♡مــساعذة الســـــيــد العصــبي♡
🍁بقلم ملاك هانسل
البارت:16
سارة[باندهاش]: ااااي شحال عجبتني شخصيتها
قالت هاد الهضرة وهي متبعاها العين تاغبرات ..خيزات فيها ليلى بنضرات لاتبشر بالخير وهي كاتزفر بغيض
ليلى :علاش كاتدخل للخاطر دغيا.
بغات تجاوبها سارة وتقوليها "واحيت شخصيتها زوينة"ولكن الوقت ماساعفهاش بحيث كان مصعب جاي فاتجااههم خطواتو المبهرة كالعادة زايداه فخامة وملامحو الجامدة ضايفاه شهامة وكله على بعضه وسامة في وسامة .
هوما تبسمو ليه باصطناااع وهو كي وقف حداهم نطق بجملة سالات لي بداوه
مصعب:خليوليا طلب استقالتكم فالمكتب غانقبلو بكل سرور.....!!
وكما قالت الياقوت ماشي كلشي خصنا نبغيوه...ولكن فبعد الخطرات خصنا نتجاهلو الحاجات المكروهة والأشياء المزعجة باش نقدرو نكونو متسامحين مع راسنا ....كان بإمكان ليلى تتجاهل الياقوت الى ماحملاتهاش ...كان بإمكانها تتقبل قربها من مصعب... رغم أنها حاسة بالغيرة أو شيء من هاذا النوع ....لو كانت جربات تتفاداها لكانت عالأقل فبلاصتها بقات ...رغم ان مصعب ماكانش كايتيق فيها الا انها كانت موضفة من موضفينه وماشي ضروري كلشي يتيق فيه عاد يخدمه.
ادار خطواتو داخل للفيلا من جديد تايبان ليه الخدم تايجري من قنت لقنت عالكاتم فالمطبخ وكأنهم منوضين حرب ...حول اتجاه خطواته وهو على نفس وضعية يده فجيابه وقف فالباب تايشوفهم كايتسخرو عليها وهي جالسة للعجينة عاطياها حقهااا فالدليك بيديداتها الصغار ...بلا مايحس تبسم مامبينش وفنفسو تايقول" لي شاف دوك اليدين الصغار مايقولش تايكيبو كاع داكشي"
حنا راسو وهو تايحنحن لجذب انتباه الياقوت وموقفهم كلهم فمكانهم .
مصعب: احم... غانطلع لقاعة الرياضة .
هزات ليه راسها بواخا وهي كاتجمع العجينة ...وقفات تاتغسل فيديها وطلبات من سارة تكمل على لي خلاتو فيها ....تابعاه
دخل للصالة المُضلمة كيما سماوها نضرااا للأجهزة المخيفة اللتي تتواجد بها والعتمة المالياااها تاتبان كإحذى الأماكن المرعبة.... شراجمهاا هاد الكرة مفتوحين على وسعهم والستائر البرد مطيرهم ...دخلات وراه حالا عينيها فداكشي لي تاتشوف عينيها .... تاتحاول تستنتج كيفاش تايستخدم دوك الأجهزة الدخمة كلها ...!!
تاتدور بؤبؤ عينيها من مكان لمكان باستغراب حتى كاتحس بالتشرط دياله ت سرفقها لوجهها عاد وعات براسهااا.... كان هو. لي لاحو ليها وتقدم جيهت قطعة جليدية صلبة مفطحة بالطول والعرض قد سريره النومي حسبا تاما... تحنا كيلا بغا يركع وترفع بالخف على يديه وصبعان رجليه تايضرب طراكسيون وهي مخلوعة من المنضر لي كاتشوفو ...كاتساءل" واش ماكايحسش بالبرد؟...ماكاتألموش برودة الثلج؟! ...ولا يمكن واخا يتألم تايصبر حيت الرياضة هي متنفسو الوحيد كل واحد وكيفاش كايخرج غضبه ...ويمكن هادي هي طريقتو هو ....تأملات حركاتو السلسة لمدة وتأملات فطاحة جسمه البارزة عضلاته بحكم انه عريان من الفوق والتحت لابس سروال كيطمة ..... تفكرات علاش هي هنااا ...الحاجات لي كايديرها خاصها دير كيفها ....ربما خبرها انه طالع للقاعة ماشي باش تخدمو فللي يحتاجه .. بل باش يعلمها ماخلاتوش هو يقولها ....حطات التشرط تاعو على طاولة حديدة فجنبها وهي تاتقرب لعندو ....!!
قربات منو بالخف وحنات راسها ماعارفا باش تنطق .... حنحنات شوية وقاطعاتو وهو تايحسب شحال من طراكسيون ضرب
الياقوت:سيدي ...شنو خاصني ندير أنا؟؟؛!!
هز مصعب حاجب وحط التاني قبل مايحبس هاز راسو لعندها .... شاف فيها مامتيقش اش قالت وعلامات الإستغراب على وجهوو .
مصعب :شنو قلتي؟!!
الياقوت:زعماااا ... الرياضة كايديروها بنات ودراري ...وواش ماغاتعلمنيش ندير فحالك؟؟!
وقف بتسلسل وقاد الوقفة بتكضيرتو ... كل شوية تاتزيد تبرز فيه شي حاجة وتبين وسامتو......تبسم بطرف شفايفو اللي الياقوت اعتابراتهااا استهزائية ولكن كانت ابتسامة نصر من مصعب كان تايتسناهااا تقولها ولكن ماكانش متوقعهااا.....تمشا متنقل فاتجاههها حتى وقف قدااامهااا
طلعها ونزلها وهي لابسة بيجامة صوفية اونصومبل [سروال وتريكو] اكيد ماصالحاش للرياضة ...تاهي عبرات راسها بنضراتها ملي شافتو ميق فيها عارفاتو قال واش غادير الرياضة بهاد الثياب ؟؟! يمكن داكشي علاش استهزء منها بابتسامتو
لكن عالأقل هكا افضل من كسيوة قصيرة وليباااا خخخ....بهدوء مد يدو لشالها المدلي من ورا كتفهااا رفدو بيديه وهز اليد الخرا حطها على كتفها التاني وفرمشة عين دورها فمكانهااا والشال دار بين يديه وتكشف عنقهااا تايلمع ببياضه وشعرها عاري بزغبة غليضة مسرحة ومشطة خفيفة ضريفة مشدوشة بفيليل صغير مقنقب شرعات الياقوت عينيها وتم تم مصعب مد يدو زول ليها الفيليل وتسندل شعرها على كتافهااا وعنقهااا ضارب حتى لأواخر خصرها .
هاشطاغ#زعامة .
أنت تقرأ
🍂مساعدة السيد العصبي 🍂 (مكتملة )
Humor••مــساعدة الســـــيــد العصــبي•• 🍁بقلم ملاك هانسل. تقـــــول:من تكن؟ يـــــقــــول:لا أجل في عاجل لي ولا مسمى يسأل لي... ولا خطأ في رزقي ولا يندثر برقي.....لم يعدل الحكم في حقي..ولم يثأر لسبقي....... 🥀 هو ذاك الصوت المبهر اللذي يضهر...
