♡مــساعدة الســـــيــد العصــبي♡
🍁بقلم ملاك هانسل
البارت:31
■أصبحنا وأصبح الملك لله■
"ثم إن لي نصيب من حنانة قلبك الرهيف"
#فهد.
مشمرة على دراعها البويض وابتسامتها مجرورة من ودن لودن شادة البوطاجير عرض وطول بمعداتها لي تاتسعمل أثناء الطبخ...مخدمة أي حاجة تاتشعل فيها العافية ..فرن.....الخ
تزين بهادي وديك وشوية تولي تقول لالا مصعب ماعزيزش عليه كثرة الألوان وترجع تحيد كلشي وتعاود من جديد ..فاللول زينات بفريز والبنان وبعض حبات الساسنو الحر ...وفاللخر زينات بحبات الكرز الأسود والمشمش ...ماتاتملش سبحانه ولا تكره وتجفط مستحيل ...قلبها بيض هي ...حتى من بعد لي صرا البارح نسات ....سارة ومريم تايوصلو الفطور ويزينو الطبلة وهي تاتزين الكيك لي صاوبات على شكل قالب سكر صغير وزيناتو من الجناب فحال الهرم كل واحد بديالو...مرتاحة كليا للطبخ داكشي علاش كانتها تاتقضر تتخايل وتصنع.....عندهم فالصالون تايتسمع غير صوت هضرت عاصم وخوه فهد الباين منو فرحان حيت خوه رجع وطبعا غير لمصلحتو حيت عارف بلي غير هو لي يقضر يقنع مصعب بشي حاجة وهادلشي فيه الشك ....بقا ااخر طبسيل فيه الكيك والياقوت تاتصاوب ف فولارها لي كانت لاما بيه شعرها باش ماتنزلش شي زغية فالماكلة...مازال ماكملات تاسمعات صوت راوية من الصالون تاتناديها
راوية:الياقوت فينك ابنتي.
ماجاوباتهاش هزات الطبسيل ودارتها فيد الله غير يا اما توخر ليها قدام مصعب ملي تفكر اش وقع ولا تدوز على خير
فهد دا ر تايشوف وراه شكون مولات هاد الإسم الثمين عاصم ابتاسم تاهو تايتسناها تدخل البنات تاهوما تايشوفو لاتجاه المطبخ واحد آذم زفر بالجهد حيت غايموت بالجوع وبغا يبدا خلاص اما عمران غير سمع الياقوت عرفها غاتكون سميت الشقراء وأخيرا عرف سميتها بات الليل كامل تايفكر فيها..الطريقة باش طلات عليه وتسندل شعرها على عنقها بجاذبية شوفاتها وكلشي فيها مميز من نوعه ... سالات معاه بجمالها لاكانت هكا فالليل كي غاتكون بنهاار هادلشي غير مزال ماشافهاش عن قرب ..اما مصعب ماشاف فين ...شاف نيشان فعمران حيت كان عارفو غايدور هو اللول بقا حاط عليه العين حتى تمات داخلة بكامل اناقتها بنفس شكل الكسيوات لي مولفة تلبس وزغيباتها اللولين خارجين من تحت فولارها الأسود لي زادها بيوضة على بيوضتها وعويناتها الخضرين مضوييين عليهم ...غلق مصعب عينيه كي تسسلللات ريحتها لأنفو متفكر اللحضة لي كان فيها قريب منها وريحتها مغلغلة فأعماااقو فتحهم بزربة وهو ماساخيش ودفع الكرسي لي فجنبو برجلو بلا مايشوف فيها هي لي فهمات راسها وتنقلات بخطواتها الصغار جالسة حداه بلباقة وأنضار الكل عليها وتقول اول مرة يشوفوها.
يتبع
(أرائكم وتفاعلكم)
عم جو من السكات على مائدة الأكل طبعا هوما عائلة راقية والكلام أثناء الأكل عادة سيئة وعيب عندهم ...الياقوت تاتاكل وهي حشمانة عينيها ماحيداتهمش من قدامها تاتخاف تزلق عينها وتجي فعينو وتصدق واحلة ليها
أما عمران فمزولش عينو عليهااا...تايميل راسو متفحص جناب شفايفها الغوز الصغير..ويعاود يهزو متأمل شفرانها الطوال الزعرين وبؤبؤ عويناتها الخضر كثر من الخضورية لي فيه هو....وزغيبات شعرها الأشقر المسندلين على خدودها المزنكين بالحشمة ضاربة فيهم الحمورية كتر من لون دم قلبووو ...عارف راسو طاح طيحة خايبة تايحاول يتبت ويوعي راسو ولكن فكل مرة تايلقا عينيه عليها وماقاضرش يحيدهم ...ماكرهش ينوض يهرب بيهااا...!!
مصعب تبع الشوفة لفين تايشوف عمران ..شاف فالياقوت حاطا يد على الطبلة واليد لخرا شادة بيها الفورشيط تاتدوق فالكيك...بلا مايحس هز يدو حطها على يدها وكمشها بين صبعااانو تديريجيا حتى تشااابكو وعينيه باقين عليها وسعات عينيها بالصدمة طلقات الفورشيط...شافت أولا فاللي على الطبلة كلهم شافو فيها مستغربين من تصرف مصعب نحوها وهي اللتي لا تقل استغراب عنهم ...رجفات فمكانها وهي تاتهرب بؤبؤ عينيها بين العائلة ماقاضراش تزكي الشوفة فتاشي واحد منهم ...عينيها تغرغرو والدمعة بقا ليها شوية وتنزل...دارت بشوية لجيهتو تاتقول ياربي نكون تانحلم وماباغاش تجيب نضراتها فنضراتو ولكن عندها الف سؤال ليه علاش دار هكا واش تايتعمد يجرحها ويحرجها ؟ فاللول بينو وبينها قالت هانية ولكن قدام الكل لااا قلبها غايوقف بيه الزمن...وكي جات عينيها فعينو خلا نضراتو عليها ونطق بصوت ثقيل.
مصعب[وهو تايشوف فيه]: وبما أنكم كلكم مجموعين ...بغيت نهضر فموضوع يقضر يعجبكم ....ويقضر لا ...ونتوما عارفين رأيي فرأيكم[بمعنى ماتايهمنيش ] باختصار ...الدكتورة قالت انه كاين تغيير ملحوض فشخصيتي وكانضن الفضل تايرجع لياقوت ...[هز راسو لراوية] ....بما اني تانحس براسي بأفضل الأحوال كانفكر نكون مطيع لمرة فحياتي قبل مانغيير رأيي ونسمع لماما [غمزها وكمل هضرته] ...كانفكر نبدا علاقة جديدة ونخرج من تفكيري فعلاقاتي القديمة ...كانفكر نشد طريق جديد وهاد الطريق غانشدها معاها......متأكد اختيار ماما هو الأفضل
زير على يد الياقوت وتبث الشوفة فماماه .
يتبع[تخيلو معايا يكون هادلشي غير تمثيل] .
أنت تقرأ
🍂مساعدة السيد العصبي 🍂 (مكتملة )
Humor••مــساعدة الســـــيــد العصــبي•• 🍁بقلم ملاك هانسل. تقـــــول:من تكن؟ يـــــقــــول:لا أجل في عاجل لي ولا مسمى يسأل لي... ولا خطأ في رزقي ولا يندثر برقي.....لم يعدل الحكم في حقي..ولم يثأر لسبقي....... 🥀 هو ذاك الصوت المبهر اللذي يضهر...
