♡مــساعدة الســـــيــد العصــبي♡
🍁بقلم ملاك هانسل
البارت:37
#فشل
ضنات الهروب أقصر طريق ...ضنات تجاهل نضراتو ليها ماغايخليهش يتعرف عليها ..نسات بلي الشكل يتغير والعقول تتبدل والأحاسيس تبقا كيما راها كانت...نسات بلي المشاعر عمرها ماتاتبدل ....نسات باللي الأسلوب والتعامل تايبقا هو هو ....قالت من قبل"متأكدة ماغاتعقلش عليا ولو ب 0%" ولكن طلع العكس وعرفها ب 90% وديك ال 10% بقات فشكو علاش ماتعرفاتش عليه وعلاش ماعطاتش اهتمام لوجودو ...علاش تعاملات كأنها ماعرفاتوش وكأنها ماعمرها عرفاتو...علاش اتجاهلات قولو ونضراتو...واش ممكن تكون نساتو...زعما تكون بصح نساتو؟ ....بقا متبعها العين حتى غبرات من قدامو لدرجة رجليه تبعوها بلا مايحسو ولقا راسو تايقلب عليها...أما مصعب فحنى راسو وشدو بين يديه على البيرو تايلعن دكائو حيت طلع داكشي لي فراسو صحيح.....حنى فهد راسو فالأرض بقلة حيلة وبإحساس داخلي نغز هرمون الدموع الرجولي ودرف دمعات سخان نزلو على خدو وهو راجع لفلاش باك
#فلاش_باك
ليلى:ماتقولهاش ا فهد ...ماديرش فيا هكا ...ماعنديش من غيرك كلشي تخلا عليا....ماتخليش منصبك يغلب على عاطفتك ...هادي راه بنتنا افهد طرف من لحمنا ..قطعة تكونات من دمنا بجوج احياتي...شو شوف فيا[قبطات وجهو بين يديها وهي تاترجف] ع عقلتي فاش قلتي غانسميو اول بنت لينا الماااس....ربي شدها لينا على قولنا خلينا نحطو يدينا فيد بعضياتنا ونوقفو فوجه لي واقفين ضد قرارنا عافاك افهد ....انا تخليت على عائلتي وخنت ثقتهم فيا باش نكون معاك...ماتخلينيش تانا افهد..ياك كنتي تاتقول كاتبغيني ايوا دير فحالي افهد خلينا نمشيو لشي بلاصة بوحدنا ونخليو كلشي ورانا...خلينا نبداو ازيرو احياتي ... عافاك افهد سمع مني.
وبصوت غارو الغرور وغالبة عليه العجرفة وتسلط المنااااصب والثراااء..نطق
فهد:مانقضرش
ونزل على كاع لي بيها بمطرقة محطم ليها احلامها وخارج ليها على مستقبلها وعلى حياتها وكسر لي بيها وقلبها رجع رماد من حر العافية لي شعل فيه...خان ثقتها فيه وخذلها خذل الحب للعشق...
طاحت على ركابيها للأرض وعينيها فعينيه دموعهم واصلين لعنقهااا تاشقو طريقهم من شقة الصدر
فهد: نزلي داكشي لي فكرشك...ونسايني حسن ليك ولياااا
مزال ساهي تايتفكر ويدمع بهرمون البنات تانزل عليه مصعب بيد على كتفووو
مصعب:فاش تانسمعو بمقولة" عاصي مو على قبل مرا" من جهة كلشي تايقول مسخوط واليديه ومن جهة كلشي تايخلوض ليك تفكيرك وتايعمر ليك راسك بلي الى غلطتي غاتفقد احترام الناس ليك واحترامك لذاتك...الى تزوجتي بهاديك ومك وباك ماباغينهاش وعصيتي امرهم ومشيتي معاها ماغايبقا عندك لا منصب لا جوج...ماغاتلقاش باش تعيشها وماغاتقضرش على مسؤوليتها غاتدمر راسك وحياتك ...ولكن العكس ...فاش خليتيها وهي هازا طرف منك فكرشها ...عاد فقدتي احترامك لذاتك وطيحتي من رجولتك فعينيها...كانت تاتسنى منك تكون سند ليها وتعوضها فعائلتها لي تخلاو عليها فطريقك...حيت قررات تشاركك لحمها وماتمنعكش منها بحكم انها حسبات راسها ديالك وعندك الحق فيها وعليها...بحكم انها فضلاتك تكون الدرع الحامي ليها فغياب احبابها...وطلعتي ماشي راجل ....مافكرتيش شي نهار واش غاتكون جهضات داكشي لي كان فكرشها ...ولا غايكون كبر بلا أب ....أو ربما بلا أب وبلا أم
خلاه مدمر وراه ...زاد عليه بكلامو...جمممرو بهضرتو ونزل.. اعصابو تاتحرق فيه وفذهنو غير صورة الياقوت ...برائتها واخلاصها و...زهرها ...من صغرها غادا فالهلاك...كيفاش غاتكون ردة فعلها....؟!!
