الكاتبة:ميار
لو تدورين...علينه وتشوفين
يادنيا....بشنوتسوين بينه وبشنو تمرين
جان طلگتي نفسج...بالحالتين
"اشربي مامه وغسلي وجهج المن مسويه بروحج هيج وتره المدرسه كلهة طلعت بقيتي بس انتي
شربت وغسلت وجهي بعدين تذكرت اليوم نزلت بابه شكرت الفراشه ورجعت اركض للبيت
الشارع ماحسيت ع طوله من الخوف فتحت الباب جان اشوف كلهة موجودة وكاعدين بالكراج يم الحديقه فارشين وياكلون ويضحكون
اخذت نفس عميق واعرف الي منتضرني دخلت وسديت الباب
حطيت كتبي بلكاع وسلمت عليهم
الكل:وعليكم السلام
الاب: ليش متأخره وين عدنه بنات يتأخرن وين جنتي وعيونه تذب شرار
داحجي وقاطعتني امي
الأم:غير طالعة عينها لو تشوف شسوت البارح يمةةة
محمود : وعلي ردت اكسر ضهرها الجلبة
الأب: دحجو شصاير شمسويه
الام : ياااا ابراهيم كول شنو الي مامسويته
الاب:هسه غير تحجي لعنه الله ع الشيطان
هنا بقيت بس اباوع واحس حته جفني يرجف من المنتضرني ومحد ينطيني مجال احجي
مصطفى:يابه غير اجاها
قاطعته امي وصاحت
الام: ولك مصيطف غير جاي احجي ليش تقاطعني ادبسز
مصطفى: اي كولي انتي بالله ع الاساس تعرفين تحجين طي*ز الحجي ماتعرفينه
الام : تره اكوملك...
الاب:شنو هوه طفل تكوميله تره اهفج بالنعال وفضيها شمسويه
الام :صديقتي عدها ابن
"اي ومنو هاي
"ام صادق
"اي
"رادت هايه وهيه تاشر عليه وكملت رادتها لابنها
"اي وبعدين
"وهاي الكحيبه رفضته
"عادي شكو بيهة يجي غيره
هنا ماصدكت نطقهة حسيت مي بارد نزل على گلبي اول مره احس بوجود أب مالحكت اكمل هاذا الشعور الى امي تكله
"عدهم خير من الله وكدرون حته يوزنوهة ذهب
هنا تغيرت تعابير وجهة وكام ع حيله وهوه والله جذب ماعدهم وابنهم يشتغل عامل والله جذبت عليه حته يكوملي
"شنوووووو ولججججج شلون ترفضينه بت الخرةةةة
فتح احزامه وهوه يتقرب عليه بخطوات بطيئه واني ارجع ليوره واكله والله بابه ماعدهم والله جذب وهوه ولا همه ويمشي باتجاهي ويفشر ويسب درت عيوني وراه امي واكفه هيه واخوتي ويضحكولي
"اني جبت عمري كله اعلف بيج وهيج تجازيني اليوم اطلع العلف من عيونج بت الخره بت القندره اليوم اسمط عشيرتج
بقيت ارجع ليوره واحس رجليه من الخوف بعد ماتشيلني وايديه ترعش حته رموشي تهتز من الخوف ودي احد يحتضني ويختلني بس منو لحد ماحسيت ببروده بضهري بسبب انحصرت ع حايط الحمام الي جان كله مي لان متروس التانكي
