MY CROSOFT - PUBLISHED UNDER PSICOM

SP: Crosoft's Confession (Part 5)

"Hoy Bruha!"

"Hoy ka rin!"

I laughed. Kausap ko sa cell phone si Cambria. Nakasalampak ako sa itaas ng kama habang nakaharap sa laptop.

"Anong ganap sayo? 'Di ka man lang nag-like sa status ko. Pati sa IG no seen ka rin. Anyare sa buhay mo?"

"Baka may trabaho at nag-aaral ako. Kumusta naman buhay mo diyan? Mukhang hiyang na hiyang ka sa Nido diyan ah."

"Oo, ano gusto mo dalhan kita diyan ng dalawang lata?"

Natawa si Cam. "Baliw! Huwag na. Marami pa akong stock dito."

"Nga pala," inipit ko ang phone sa balikat habang nagta-type ng bagong status sa facebook. "Kumain ka na ba?"

"Hindi pa."

"Tama lang 'yan, taba mo na eh." I chuckled. Posted. Umayos ako ng upo. "Diet ka rin minsan, girl."

"Mukha mo! Pagbalik mo 'di mo na ako makikita."

Natawa lang ako. "Sabi ko naman sayo huwag pasobra sa Nido."

"Kahit na, 'no?" kahit na 'di ko siya nakikita na i-imagine ko pa rin ang pag-nguso at pagsimangot niya sa isip. I bet, humahanap na 'yon ng salamin para tignan ang sarili. "Saka, 'di naman ako ganoon ka taba. Lumubo lang pisngi ko. Pero sabi naman nila cute daw. Blooming na daw ako tignan ngayon. 'Di na mukhang stress."

"Aysus! Naniwala ka naman agad?"

"Panira ka talaga ng moment eh. Hay naku! Kung wala ka naman lang magandang sasabihin saken matulog ka na lang ng maaga."

"Nasa bahay ka na ba?" natatawang pag-iiba ko.

"Nasa coffee shop palang ako. Pero paalis na rin ako. Bakit?"

"Like mo ang status ko."

"Ay ang baklang 'to! Dae, ila-like ko lahat ng post mo pag-uwi ko."

"Like mo nga sabi, ang kulit. Ilang beses ka bang inire ng nanay mo? Dali na. May free wifi naman kayo diyan."

"Langya! Ang demanding."

I chuckled. "Dali na! I'll wait. Call me back."

End call.

Crosoft D'cruze

1minute ago

I missed you!

Like. Comment. Share

After 2 minutes nag-call back si Cam.

"Ano?"

"I missed you -"

"I missed you too."

"Crosoft!" natawa lang ako. "Ang OA mo! Pina-like mo ako sa I missed you mo na status. Pemhooor!" Teka, mukhang 'di yata ako narinig kanina.

"Wait, narinig mo ba ang sinabi ko kanina?"

"Oo,"

"Bakit 'di ka nag-react?"

"Nag-react ako. Ang haba nga ng ni react ko."

Hay naku! Ang babaeng 'to. "Cam, wala man lang I missed you diyan?" I mimicked her voice. "Crosoft I miss you! Mwah! Mwah! Tsup! Tsup!"

"Kamukha ko ba si Bossing?"

"Huh?"

"Ewan ko sayo! Ibaba ko na 'to."