عيناك لا استطيع ان انساهما
حتى عندما اكون على فراش الموت
قلبي يندبك هل يمكنك العودة
فقط لاكحل عيني برؤيتك
ولاني لا اريد سواك.......احبك بكل لغات العالم
من كتابات نرجس
وهاي نزللتكم البارت الثاني مثل ماوعدتكم تستاهل عيونكم الحلوه وهم اعرف بقيتو بفضول مثل ما اني بقيت بفضول لكل هاي الاجوبه استمتعو☺️✨
: هسة احجيلج كلشئ
:ايي والله حبابه
:بس اول مره لازم تهدين وترتاحين
كعدتني وخلت وره ضهري المخده
:احجيلي گلبي نار
:شوفي ميسر اكيد تعرفينه...ابوه ميت من هوه وصغير المربيه عمه
وعمة تاجر اسلحة ومخدرات وميسر مستعد كلشئ يسوي لعمه لان بمثابه ابوه وعمه زوجه بنته من قبل 10سنوات ويموت عليهة هيه وابوهة
:زين اني شدخلني بحياته
:اصبري....(بقيت استمعلها باهتمام وبعدين اني شعليه بعمه ومرته هيه وكفت وعدلت مخدتي وبقت ترتب بالغرفه وتحجيلي)
قبل 3 سنوات جان عمه ياخذ البنات والولد الصغار القاصرين ويلعب بيهم لعب من تعدي جنسي لابشع شئ يجي براسج او يبيعهم
شك بيه شرطي و لحكه وصورة و عرفو بيه لزموه وكتلوه واخذو الفيشه بس مادري شلون وصلت لايد زوجج الله يرحمة
والملفات جانن عقود بيع الاطفال والمفخخات والأسلحة للارهاب
لهاذا السبب مستقتلين عليهن لان يروحون بيهة بس تروح للقضاء
بقيت صافنه و درت عليهة
:تدرين احس روحي بفلم مامعقوله اكو هيج بالعراق
:اكو واكو الاكثر بس خلي بالج منهم الوحيدين التكدرين تثقين بيهم هنا بيار ورسن و مؤمل وسدير فقط
واحذري من فرقد تره كلشئ بحلك ميسر وتره اريد اكلج شئ بس خاف تتاذين
:-كولي تعودت بعد ع الالم
:- صديق زوجج إسمه حيدر راد يجي ينقذج بس قتلوه واخذو اولاده الصغار تاجرو بيهم وبناته مادري وين بس مرته راح يجيبونهة هنا
(تذكرت حجيهم بالسياره يعني هاذا صديقه سوده عليه بجيت عليه )
:ما اثق باحد كلهم مشاركين بموت زوجي وصديقه ماعده الاشخاص الي قتلوهم كدامي وترديني اثق بهذولي
:هم حقج اني راح اجيبلج أكل واجي
:اكلج اليوم شنو من الأيام واذن لو لا
ابتسمت :اليوم الاثنين وايي قبل متكعدين بشويه اذن
طلعت بقيت اباوع وراها حته ماكدر اتحرك جسمي مكسر ومابقالي بس يوم واحد
شلت جسمي بشلاع الكلب امشي وااوون شلت مصلايه فرشتهة هيه مخليتهة ورحت توضيت بالمغسله موجوده بالغرفه وغسلت وجهي درت ع المرايه تفاجأت من الكدامي هاي مو اني شعري شصاير بحاله ووجهي صاير عوده راحت خدودي وعيوني مورمه ماعده اثار الضرب وآثار الحروك تفاجأت من نفسي
