🍂مساعدة السيد العصبي 🍂 (مكتملة )

part5

♡مســاعـــذة الســـيد العـــصبـي♡

بأنِأّمًلَ:مًلَـــــّکْ­ هّـأّنِســـِـل♡

البارت:5

سماح:حدهم تايدمعو ويقولو بغينا ولدنا يرجع كيما كان واش عرفتي علاااااش؟؟!!(تاتهضر  ونهجة اﻷعصاب باينة عليها)حيت بغاوه غير يستالم كافة اشغالهم أما هو راه ماتايهمهمش،،،،تايقولو بغاو يعتقوه ويعتقو جو العائلة وهوما عمرهم فكرو يفهموه ولا يحاولو يعرفو السبب لي وصلو لهاد الحالة،،،غير شافوه فقد حيويتو ونخلوه ماسولوش على الموضوع كي كان ولا علاش كاااان ...  وهوما سبابو اصلااااا لوكان يخليوه يدير لي بغا ولي هو رتاح فيها ماكانش يكون فهاد الحالة اللتي لايحسد عليهااا..

الياقوت غير متبعة معاها ودموعها شاقين طريقهم ماتخيلاتش الموقف بهاد الصعوبة ،،،وقدااااااش هازا هاد البنت فقلبها من حالتها وشيكهااا تبان عليها عايشة فراحة البال ...طلع خاطرها من غموليتو نوض الرتيلة ومالقاتش لمن تخويها لدرجة كي صادفات شخصية غريبة بدات تفضفض ليها .وهادلشي تايبرهن على قولها انه ماكايناش الثقة بينها وبين الناس لقراب ليها أو بالأصح  حد مايتيق فحد...!!

سماح؛واش عرفتي دابااا علاااش تاواحد ماعارف راسو شكون هو فهاد الدار؟

الياقوت؛حيت تاواحد ماتايدير لي بغا هو،،،كلشي تايدير لي بغا غيرو،،،تاتحققو أحلام غيركم.

سماح؛حنا هنا تاننفدو غير اﻷوامر،،،صدعتك بمشاكلنا ياك،،،ولكن من اﻷحسن تعتقي راسك نتي بعدا اااما حنا فات علينا الفوت.

خلاتها ومشات وهاد المرة الياقوت ماقاطعاااتهاش بقات مطمرة فبلاصتها وكلام البنت لي ماعرفاتش حتى سميتهااا متردد فمسامعها .

" سماح:حنا هنا تاننفدو غير اﻷوامر،،،صدعتك بمشاكلنا ياك،،،ولكن من اﻷحسن تعتقي راسك نتي بعدا اااما حنا فات علينا الفوت"

كلامهااا مابغاش يفارق طبل اذن الياقوت ،، هادلشي كامل فطيات هاد العائلة؟ بصح الدار عام عليها جو السكوت والهذوء نفسو لي تايكون قبل من شي عاصفة،،،الممرات خاوييين و حس بنادم لايدور ،،،لا ضجيج يحييي مابيك ولا غير صوت شي ضحكة تررجع الروح ليك،،،اﻷب واﻷم ماتايآمنوش باﻷحلام هوما غير تايخططو وينفدو،،،لولهة ضنات الياقوت بللي راويا بصح دارها قلبها على ولدها حيت من زمان ماناداها بماما ولا ضماتو لحضنها،،،ولكن دابا تأكدات بلي الشعب شعب مصالحو،،،وكيما باها باعها على جال الفلوس ،،"راه حتى راويا تقدر ديرها وعلاش لا،،،بغات ولدها يبرا باش ترضي راجلها"
ولكن دابا تأكدات بلي الشعب شعب مصالحو،،،وكيما باها باعها على جال الفلوس ،،"راه حتى راويا تقدر ديرها وعلاش لا،،،بغات ولدها يبرا باش ترضي راجلها"

مابقاتش مسألة أحلام وتحقيقها،،،ولا مسألة الخوف ومجاريه،،،ولا حتى مسألة الخطوات الصعيبة وطول الطريق،،دابا وللات مسألة تيهان الضياع فمفترق الطرق،،،وللات مسألة الحنية وهشة قلب الياقوت،،،،،الى ماكانتش تحقق احلامها هي،،،ودير لي بغاتو هي،،،عاﻷقل تخلي الناس لخرين يحققو أحلامهم،،،ويديرو لي هوما بغاوه،،،ماشي ضروري كلشي يدوق من كاسها،،،،،!!!

وهي ساهية تاتفكر وقفات عليها سارة بلباس الخذم

سارة:الياقوت

الياقوت:همممم(تايهة)

سارة؛خليني نورييك الدار ،،،ونعرفك على باقي الخدم،،،شنو قلتي؟

الياقوت:اه واخاااا

منها نيت تزيد تجمع معلومات تفيذهااا هاد الدار كلها الغاز وشخصياتهااا عقدة لازم تفكيكهااا كل فرد فيها هاز شي حاجة فقلبوووو وفكل مرة تاتزيد تكتاشف شي حاجة جديدة،،،ضلام،،،عتمة،،،وكاااع مشتقااتهااا،،،من نهار خطات الياقوت اول خطوتها فهاد الدار وهي غير فالمفاجئاااات

شافت كلشي تعرفات على الحرس"سعد وأحمد" وعلى الطباخ "عماد" وعلى 3 خدامات خرين "مريم،اميمة،زينب" ،،،،شافت غرف كاع افراد العائلة،،،حتى غرفة سماح لي عرفات سميتها من طرف سارة قالت عليها بلي بنت معقدة فعمرها 20 سنة ماتهضر مع حد ماتتسوق لحد تحكم وتتشرط ،فاش كاتخرج للشركة تاحد ماتايأنبها وفاش تاترجع تاتهرس علينا كاع اتات الدار طبعا فغياب موالين الشوار ،،،قالت عليها حتى شي كلمات خرين ولكن هادو كافيين،،،وشافت غرفة خرى لولد العائلة الصغير قالت عليه سارة بلي هو فسن ال18 وبلي طايش وعاشق الفتيات والصهير ،،،ولكن غير تايدخل للدار تايولي اخواني متدين وعاشق للصلاة،،،!!!