MY CROSOFT - PUBLISHED UNDER PSICOM

SP: Crosoft's Confession (Part 14)

Ganoon na lang talaga ang panlalaki ng mga mata ko nang pagbuksan ko ng pinto si Cam ay napansin kong naka high waist shorts na sobrang ikli siya at damit na may mababang cut. Perfect na sana ang get up pero naka-tsinelas lang. Antrip ng 'sang 'to?

Naisandal ko ang ulo sa hamba ng pinto.

"Kailan ka pa nagbagong buhay?"

Cam rolled her eyes. "Shut up!"

Itinulak ako ni Cam papasok at dumiritso na ito sa loob ng unit ko. Pabirong nag-whistle ako sa kanya.

"Witwew..." sabay tawa.

"Tigilan mo ko Crosoft! Wala ako sa mood." Sumalampak siya sa sofa at nag-indian position. "Pinagtitinginan ako kanina. Naloka ako!" She pouted her lips. Natawa naman ako at tinabahan siya sa sofa.

Pabagsak na naupo ako sa sofa.

"Aba'y sa puti ng legs mo ba naman –" hinawakan ko pa naman 'yon para lang mapangiwi when she twisted my arm. "Pack juice ka Cam!" I jerked away from her grasp. "Tang na juice ka ah!" Singhal ko sa kanya.

"Hindi porket bakla ka ay hahayaan na kitang hawak-hawakan 'yang legs ko na gago ka!"

"Langya gutom ka ba? Ang sama ng timpla ng ugali mo ah." Kapag kasi gutom ang 'sang 'to ang sama ng ugali. "Kumain ka nga sa kusina. Baka makain mo ako sa galit."

"Eh ayoko lang kasi na pinagtitinginan ng tao ng ganoon."

"Eh bakit ganyan ayos mo?"

"Kasi naman... tinawagan ako ni Misty kanina. Eh nasa malapit lang ako sa studio na pinag-o-audition niya ngayon. Malay ko ba naman na wala silang dalang pamalit. Ayoko namang mainis si Mama saken kaya pumunta na lang ako at nakipag-palit kay Misty ng damit. Kaya heto, mukha akong ewan."

"Hindi ka mukhang ewan. Mukha kang hot."

"Huh?"

"Wala! Sabi ko mukha kang tao."

"Ewan ko sayo. Tapos 'yon nga, dapat magbo-book store ako ngayon kaso nga hindi ko feel ang suot ko kaya dumiretso na lang ako dito." She glanced at me. "Manghihiram ako ng damit."

"Dae, mapapahiram kita ng shirt pero I doubt it kung may kakasyang jeans sayo."

"Pajama mo na lang."

"Sige mamaya, kumain ka muna."

"Busog pa ako. Gusto ko lang tumambay sa bahay mo."

"Tsk, tambay? Gusto mo lang akong makasama eh."

"Hindi, huwag kang assume diyan. Saka, hindi kita crush."

"Hindi daw? Pfft."

"Hoy Crosoft mag-kinect tayo. Meron ka nun, diba?"

"Oo, huwag mong sabihing gusto mong sumayaw ngayon?"

"Hmm... oo eh. Ayaw mo?"

"Di okay lang, i-on mo na lang 'yan diyan." Tumayo ako. "Sa kusina lang ako gagawa ako ng popcorn at magtitimpla ng iced tea."

"Okay,"

Nagpatuloy na ako sa kusina. Actually, babalikan ko lang ang ginagawa ko kanina bago pa dumating si Cam. Tapos ko na 'yong popcorn ko isasalin ko na lang sa malaking bowl. Ibinuhos ko na rin ang sachet ng iced tea sa pitsel. Kumuha ng dalawang baso at inilagay ang lahat sa isang tray.

Umalingaw-ngaw naman ang kanta sa buong bahay. Hindi ko mapigilan ang matawa sa kantang pinili ni Cam.

"Don't cha pa talaga, ha?" Sumilip ako sa sala. "Langya!" Hindi ko maiwasang mapalunok habang nakatingin kay Cam.