♡مــساعذة الســـــيــد العصــبي♡
🍁بقلم ملاك هانسل
البارت: 12
ميل راسه ومد يده خاطف ليها المحفضة من يدها ثم ركب فاللوطووو.....قبط الفولون بيديه وعوج شوفاتو لعندها ... فحاليلا تايتسناها تركب وتاهيا فحاليلا كانت تاتسناه يشوف فيها....كي هز فيها العين ا بتاسمات مبينة سنانها البيضين حتى تغلقو عويناتها دايرة بسرعة البرق فتحات الباب من حداه وركبات
حرك اللوطو حااكك روايضها مع الأرض مخلي العجاجة وراهم فطريقهم للشركة سوقانو حرت كيلا ناوي يقتلها وهي غي لاسقة فبلاصتها كلات الكرسي بضفرانها من كثرة ماتاتشد فيه مسترصية بالخوف.... قلبها تايطلع ويهبط حتى الصوت باش تنطق تبلع ماقضرات لا توقفو لا تنطق لعابها جف فحلقهااا عيات صابرة كتر من ربع ساعة وهو تايقفز باللوطو ويسوق بسرعة خيالية ...باللا شعو حطات يدها على فخضو كامشاه من سروالو واليد لخرا ضمات بيها دراعووو حاشية راسها فيه وعينيها مغلوقين بخوف .....تعامل ببرودة كأنه ماحاسش بيها وبخوفهة وماحاسش حتى بقربها تايشوف غير قدامو مركز فطريقو...مايقارب خمسة دقايق وهوما فنفس الوضعية حسات باللوطو وقفات وهي تهدنات استرخات ورخات من يد مصعب معلية عينيها تاتشوف فيه وهو تايشوف قدامه بمعنى" زولي يدك" فهمات راسها كي وعات بشنو دارت وطلقات منو بالخف تاتصاوب ف فولارها اما هو فتح الباب ونزل هاز معاه المحفضة نزلات تاتجري لحقات عليه ....وقف تايقلب على. تيليفونو والمحفضة معرقلاه
الياقوت[بتردد]:خليني نهزها عليك اسيدي
شاف فيها وهي مدات يدها تاخدها حتى تاتحس بصبعانها لمسو صبعانو هز عينو فعينيها وتاهي كذالك -------- تبورشات وهو تفكر اللقطة لي دارت فاللوطو لهاذا جر
يدو بسرعة وبدا تايقلب على تيليفونو ونفسو تاتحرقو من الذاخل مشاعرو تقاست حس برجولتو عادت وغريزتو تحركات وكأن احاسيسو خدمات من جديد ماتلاش قلب على تيليفونو كاع زرب خطواتو وهي تبعاتو بصح تبورشات كي قاصتو لكن ماكتارثاتش لشعورها أنذاك ولكن خايفة من نضرتو عليها أكيد واخد منها موقف .
هاشطاك#احساس.
هو غادي وهي تاتجري وراه نضرا لخطواتو الكبيرة ... سركل عينيه بسلاسة وبمكر على الموضفين تايحول نضراتو بشراسة من واحد لواحد متفحصهم .
شكون لي حاضر وشكون لي لا شكون خدام وشكون جالس شكون لي كي شافو القى عليه التحية وشكون ميك ودار راسو ماشافوش
وقفووو تايلقيو التحية عليه لكن عينيهم عليهااا ومصعب ملاحض هادلشي بهذوء دور عينيه ليها و لقاها حانية راسها تاتشوف فالأرض بحشمة بتاسم جنب على شكل استهزاء وكمل طريقو وهي كذالك حتى وقف قدام السكرتيرة لي وقفات كي شافتو بابتسامة استقبال... تكون فسن مصعب نيت.
السكرتيرة[ليلى]:صباح الخير اسيدي
مصعب[ماشافش اتجاهها]:قاعة الإجتماعات واجدة؟
ليلى:اه واجدة اسيدي والسي يندر راه جاي هو واعضاء شركتو
زير على فكو عاقد حجبانو وكمل طريقو والياقوت غير تابعاااه وحتى السكرتيرة تبعاتهم العين تادخلو للبيرو ودارت الياقوت سدات الباب فوجهها بجهد مقفزاها
[فالبيرو عند مصعب والياقوت]
مصعب:محفضتي(وهو داير حيهت النافذة!!!)
حطاتها فوق البيرو وهو دار مقتاعد كرسيه فتحها بسلاسة جبد البيسي شعلو وبدا تايدير فخدمتووو خلاه شاعل وهز راسو شاف فيهاااا
مصعب:فيه معلومات الشركة كلها والكود الخاص بملفاتي خليتو افيشي باين ردي لبال هناااا..!!
شتتات نضرها فعدة أماكن بلا ماتجاوبو ...ولف كي ينطق تقفز مجاوباه تم تم ...عض علا شفاهه السفلية ناطق من جديد
مصعب:ماغاتجاوبيش ...؟!!
ربع يديه وسند ضهره على الكرسي مستنيها تهضر ...حنات راسها بخجل وبؤبؤ عينيها مسركل فجميع الإتجاهات ماقادرش يتبث فبلاصة وحدة ...نطقات بحروف شبه متقاطعة .
الياقوت: مم ماكانعرفش نخدم لبيسي .
مصعب[بتقليل]:اهاه وشنو جايا ديري فالشركة؟ كاتسنايني نعلمك ونخلي الخدمة معلقة؟ واش عارفة اشناهيا مساعدة شخصية ولا ماعارفاش؟
الياقوت[عينيها تعباو دموع]: لي طلبتيها نحضرها ولي قلقاتك نننحيها ...ياك اسيدي؟؟
فنفسو قال "قهراتني غير بهاد سيدي"
[شير ليها للباب]: خرجي خرجي ...غبري من قدامي.
يالله تمات غادا وهو يرجعها بقولو
مصعب:نتي رجعي لهنا ..
بزربة كانت حداه قريبة تدخل فيه ...دفع الكرسي شوية مبعد عليها محرك راسو بلا حول ولا قوة الا بالله وعللا راسو لعندها
مصعب: المساعدة خدمتها ماشي غير ترضي خاطر رئيسها ...خاصك تعرفي بزاف دالحاجات مهمة فهاد المهنة.
الياقوت[بطاعة]: الى وريتيني بالضرف كانواعدك نفهم بالخف ونكون كيما نتا باغيني نكون اسيدي .
أرااائكم▪♡
يتبع..!!
أنت تقرأ
🍂مساعدة السيد العصبي 🍂 (مكتملة )
Humor••مــساعدة الســـــيــد العصــبي•• 🍁بقلم ملاك هانسل. تقـــــول:من تكن؟ يـــــقــــول:لا أجل في عاجل لي ولا مسمى يسأل لي... ولا خطأ في رزقي ولا يندثر برقي.....لم يعدل الحكم في حقي..ولم يثأر لسبقي....... 🥀 هو ذاك الصوت المبهر اللذي يضهر...
