♡مــساعذة الســـــيــد العصــبي♡
🍁بقلم ملاك هانسل
البارت:20
اول وحدة حلات الباب هي الخادمة مريم ويديها تايرجفو ...عمرهم صادفو نفس الموقف وغالبا هاد الهمجية فالدقان غايكون سببها شي مشكل فادح ...وإذا بها تاتشرع فمها من هول المنضر سارة خبطات على فخاضها اما راوية فتكوانسات فمكانها وكيلا مشللة حيت عارفة اشنو تابع هاد المصيبة بالنسبة للبنات شافو فبعضياتهم وحدة وحدة بلا مانوصفو حال مول الدار السيكم العمراااني من تخنزيرتو باين غايحرق المدينة فهاد الساعة
الشرطي:السي العمراني...هادلشي مامعروفش على عائلتكم...اش هاد الحالة؟
تقدم الخدم الدكوري شادين ولد العائلة الصغير لي كان مسند على كتاااف البوليس وتايدندن غير وحدو ماواعيش على نفسو من كثرة افراطه فالشراااب ...تقدمو بيه فاتجاه الفوطوي ..
هو***:اطلق مني طلق مني...وارخي مني اصاااح
اكلشي حاط يدو على فمو من ريحت الشراب الفايحة منو مدوخة الدنياااا
راوية:فغيمون تانعتادرو على سوء المنضر ...رجاءا مابغيناش هادلشي يوصل لوسائل الإعلام(قربات من الشرطي وجبدات بزطامها) خود هادو والله يخلليك غطي عينيك
شدهم تاهو وريوكو سايلين
الشرطي: كوني هانية الالة هادلشي هنا غايبقاااا
غير مشاو سدات ليلى وراهم الباب ودارو كلهم لخدمتهم حانيين رأسهم بقاو غير افراد العائلة وطبعا تالياقوت بقااات حيت ماكاتعتابرش من الخدم
عاصم[بعصبية]:ا ش ها د الش و هة ا آذم؟؟!!!!!!!!
صبعان يديه كادو يتهرسو من حر التزييرة لي داير على قبضتهم
آذم:اشمن شوهة ااا الزين؟ ها ءء ءه فيناهيا الشوهة؟ هه فيناهيا؟ شتي نتاااا(ناض تايتعكل تالقدامو )نتا اا السي العمراااني(نغزو فكتفو بسبابتو) نتا براسك شوهة
عاصم(بلغوات):سد فممممممك
آذم: هه سد فمك انعل مك ههههههههههه..يالا ماتكعاش الزين
عاصم شدو من حناكو ضاغط عليهم
عاصم:اشنو واكل؟ اشنو واكل؟
آذم:الببوش ها ها هاهها (تايهتهت ويتمايل )
عاصم:هضرت معاك قوليا اش عطاوك؟واش باغي تشوهني ولااا شنوووو؟؟؟!!!
آذم[دايخ]:واتعطا لمك للقلب...نتا وهادي هااااه( شير لراوية)
رفع عاصم يدو تاللسما وتم جايبها بالبرد مزال ماتحطات على حنك آذم حتى تشدات ليه
دور راسو تايلقاها الياقوت لي شداتو من دراعو تاترجاه بعينيها.
الياقوت:عافاك اعمي خليني نهضر معاه...ربما يكون ماشي بخاطرو...!!
مسح عاصم على شعرو بشبابية وتسوخر اللور تايسوط بالجهد وراوية تاتكالمي فيه اما البنات فغير تايتفرجووو
الياقوت:سميتك آذم ياك؟ آذم واش عارف راسك اشنو تادير؟
آذم:تانشطح..تانبيع الخبيزة
وشاف فيها دوك الشوفات البريئة حتى حبساتهم الضحكة فعز الجو السيء
الياقوت:لا نتا راك تاتاخد سخط واليديك دابا...وفوق من هادلشي تاتدل نفسك كتر من القياااس وتاتخيب صورتك وتاتآذي نفسك...
