♡مــساعدة الســـــيــد العصــبي♡
🍁بقلم ملاك هانسل
البارت:32
مصعب[ميل راسه]: هادلشي لي كنتي باغا اماما ياك؟
البارح انا عرضت الزواج على الياقوت ..غاتكونو سمعتو غوتتها من الصدمة ... هز يدها وراها ليهم ولمعو حجرات الخاتم لي فصبعها فعينيهم .... تصدمات من خفتو فالحركة ...فاللحضة لي شابك يدو مع يدها سلل الخاتم لصبعها وحد مارد البال ...!!
كل كلمة كان تايقولها كانت كادوز على عمران كريح لعاصفة قوية مهاجماه ...تايبلع ريقو مع كل حرف نطق بيه مصعب وتايلعن حضو ..حتى فالحب ماكتابش ليه..
راوية حطات يدها على فمها والبنات حلوه بالصدمة (فمهم فمهم)
أما آذم فلأول مرة تايفرح من قلبو وماندويوش على فرحة عاااصم لي لوكان يصيب يطلع على الطبلة ويشطح ليهم على اغنية "هتولع وانا كدا هددلع"...ابتاسم فهد ابتسامة خفيفة وتدريجيا تاولات ضحكة باينين فيها سنيناتو ..شوية شوية تارجعات قهقهة عااالية ورفد كاس العصير بين يديه لفوق كنخب لإنجازهم ....ببطئ حتى ولا كلشي معلي كاسه طبعا من غير خونا لي على بالي وبالكم
فهد: أحسن خبار سمعتو فهاد السنين لي دازو كاملة
هز مصعب يد الياقوت باسها بلطافة وتقول ماشي نفسو مصعب لي كانت تاتعرفو ....!!
كلهم فرحانين إلا شخصان ... عمران عارفين علاش مامصرورش بهاد الخبر ...ربما حيت اعتقد انه وقع في الحب من أول نضرة وماحالفوش الحض ... ولكن الياقوت علاش؟ انا نقوليكم علاش...... من كثرة ما مصعب تايعاود كلملة"ماما" فكلامو ...استنتجات انه عرف بقضية الإتفاقية لي بيناتهم .. فنفسها كاتقول
"مافهمش اش تايقوليه ليه راسو البارح باسني بلا مايتقدا ولا يتسوق لمشاعري وليوم بلا مايشاورني خطبني قدامهم باغا نسول ونستفسر ضاربة ليه كلماتي فوجهو ..باغا تبرير على تصرفاتو ...نعرف واش هاد العلاقة جدية كما كايبين للكل ولا تايحاول يستافز ماماه ويستافزني معاها حيت ماصارحناهش بالإتفاقية لي بيني وبينها....متفهمة شعورو وهو تايحس بينا قررنا فبلاصته وسبقناه لمستقبله ولكن ..علاش تايتعمد يجرحني ويلعب بمشاعري واش حيت عارفني مانقضرش ندافع على راسي ومانقضرش عليه اصلا ولا حيت عارفني مانوصلش ليه واخا نبغي ندوي ..ولاااااا حيت عارف مافيديش لي فيديه...ماخلالي مانقول حتى من الخاتم لي كان غايكون دليل نواجهو بيه لقيتو فيدي فجأة وحدهم ليااا..."
كانت اول لمسة فالطوموبيل كي قبطات ليه فدراااعه ... نفسو ب " غير هرموناتك الرجولية تحركات #.... فقاعة الرياضة قنع نفسو ب"غير غرائزك تنبشات" وفينما كان تايشوفها تايحس براسو انجادب ليها تايرجع يقنع راسو ب" راه كأي راجل غاتأثيريك بنت وهادلشي ماتايعنيش انك معجب بها راه من شحال ماتحركات فيك شي غريزة ودابا رجعو تايتحركو بفضلها وصافي وهادا راماشي اعجاب"
ولكن فاش باسها الإحساس كان مختالف ماشي شوية بل بزاف......فاش كانو شفايفها بين شفايفو ويديه على خصرهااا انفاسو مختالطة مع انفاسها وريحتها مغلغلة فنيفو متسللة لأعماقو...صدرو عند صدرها ودقات قلبها تايحس بيهم تايضربو ليه على دقات قلبو ...مشاعرو تنغزو فديك الوقت وللا اعجاب ماشي مجرد غريزة.....يمكن تعامل ببرودة نضرا لشخصيتو الصلبة ولكن مافارقاتش تفكيرو فينما يسهى يرجع لديك اللحضة مدورها فمخيلتو...وكان عارف مزيان بلي غاتكون تقصحات بتصرفو ذاك وأكيد حرجها وجرحها ..الى هو لي راجل وماقضرش ينسى كيفاش غاتكون هي لي بنت ..مالقا تافكرة يراضيها بيها ..وحاول يتفادا الموضوع ويتعامل كأن شيئا لم يقع.... لكن فاش شاف نضرات عمران ليهااا وهي خارجة بلا فولار وبملابس النوم من الفوق هاج بغيرتو ...مابغاهش يشوف فيها حيت ماعندوش الحق. ...
[علاش ماعندوش الحق؟؟.
حيت هي ديالي مامنحق حد يشوف فيها....وبأشمن حق نتا كاتقول بلي هي ديالك؟]
"ودار أول خطوة باش يولي عندو الحق يقول أنها ديالو ومامنحق حد يشوف فيها ."
يتبع(أرااائكم )
أنت تقرأ
🍂مساعدة السيد العصبي 🍂 (مكتملة )
Humor••مــساعدة الســـــيــد العصــبي•• 🍁بقلم ملاك هانسل. تقـــــول:من تكن؟ يـــــقــــول:لا أجل في عاجل لي ولا مسمى يسأل لي... ولا خطأ في رزقي ولا يندثر برقي.....لم يعدل الحكم في حقي..ولم يثأر لسبقي....... 🥀 هو ذاك الصوت المبهر اللذي يضهر...
