ဆံပင်ခြောက်တာကိုထိုင်စောင့်ရင်းသူတို့စကားပြောနေရာကနေ သူတို့ရဲ့ငယ်ဘဝအမှတ်တရတွေဆီစကားကရောက်သွားရသည်။
"မှတ်မိသေးလား?ရှောင်းမင်းသားလေးငယ်ငယ်ကဆံပင်တွေရေစိုတာမကြိုက်ဘူးဆိုပြီး တပ်ရင်းအနောက်ကစမ်းချောင်းထဲရေသွားချိုးချိန်ဆိုထိုင်စောင့်နေတတ်တာလေ.."
လူကြီးရဲ့အပြောကြောင့်အတိတ်ကိုသတိရပြီးရှောင်းကျန့်ပြုံးလိုက်မိသည်။
"အဲ့တုန်းကတကယ်ကျွန်တော်မကြိုက်တာ ဆံပင်ကထူပြီးရှည်တော့ နေရခက်တယ်လေ.."
ရှောင်းကျန့်၁၀နှစ်သားအရွယ် လူကြီးတပ်မှူးဘဝမှာ သူတို့ဟာသွားအတူစားအတူဖြစ်ခဲ့သည်။
တစ်ရက်တော့တပ်ရင်းရဲ့အနောက်ဘက်မှာရေသွားချိုးချင်တယ်လို့လူကြီးကဆိုလာခဲ့သည်။
အပျိုတော်အကူအညီနဲ့ပဲအမြဲခေါင်းလျှော်တဲ့ရှောင်းမင်းသားလေးကလူကြီးနဲ့အတူစမ်းချောင်းထဲမှာရေချိူးရအောင်ဟုမဲစွယ်လာသောအခါ မျက်နှာလေးရှုံ့မဲ့သွားသည်၊
"လူကြီးကျွန်တော်ရေမချိုးချင်ဘူး.."
"ရှောင်းမင်းသားကလဲ. တူတူချိုးမှာလေ ဒီကကိုကိုနဲ့ချိုးမှာကို.."
"ကျွန်တော်မချိုးချင်ဘူး ."
လူကြီးကမျက်နှာကိုဆူပုတ်ရင်းကျောခိုင်းသွားသည်။သူတို့ခင်မင်ခဲ့တဲ့တစ်နှစ်အတွင်း လူကြီးကသူဖြစ်ချင်တာမဖြစ်ရရင် ဆူပုတ်ပြီးကျောခိုင်းသည်။
အဲ့အချိန်ဆို မနေနိုင်တဲ့ရှောင်းမင်းသားလေးကမျက်တောင်လေးတစ်ဖျက်ဖျက်ခတ်ရင်း
ကလေးကလိုက်ချော့ရသည်။
"ကျွန်တော် ကျွန်တော်လိုက်စောင့်ပေးမယ်လေ.."
"တူတူချိုးချင်တာပါဆို.."
"လူကြီးရယ်.."
"ထားပါတော့ ထားပါတော့ လိုက်စောင့်ပေးမယ်ဆို သွားကြမယ်လေ."
"ဟုတ်.."
စမ်းချောင်းက အရမ်းကြီးမကျယ်ဘူး.။
လူ၅ယောက် လက်ဆန့်ထားတဲ့အခြေအနေလောက်ပဲရှိသည်။ဒါပေမဲ့ရေကကြည်လင်နေပြီး ရေအောက်ကကျောက်စရစ်ခဲလေးတွေကိုတောင််အထင်းသားမြင်နေရတာဖြစ်သည်။