وأكيد خليتي كلشي ياخد عليك نضرة خايبة
آذم[تايتمركن]: اوا وانا مالي هوما اش داهم ياخدو شي حاجة ماشي ديالهم؟ [شاف فيها بعيون ناعسة]اجي نتي الزين ساكنة معانا؟ ولا غالطة فالعنوان؟!!m
تنهدات الياقوت بنفس مسموعة وبقلة حيلة.....استنتجات ان ماشي هو الغبي بل هي الغبية حيت من نيتها تاتقنع فواحد راه فحالة سكر...مدات ليه يدها بلطافة ونضرات المساعدة أو بالآصح الشفقة
الياقوت:أجي معايا...تغتاسل وتبدل وتهبط تاكل واخا؟
شاف ليها فيدهاا لي ماداها ليه ورجع شاف فيهااا
آذم:ههه نمشي معاك تاللموت اا الزين...هء
تعنكش وهو تايمد ليها فيدوو وعينيه ماحيدوش عليها لي يشوفهم هكا يحسبهم غير عشاق الحرية في زمن التسلط خخخ دورات ليه يدو على عنقها حاطاها على كتفهاا..ودوزات يدها هي من تحت خصرو مساعداه فالوقوف وهو متقل عليها غادي ويتمايل ماحاسش بجسدو ...تايلوح رجل فكازا ورجل فخنيفرة(التحية لناس هاد المدن) ...!!
الياقوت:سارة وجدي ليه البانيو بالما البارد
مزال ماكملات هضرتها تاكانت سارة فالطابق التاني أما الياقوت حانية راسها مركزة مع الدرجات تاتحاول تزرب فخطواتهااا باش توصلو دغيا قبل مايتم خارج السيد العصبي ويكمل لي بقااا..ندمات لاش عيطات ليه يتعشا عالأقل كانت غاتضمن بلي ماغايهبطش..أما دابا كاع الإحتمالات ممكنة ومع مصعب تاحاجة مامستحيلة...مزالا مركزة حتى تاينطق آذم وهو تايكركر
آذم:الخوادري ديالي هاهاها.
رفعات نضراتها بخوف وقلبها تايرجف مرة خراا قرب يقوليها" واا الأخت رابزاف هادلشي"
آذم: ...هههه البوكوص ديال الدار ..هء بلاتي (بعد يدو من على كتف الياقوت وتمشا جيهت مصعب) فين اا الساط؟ مرتاح؟ مالك تاتخنزر؟؟!
الوقفة الباردة ....سابقو صدرو ويديه فالجيب مفرق رجليه تابتة على الأرض ونضراتو الحادة تاتشوف فنقطة وحدة ولي هي آذم طبعااا ومن هاد البرودة باينة العافية لي غاتشعل من وراها تاواحد ماغايقضر يطفيها
آذم:اااه ءه هء ما ماعاجبكش الحال من هاد المنضر ياك؟ (حابس الضحكة) ومابغيتينيش نقوليك الساط والعشير وداكشي هااا؟ ءه هء صاف صاف سمحلينا مون شاف...نحن ذاهبون
"أعتذر عن التأخير(يالله صححت ليبارت)
#آرائكم
#فنضركم_شنو_العلاقة_غاتكون_بين_آذم_والياقوت_من_هنا_للقدام؟؟
أنت تقرأ
🍂مساعدة السيد العصبي 🍂 (مكتملة )
Humor••مــساعدة الســـــيــد العصــبي•• 🍁بقلم ملاك هانسل. تقـــــول:من تكن؟ يـــــقــــول:لا أجل في عاجل لي ولا مسمى يسأل لي... ولا خطأ في رزقي ولا يندثر برقي.....لم يعدل الحكم في حقي..ولم يثأر لسبقي....... 🥀 هو ذاك الصوت المبهر اللذي يضهر...
