MY CROSOFT - PUBLISHED UNDER PSICOM

SP: Crosoft's Confession (Part 25)

NAISIPAN kong buksan ang luma kong email. Matagal-tagal ko na ring hindi 'yon nabubuksan. Sa pagkakatanda ko, huling bukas ko nun ay noong umalis ako papuntang London. Hindi ko na kasi maalala ang password nun. Kanina habang nagliligpit ng mga lumang gamit sa attic nakita ko 'yong dating notebook ko.

Bumaba ang tingin ko sa notebook na nasa harap ko. I'm not sure if this is the right password for my old email pero malakas ang feeling ko na ito nga 'yon. Ewan ko ba, hindi ko ma explain ang nararamdaman ko. Something inside me has this feeling na dapat subukan ko, na may dapat akong basahin. Ewan! Wala naman sigurong masama kung susubukan, diba?

Inabot ko muna ang salamin sa bedside table at isinuot 'yon. Inayos ang laptop sa itaas ng unan na ipinatong ko sa mga hita. Wala pa si Cam, pero sure ako mayamaya dadating na 'yon. Kaya habang naghihintay pakikialaman ko muna 'tong lumang email ko.

Malay ko bang pinadalhan pala ako ng sulat ni Ma'am Charo? Haha, funny Crosoft! Okay, titigil na. I started typing my email at saka 'yong password na nasa papel. Medyo loading lang nang i-sign in ko na.

Naibaling ko ang atensyon sa cell phone ko nang mag-vibrate 'yon sa tabi ko. Pero syempre bago tignan kung sino nag-text abot muna nung Piatos na hindi ko pa nakakain. Inabot ng isang kamay ko ang cell phone at tinignan ang pangalan ng nag-message. Nalamon ko naman bigla ang kinakain nang mabasa ang pangalan ni Cam. Nak ng pating naman sa palengke oh!

Mabilis na pinagpag ko ang cheese sa damit at binasa ang text ni Cam saken.

Ppuwi na ko :D Ngtxi nlng aq. C u! –Cam

Napangiti naman ako. May sabay pang-subo nung isang daliri ko na may cheese bago ako nag-text back.

Ok, 2lug na cla Danah at Font. Alms na! HAHA XD –Crosoft

Baliw! D p q nkkligo! 2lug ka na lng haha! –Cam

Ses! Di pliliguan kta haha XP –Crosoft

Mukha mo! –Cam

Hindi na ako nag-reply pero nakangiti parin ako habang itinatabi ulit ang cell phone. Akmang susubo ulit ako ng piatos nang mapansin kong nabuksan pala ang email ko. Isinubo ko na rin lang total nailabas ko na rin. Kumunot naman ang noo ko nang i-scroll ko ang screen. Ang dami kong message ah. At lahat galing sa lumang email ni Cam. Tinignan ko isa-isa ang mga unread messages ko. Nagtataka lang ako ng slight. Kasi mukhang bago ko lang 'yon na received dahil sa date received. Actually, ngayon taon lang talaga pumasok ang mga messages na 'yon. Pero ang weird, bakit naman magmi-message saken si Cam sa luma kong email eh lagi naman kaming nagkikita?

Naiintriga ako dito. Inayos ko ang pagkakasalampak sa itaas ng kama. I sorted Cam's letter before reading it all. Hindi ko alam kung anong uunahin pero bahala na.

Letter #1

Hoy! Ako 'to! The Cam 10 years ago! Hindi ko alam kung matatanggap mo ba 'to o pinupucho-pucho lang ako ng site na 'to! Sabi doon sa site, pwede daw ako mag-send ng future letter sayo. Kaya sabi ko, wow! Iba 'to haha. Kaya 'yon, naisip kong padalhan ka ng letter na ini-set kong matatanggap mo after 10 years. Natanggap mo ba? Kung hindi ok lang. Kung oo, 'di maganda haha!

So 'yon, hindi ko alam kung magkasama parin ba tayo o magkalayo na tayo sa isa't isa kaya sige, gagawa na lang ako ng letter for both haha!

Dear Crosoft, kung nagkatuluyan nga tayo bwahaha! Kaloka! Iniisip ko talaga na nagkatuluyan tayo, diba? Nakakatawa! Pero hindi nga, malay mo naman, diba? Actually, ang hirap 'di umasa. Gaga ka kasi! Pa fall ka masyado! Pero kung nahumaling karin saken di maganda kung hindi 'di ang saklap. Pero ganun paman, alam mo naman na mahal na mahal kita. Hindi lang bilang kaibigan pero higit pa doon. Sobrang mahal kitang gago ka! Lechee ka talaga eh! Aksaya ka sa luha. Aksaya ka sa sakit! Araw-araw pinipilit kong makontento sa kung ano tayo. Kasi akala ko kapag na master ko 'yon 'di na gaanong masakit. Pero langya mas lumala pa! Pero kung nagkatuluyan nga tayo at na realized mong kaya mo rin akong mahalin alam ko sa 10 years after Cam masayang-masaya siya at walang paglagyan ang saya niya. Kasi isipin mo, ilang taon siyang hopia sayo pero kita mo naman, diba? Minahal mo rin siya – na ako!