♡مــساعذة الســـــيــد العصــبي♡
🍁بقلم ملاك هانسل
البارت:27
تاتسارا ب بانطوفة مريشة من القدام بلون غوز بيبي وكسيوة طوييلة كم مفرفرة بعض الشي وبنفس الللون كذالك..على راسها فولار فاتح اللون الربيعي وزوج زغيبات خارجين من جناب وججهها نازلين على خدودها الموردين بالبرد.. ابتسامتها ماتاتفارقهاش كيما العادة تتمشى وتفكر ويضل همها الوحيد والأبسط هو دير شي حاجة ترضي بيها غيرها وهي ماكاينش لي يضرب ليها حس التخميمة ولا يديها ويجيبها فدماغو .....!
من غير السيد العصبي لي حالياااا مربع رجليه فسروال مريح بالبودي ديالو خاصين بالنعاس..بين رجليه محطوط كاس دالقهوة من صنع يدين ذات الحجاب ...وقدامو بيسي خدام بيه على المشروع المتعلق بمدام الوااافي...حتى تايلقا الكاس خوا والقهوة كانت لديدة وبدا تايفكر...ياترى يعيط ليها ويقوليها تجيب ليه كاس خر؟ ولاكانت نعسات غايبان ماتايفهمش فالصواب وماتايحتارمش أوقات فراغ الناس....وهي غاتكون يالله غادا ترتاح بحكم يالله سالات ساعات دوااامها...ومرة خرا تايقول هي تاتبقا مساعدتو الشخصية بمعنى لي احتاجها خصو يلقاها...ومرة خرا تايقول ليوم جهدت عليها بما فيه الكفاية غير نخليها ترتاح...ولكن عنفس الفكرة تاترجع بيه اللور........"الكافي كانت بنينة وانا باغي كأس اضافي ومن يديها"
وأنا بان ليا هو باغيها هي ماشي الكااافي....مزال تايفكر شنو يدير تاكايسمع صوت بضع دقات خفاف فالباب... الطريقة باش تاتدق عليه...ديما فيها نوع من التردد والخوف ابتاسم جنب لحضو لي ديما واقف فجنبو وجمع الوقفة والكاس فيدو مع فتح الباب مع مدو ليها وهو تايشوف فجهة خرا وتايهضر ماراضيش يشوف فيهاااا
مصعب:انا باقي صهرااان
الياقوت(فهماتو ):تبغي نجيب ليك كأس كبر من هادا؟
مصعب(متهرب من نضراتها ): راني قلتليك بلي صهران يعني ماغايكونش عندي مانع تجيبي كاس كبر من هادا...واخا الكافي مسوسة شوية
الياقوت(حبسات الضحكة):هاااه نفهم منك بلي القهوة ديالي ماعحباتكش ياك؟
عقد حجبانو من الطريقة لي دوات بيها معاه ونطق محاول استفزازها
مصعب:تماااااامااااا
الياقوت(تاتقلدو):ايوا نزل صاوبها لراسك حيتت دوام كاع الخداااامات سااااالا ا العصبي لاخرررر.
.....يتبع[خونا ترخا وختنا كتر منو]
مصعب(عوج سيفتو ):العصبي؟[عقد حجبانو باستغراب]فحاليلا وصفتيني بالعصبي ياك؟
الياقوت:ماشي فحاليلا ...رااه بصح وصفتك بالعصبي ...انا تواضعت معاك وبغيت نتصخر ليك ونصاوب ليك قهوة ونتا منففخ وتاتهين ليا فقهوتي .
كاتهضر وتاتحاول تخليه يتمادا معاها فالهضرة عاجبها الحال حيت تطلق معاها وتايعاندها وهي عارفة القهوة عجباتو وعارفاه داير هكا غير حيت مارضاش .....عجبها التغيير الملحوووض فشخصيتو ...كان كتاب مغلوق ...وكي تفتح اتضح انه جميل الصفحات .
اما مصعب عجباتو راحتها معاه لي خلاتو يرتاح معاها ...لأول مرة شي واحد كاياخد ويعطي فالهضرة معاه بلا مايخاف منه ...حتى صراحتها كانت عفوية.
مصعب: لي شرب هاد القهوة باغاه مايتعصبش؟باينة ماقضرتيش توصلي لسسكر اا القزمة
الياقوت[جمعات التغوبيشة]:هاااا واش قلتي عليا قزمة؟؟!
هز ليها حاجبو جوج مرات بالإيجاب كانت حركة كيوت منه وهو محني لمستواها ويديه فجيب البيجامة .... حاط عيونه فعيونها البراقة ...ميقات فيه الشوفة بتحدي وحطات يديها على نصها وهي كاتعلى على صبعان رجيها تااتحاول تطوال صحة .... زاد زم شفايفو حابس الضحكة وشوية لاحت بالبانطوفة وحاولات توقف تاني على صبعان رجليها حتى ولات قريبة ليه فالطول على اساس انه محني أما كون رجع واقف طبيعي فماتوصلش ليه تالعنقه
هزات ليه حاجبها وعاضة على شفاهها السفلية بغضب ....رمش مرات متأمل ملامح وجهها الطفوولية ...نسا بلي كانت حابساه الضحكة من القلب.... حول نضراتو ممركزها على شفايفها للحركة لي دايرة بسنانها على شفاهها السفلية قلبو خفق قلبو متسارع بانجداااب....يالله بغات تنطق تاني وتبدا تعياق عليه حتى تمات راجعة باللور وهي تطلق واحد سيدتي غوتة كل لي فالقصر يكونو جابو خبارهااا .....كانت غاطيح لوكان مامدش يدو فآخر لحضة وقبطها من خصرها حاشي صبعانو فجنب كرشهاااا مزيرها لعندووو هي لي من خلعتها لاحت يديها نيشان لصدرو وشدات فيه مغلغلة ضفرانهاا فيه تانشك أن البودي تقطعع....زلق الفولار رويدا رويدا ونزل شعرها الأشقر على طولتو لافت انتابه مصعب كي عينيه انزاحو ليه ببطئ ...!!
يتبع(غانشعلها فيكم وننعس ههه أرائكم)
أنت تقرأ
🍂مساعدة السيد العصبي 🍂 (مكتملة )
Humor••مــساعدة الســـــيــد العصــبي•• 🍁بقلم ملاك هانسل. تقـــــول:من تكن؟ يـــــقــــول:لا أجل في عاجل لي ولا مسمى يسأل لي... ولا خطأ في رزقي ولا يندثر برقي.....لم يعدل الحكم في حقي..ولم يثأر لسبقي....... 🥀 هو ذاك الصوت المبهر اللذي يضهر...
