي تبقه وحدها
سوران:-نجيب اسيل هنا
ليث:-اي صح اسيل ماملتزمه من احد فارغه خليها هنا تداريها
انتبهت ع وجهة صافن وباله مو هنا ابد
سوران(حطيت ايدي ع رجله):-شبيك لهل درجه مهموم
ليث:-خويه مادري شراح اسوي
ضحك وكمل:- منو كلك اني مهموم تره ماعندي غيوم
سوران:-شكد تافه
ليث:-تفاهتي تعجب
:-تاخر الوقت يمه هاكم اكلو
راحت طلعت جابت فراش وفرشتلنه
:-سوران يمه نام يمنه اليوم
سوران:-ماكدر لازم احضر حته اطلع من الصبح
ليث:-دكل تبن وروح كرار ماتعتب الباب زوجتك بالبيت هسه تحضرلك الصبح نمر عليها ناخذ الغراض ونطلع
(هيه شلون زوجه والله يالله)
:-اي يمه هنا ابقه ماعندك حجه
ليث:-يالله ابو علاوي مد ايدك
سوران:- خلي اتصل عليها
طلعت اتصل وماكو اربع مرات يالله ردت
نرجس:-الو
سوران:-اسمعي وبدون نقاش حضريلي ملابسي مال الدوام اجي اخذهن الصبح
نرجس:-دروح بابه انته مصدك نفسك عندك زوجه
سدته بوجهي واتصل ماكو ماترد اتصلت ع ساره واتفقت وياها تحضرهن اليه
رجعت دخلت يم ليث
بدينه ناكل وغيرنه الموضوع لان خالة كاعده
