♡مــساعذة الســـــيــد العصــبي♡
🍁بقلم ملاك هانسل
البارت:21
آذم:اااه ءه هء ما ماعاجبكش الحال من هاد المنضر ياك؟ (حابس الضحكة) ومابغيتينيش نقوليك الساط والعشير وداكشي هااا؟ ءه هء صاف صاف سمحلينا مون شاف...نحن ذاهبون
دار وتم ماشي تايدير المشية دالحلزون حتا تايلقا راسو مهزوز من عنقووو الياقوت سرخات ورجعات شدات على فمها بيديها من هول الصدمة أما مصعب فتايشوف غير فالأرض وآذم مقجوج تايحاول يتنفس...تايحس بنبضات قلبو تايتسارعو ...أنفاسو تاتقلال تايشوف الضبابة على عينيه كيلا الحال بدا تايضلام ولا كيلا الموت قربات ...تايحاول ينطق وحروفو مبلوعين ...تايحاول يحيد لمصعب يديه من على عنقو و ولكن جهدو مامساعفوش ....تايحس بعروقو تشنجو والدم برد ليه فصحتو كليااا...تجمع فوجهو الدم ويديه زراقوووو عاد وعات الياقوت بلي تايوقع وجات تاتجري تاتحاول تحيدو ليه من بين يديه ولكن هيهات مع قوة مصعب الى مابعداتش غايجمعهم بزوج فيد وحدة ...شدها من يدها بلطافة وبعدهاا عليهم شاف فيها ديك الشوفة تاع تبتي وتما طلق آذم جا على خشموو وبدا تايتقياااا...كي شافتو تايرد دارت للجهة التانية ويديها على صدرها روعها المنضر ...تحنا مصعب على ركبتو لمستوى آذم ونطق بحدة صوتو الخشن
مصعب:كي تصحا حسن ليك ماتبانش ليا..غانرعد لمك لافيشور
وقف وشاف فالياقوت
مصعب:غانتعشا فبيتي
خلاهااا فحالة عدم الإستوعااب آش هاد الأسلوب باش تايهضر الببرودة باش تايتعامل فالوقت لي تايكون فيه معصب؟؟ ليك الصبر اا الياقوت ليك الصبر...!!
"تمهل بخطواتك كي تثقن أعمالك وتستمتع بلحضاتك"
ودابا شنو؟ واش تعاون آذم ولا تدي العشاا لمصعب؟ عضات على شنايفهااا بحيرة ودارت شافت ف آذم تايحاول يوقف وماقاضرش ..شافت تاعيات وحنات عاوناتو يوقف متمشية بيه فاتجاه غرفتوو ..لقات سارة تاتسناها تمااا
الياقوت: لي بغاها عطيها ليه وهبطيه يتعشااا وأنا ....انا[تلفات]... أنا راه غانمشي نشوف السيد العصبي
سارة(تبسمات ل اللقب لي عطات لمصعب)سيري اختي سيري.
شافت فيها الياقوت مطولا وغيرات وجهتها خلاتهااا واقفة فالباب هي وآذم
آذم: واش غانبقا واقف هنا ؟اجي نتي مزوجة؟
سارة: استغفر الله العضيم اسيدي ..خليني نعاونك.
أما الياقوت عوض ماتدي ليه العشا كي قال قررات تحاول مرة خرا تقنعو وكيف العادة مامتأكداش من قرارها حيت ديما غير تاتزعتر وتعطي للزمر ...حنات عينيها فالأرض تاتفكر زعما ولكن لي فراسها فراسها حققات الشوفة فالباب ديال بيتو ...تاتقول واش ندق ولا بلاش ...ندق ولا بلاش يالله بغات تدق حتى فتح الباب وشدها من اليد لي كانت باغا تدق بيها دخلها خابطها مع الحيط وسد الباب وراه عاد استدار شايف فيهاااا كي لاسقة معا الحيط بخوف وقلبها عاوتاني تايقوليها" وااا الأخت تشي رابزاف هادلشي"
مصعب[بعصبية]:هضري.
الياقوت[بخوف]: ءء .. بغيت انا بغيت غير نقوليك كون غير تهبط تتعشا معانا مجموعين اسيدي
مصعب:معانا؟علاش تانتي مننا؟
ااح وقلب لياقوت كي تنغز من هاد الكلمة حنات بؤبؤ عينيها فالأرض لي تغرغر بالدموع وهي تاتنطق بصوت ممزوج بالنخصات البكائية
الياقوت:لا غير غلط مني اسيدي..والى كان ممكن تهبط تتعشا مع عائلتك
قرب منهااا وتكلم بصوت خفيف مامجهدش
مصعب[عقد حجبانه]:كنتي تاتحاولي تخبي عليا فعلة آذم..؟
الياقوت(بنفس الوضعية):سمحليا اسيدي كانت محاولة فاشلة وتانواعدك عمرها تعاود
زاد قرب منهااا ومد سبابتو رفع ليها نضراتها فيه من دقنهااا
جاو عينيه فعينيها لي شفرانهم تلاسقو من الدمعات المحارباهم ..... عارفها تقصحات بديك الكلمة ولكن ماعارفش علاش مابغاهاش تتقلق منو ..!!
مصعب:الكرسي ديالك حدا ديالي باش لا احتاجيت شي حاجة تعطيها ليا
هزات حاجب وحطات الثاني مخلياه يحس بالإحراج.
مصعب:.ياك تاوحدة ماعندها الحق عليا ؟هضرتك هادي[ململ عينيه فجنابه بارتباك]
وسعات فيه عويناتها وبانت على شفايفها ابتسامة خلات نبضات قلبو يتسارعو وبلا مايحس لقا راسو ساهي فضحيكتهااا
الياقوت:واخا اسيدي
أنت تقرأ
🍂مساعدة السيد العصبي 🍂 (مكتملة )
Humor••مــساعدة الســـــيــد العصــبي•• 🍁بقلم ملاك هانسل. تقـــــول:من تكن؟ يـــــقــــول:لا أجل في عاجل لي ولا مسمى يسأل لي... ولا خطأ في رزقي ولا يندثر برقي.....لم يعدل الحكم في حقي..ولم يثأر لسبقي....... 🥀 هو ذاك الصوت المبهر اللذي يضهر...
