♡مــساعذة الســـــيــد العصــبي♡
🍁بقلم ملاك هانسل
البارت:14
ادار يندر نضراته لحراسه الكسلاء وعوج فيهم شفايفو من غبائهم المفرط به جمع لعابو ففمو ونترو من بين شفايفو على وجههم باسق عليهم بإهانة واحتقار لقلة شجاعتهم... وتم تم هزوهم حراس الأمن من قرفادتهمم للبلاصة لي غايموتو فيها طبعاااا حيت ماجا مصعب وقالليه قلب على حراس جداد ...إلا وكان قاصد انهم غايموتو هنا . . اماا يندر رجع شاف فمصعب
يندر:كانعتادر على سوء معاملة الكلااااب ديالي .(طولها )
ميل ليه مصعب طرف شفايفو متكي على حافة الباب ويديه فجيابه مراقب ارتباكو والطريقة باش تايتكلم علما انه عرف راسو تكشف حسبها لفوق وطلع مصعب ذكي عليه ماكانش عارف معامن تايلعب،،،،،، مصعب تايختابر ويعطي فرص ويشجع تايعرف الغلط فين والصح فين ....تايختار يكمل حيت كلشي بالمهل يتحل .
هز حاجب وحط التاني ثم جبد يده أشر ليه بيها للدروج
مصعب:الدرج من هنااا والمصعد من هنااا (نعت ليه بيده ليه )انا تانعطي حرية الإختيار لكل واحد دخل لشركتي والى صعاب عليه يختار كيفما دخلتو نقضر نخرجو !!
ومافيدو مايدير الرجال لي محزم بيهم يعرفو يهزو يديهم غير على لبنات اما على الرجال لي فحال مصعب تايتقداو ليهم قدامهم حدر عينيه و الحراس تقدمو جارينه للمصعد اما هو تايدور عينيه بخوف لايكون مصيره فحال رجاله.
دار مصعب بهذوء متمشي فاتجاه الياقوت لي كي شافتو جاي عندهاا رفدات يديداتها الصغيورات مسحات عويناتها مبتاسمة فوجهو ببرائة والتنخصيصة باقا شادة فيهااا••••جبد مشوارو من جيبو ومدو ليهاااا
مصعب:مسحي خنونتك.
شافت فيه بتقالة قبل ماتشد منو المنديل... ضحكات على هضرتو بشوية مامسمعاهش صوتها .
طول النضرة فشعرهااا الأشقر الطويل يضرب على خصرها برخاوتو باين يبري من رطوبيته ....عللا عينيه لابتسامتها البريئة متفحص ملامحها الفاتنة بالتدقيق ماار على كل تفاصيلها .... نزل راسو ومد يدو لشالها رفدو من الأرض وحطو ليها على راسهااا...!!
مصعب[بتساؤل]:ماكنتيش خايفة تموتي موتة دالكلاب؟ يسولو علاش ماتت ذات الحجاب؟ يقولو على قبل حاسوب الرئيس التافه.
حدرات راسها تاتضحك من جديد على هضرتو ...هي فهماتو تايحاول ينسيها فلي طرا باش ماتبقاش مرعوبة حيت عارفها صغيرة وزيد عليها عمرها شافت هاد الجو اكيد ...وهو فهمها بلي فهماتو داكشي باش تنقل نيشان للسؤال الأهم.
مصعب:علاش ماعطيتيهش البيسي؟!
الياقوت(ببرائة): اللهم نموت وفية لرئيسي ....ولا نموت خائنة....نتا درتي فيا كامل تقتك وأمنتيني على سر نجاحك...أكيد ماغانخدلكش.
تأملها متمعن فكلماتها لمدة ليست بطويلة ثم ادار بنضراته فجنابه كي العادة قايل
مصعب [بهدوء]:اخر حاجة نتسناها من البشر هي الوفاء...اكيد ماأمنتكش عليه بلا خطة مسبقة.