#محاولة
على طراف صبعانها وبالحس تاتمشا ...فتحات باب بيت فهد بسهولة وسداتو وراها بذون اصدار أي صوت ...كملات تسللها بخفة ذم نشيطة نيشان لقدام المراية اول حاجة جات عينها فيها هي مشطتو ...ماكانش عندها الوقت باش تهز منها غير شوية وتخرج داكشي علاش هزات المشطة كاملة جبدات الصاشي لي فيها زغبات شعر الياقوت من صاكها لاحت فيها المشط ....وبزربة خرجات بنفس خطواتها السااابقة يالله وصلات للدروج تافزعها صوت سارة والحمد الله ماشافتهاش فاش خرجات من بيت عمهااا
سارة: لالة سمااااح...مالك تاتمشاي فحال الشفار فدارك هاها(بضحكة هبلانية)
سماح(كي عرفاتها ماشافتهاش): هانتي قلتيها داري وندير فيها مابغيت ...بقاي نتي حاضياني انا سيري ديري شي شغل ينفعك
أما عند مصعب لي جا عافط باللوطو...نزل وخبط بابها ...لاح الساروت للحارس يركنها وتم متمشي فممر الجردة للباب الخارجي مع دخولو تايلقا الياقوت وراوية مجمعين فالجريدة هي بمرمة وخيط مسبول وسطو برا.. تاتنقش على توب رزين وتقيل من الحرير ....وراوية بالماكينة دالخياطة صوتها خفيف تمزج بين التواب وتصرم فالخيوط
قشعاتو متنقل فاتجاااهم وبابتسااامة بشوشة نابعة من نضراتها نطقات بكل حب
راوية:ولدي جيتي...ساليتي الخدمة بكري
الياقوت[بلا ماتحس تاتهضر معاه فحاليلا راجلها بصح]: كي دازت صفقتك مع مدام الوافي؟!
مصعب[بدون تردد]: وافقات وغدا غاتوقع عقد الصفقة
الياقوت[بفرحة]: فرحتليك.
راوية:شكون هاد مدام الوااافي؟
يالله بغا يجاوبها تاتبان ليه سماح فالزاج الحائط بلابيسين تاتسلت هازا صباطها فيديها وملامح الخوف ضاهرة على وجههها
خفض من صوتو ونطق
مصعب: شريكة جديدة فشركات العمراااني....نسيت شي حاجة فالبيرو ديالي غانرجع نجيبها ونجي ...
شاف فالياقوت باش ماينكريهاش...مشهي شي حاجة من يديك...!!
غمزها قدام ماماه وخلاها غارقة فحوايجها من الحشمة ...كي تحرك من حداهم قفزات راوية على الياقوت تاتبوس ليها فراسها وتفرشليها وتغطيها بالرضا حيت صلحات وضع العائلة ورجعات ليها داك الجو الهائل والروح العائلية
ومن البالكون كان عمران مقرطس عينيه على المشهد لي دار بين الياقوت ومصعب ...تنهد بصوت مسموع ونطق بينوو وبين نفسو
عمران: ماكتابش
يتبع......[أرائكم وإلا لن أكتب لكم هاها]
أنت تقرأ
🍂مساعدة السيد العصبي 🍂 (مكتملة )
Humor••مــساعدة الســـــيــد العصــبي•• 🍁بقلم ملاك هانسل. تقـــــول:من تكن؟ يـــــقــــول:لا أجل في عاجل لي ولا مسمى يسأل لي... ولا خطأ في رزقي ولا يندثر برقي.....لم يعدل الحكم في حقي..ولم يثأر لسبقي....... 🥀 هو ذاك الصوت المبهر اللذي يضهر...
