♡مــساعدة الســـــيــد العصــبي♡
🍁بقلم ملاك هانسل
البارت:30
(بمختصر قصير)
من كثرة مافكرات فالمووضوع استنتجات انها ماتقدش عليه بالنهاية هو رب عملها وهي تاتعتابر خدامة عندو زيادة على مستواه ومنصبو غايكون مولف يعامل البنات هكا شكون شاف فالنهاية هو كان غامض وحد ماعارف شي حاجة على حياتو الشخصية ربما عندو علاقات سرية خفية .... اكثر حاجة جرحاتها ...هي كي قال ليها بلي دار هكا غير باش يقنعها .... بين ليها بلي ماتايكتارثش لمشاعرها أو بالأصح هي كلها ماكاتهموش .
غسلات وجهها من الدموع قدام المرايا وجمعات شعرها لفوق قادات فراشها مستاعدة تنسى اش وقع وتنعس
يالله حطات راسها على المخدة حتى تاتسمع اصوات على برا دفع الفضول رجليها الحافية فاتجاه النوافد حلاتهم على جهتين مسرعة للبالكون كاتطل .
وفديك اللحضة تا فهد وعمران سمعو صوت الريدراج تحل وعلاو عينيهم جيهت البالكون مع طلات تفك شعرها الملس ونزل جنب وجهها بنعومة مسندل على عنقهاا بطولتو...واتركزت عينها فعين فهد مباشرة لي ماعرفهاش وماتايضنش انها تاتجيه شي حاجة أما عمران فلما شافها قلبو دق ثلاث دقات...!!
جبد الكارو من فمو شادو بين صبعانو باخ الدخان فالهوا وحط يديه على جنب البالكون مبتاسم بجنب[ابتسامة خفية] ...وقبل ماينطق نحنح حتى دار فهد شاف فيه
مصعب: مالقيتي فين تبات ولا شنو؟
فهد[بصوت عالي]:ماكاتعرفش تدخل سوق سواقك؟
مصعب:لا غير شتك هاجم علينا فنص الليل
فهد: ايمتا كبرتي نتا ايمتا؟
مصعب: ونتا ايمتا ماغاتبقاش تجاوب بسؤال؟
ضحك فهد تابانو سنيناتو البيضين مسيتفين وبانو غمازاتو على حنكو لاحضات الياقوت بلي تايشبه لمصعب بزاااف ابتاسم مصعب ابتسامة شبه باهتة ونطق فهد من جديد
فهد:ماغاتنزلش تعنق عمك؟
مصعب(بطاعة): نتقاسمو الطريق
فهد[برضا]: ههه يالله زيد
يالله كان ناوي يدخل باش ينزل يسلم على عمو حتى تايلاحض بلي داك الدري باقي ساهي فالياقوت والياقوت تاتتجبد باش تشوف مصعب حيت جا فجنبها ....شاف فالإتجاه التاني قاشعها .. تنهد بخفة ورجع دار شاف فالدري وهو عاقد حجباننو ...صفرليه بشوية وكي شاف فيه هز ليه حاجب ونطق بتساؤل
مصعب:ماغاتبقاش نتا برا ياك؟
عمران(عاد وعا براسو): ها لا اكيد لا هادلشي الى بغيتي نتا.
ماجاوبوش ودخل وتا عمران دخل ولكن قبل مايلوح خطوتو رجع شاف فالياقوت لي لقاها كاتشوف فيه
الياقوت بقات فبلاصتها ...ربعات يديها وهي تاتلعب بشفايفها دليل على انها تاتفكر
الياقوت(مخاطبة نفسها):عمو......كنت عارفاه تايجيه شي حاجة حيت الشبه لي بيناتهم ماشي طبيعي ..الطريقة باش خاطبو مصعب تاتدل عل انه تايرتاح ليه...ولا يمكن تايتيق فيه..علاش؟ علاش هو بالدات ماتبدلش عليه وتايفضلو على عائلتو...المشكلة فعائلتو ماشي فمصعب...تنقلات لبيتها ورجعات لمكانها بخطوات خفيفة ...طفات الضو مستسلمة لعالم الأحلام.
أما مصعب وفهد فمبادلين لبعضهم عناق قوي لتحت كل واحد تايعبر على اشتياقو بيه ...خبط ليه فهد على كتفو ونطق بصوت حنين
فهد:كبرتي
مصعب:نتا لي كبرتي
فهد قهقه بصوت عالي ممزوج ببعض من الغرور والعجرفة...تاضحكتو باينة سطحية وعامرة بخخخ(تكبر): هاهاها بغيتي تقول شرفتي ياك
مصعب:كاين مثل يقول الفاهم يفهم والقاري يتهجا.
"ماقضرش يقوليه توحشتك وتا مصعب ماقضرش يقولها طبعا لسبب شخصيتهم الصلبة ولكن تايبقى تعبيرهم سطحي وتايفهموه بجوجهم"
أما عمران فحاضي مع الدروج تايتسنى الشقراء تنزل خلاص...تايحول نضرو هك هك ربما تخرج من شي قنت ... بقا متهته حيت ماشافتش فيه فاللول وماشافتوش تاواش كاين فحس براسو مقمووع...!!
عمران(بصوت شبه هامس):ماكنتش باغي نجي لهنا...ولكن دابا وليت باغي نبقا.
هاد جوج جمل لي تسللو لمسمع طبل اذن مصعب خلاوه يعقد حجبانو بين عينيه بصلابة واستدار بجسمه مركز نضراته على عمران الغارق فسهوته ...حنحن بصوت غليض خلاه يطنش من سهوتو الدوامة وهز نضرو فمصعب لي لقاه مخنزر وعروقو تزيرو فعنقو تاغبرات تفاحة آذم
مصعب(حنى راسو وهزو وهو تايشوف فيه):تأخر الوقت وكلشي ناعس ...تصبحو على خير (ودار شاف فعمو) راه دارك هادي يمكن ونتا عارف بيتك فين جا وبيت الضياف فين جااا.
يوووي خشاها ليه من تحت الدف..واعتابرو ضيف غريب على العائلة...حنى عمران راسو حيت فهمو اش قصد وتقضرو تقولو بقا فيه الحال ولكن كيتايتفكر الشقراء قلبو تاينشط ليه الدم خخ
من الكاتبة:♤أفلااا تستوي المناصب حسب الشخصيات ولا يتماثل قوي وضعيف ...ثم لا يقارن بين ذو المكانة الصلبة والمكانة الهشة[مصعب&عمران]♤
يتبع(أرااائكم)
أنت تقرأ
🍂مساعدة السيد العصبي 🍂 (مكتملة )
Humor••مــساعدة الســـــيــد العصــبي•• 🍁بقلم ملاك هانسل. تقـــــول:من تكن؟ يـــــقــــول:لا أجل في عاجل لي ولا مسمى يسأل لي... ولا خطأ في رزقي ولا يندثر برقي.....لم يعدل الحكم في حقي..ولم يثأر لسبقي....... 🥀 هو ذاك الصوت المبهر اللذي يضهر...