هو دار شاف فيها وهي مانطقاتش حدها حطات عويناتها فعينيه .....حقق فيها الشوفة ونطق داير يديه فالجيب
مصعب: ثلاثة اشياء ممنوعين فالخدمة معايااا: البكااا... الكسل .... و الغباء
ثلاثة دالأشياء مكروهين فالتعامل معايا :التبرهيش... الضحك بزاف ...ومعارضة كلمتي.
وثلاثة واجبين عليك:الخدمة بجد....حفض الأسرار ...والنضااافة النضاافة ركزي عليها.
ثلاتة دالحوايج خصك تتقنيهم:فن الرد ...فن التجاهل ...فن الصصمت تاهي ركزي عليها.
آخر حاجة خصك تعرفيها هي انك وليتي مساعدتي الشخصية....بناءا على مؤهلاتك ماشي حيت آمروك ونفدتي [غمزها]....
تم خارج ورجع شاف فيها ...
مصعب: خذمي كلشي بعقلك •••قلبك خليه على جنب!!!
هو كمل هضرتو وخرج وهي بقات عالقة فديك الغمزة ..عاد لاحضات الجانب المشرق منه.
هاشطاغ#فوز.
استوعبات كلامه وعلى مابان ليها القضية ماساهلاش كتوقعاتها ولكن عالأقل كسبات تقتو... وهادا بحذ ذاته انجاز عضيم داك الشخص الغامض العصبي ...ذو الكبرياء العالي الممزوج بالعجرفة والغرور ....فاش تاتطيحوه تاتحسو براسكم مميزين وغير نتوما لي قضرتو على داك الإنجاز وهاذا كذالك خبر مميز للعائلة ودابا مابقا عليها غير تغير ليه نضرتو على لبنات وتغيرو كلياااا وهادي صعب من لخراااا.
وعات براسها كي لقات نفسهة ساهية .... اكيد غايكون تايتسناها ويالله زعما نبهها على الكسل. ....هزات محفضتو وخرجات تاتجري خارجة من الشركة .
لمحاتو فالسيارة وأسرعت خطواتها دايرة لجنبه لكن تفاجآت مللي لقات ليلى جالسة القدام ...رجعات للخلف وكي ركبات حرك السيارة بنفس طريقتو اللي خاص الياقوت تتعود عليها من هنا للقدام ...وتعابيرو حالية من اي تعبير دوما.
ردات الياقوت البال ل ليلى حاضياها فالمراية دالطوموبيل عيات تحني راسها بحشمة و ليلى حلفات واش تحشم ...فالأخير طلقات ماضارها فقلبها.
ليلى:السي مصعب شكوناهي هاد البنت؟ واش موضفة جديدة فالشركة؟
مصعب[بدون اكتراث]: خدامة فالفيلا .
ليلى[بابتسامة استفزاز]:اااا متشرفين .
هزات راسها بالإيجاب بدون تعليق ...لكن استغربات من مزاجه المتقلب يالله قاليها بلي ولات مساعدتو الشخصية ودابا جاوب بلامبالات " خدامة فالفيلا" كلما تاتقول فهمات شي سطر تايخرج ليها بقصيدة جديدة وياللمتاعب معاك.
لكن كان سكوتها عللمة الرضا بعذما تفكرات تنبيهاته "تايكره لي يعارض كلمته ...واجب عليها كتم الأسرار...وخصها تثقن فن الصمت..."
الياقوت(فنفسها):اصبحت مساعدة السبد العصبي!!!
مصعب(فنفسو):فزتي في الإختبار يا ذات الحجاب!!
هاشطاغ#السيد_العصبي_وذات_الحجاب
يتبع.
أنت تقرأ
🍂مساعدة السيد العصبي 🍂 (مكتملة )
Humor••مــساعدة الســـــيــد العصــبي•• 🍁بقلم ملاك هانسل. تقـــــول:من تكن؟ يـــــقــــول:لا أجل في عاجل لي ولا مسمى يسأل لي... ولا خطأ في رزقي ولا يندثر برقي.....لم يعدل الحكم في حقي..ولم يثأر لسبقي....... 🥀 هو ذاك الصوت المبهر اللذي يضهر...
