🍂مساعدة السيد العصبي 🍂 (مكتملة )

part38

♡مــساعدة الســـــيــد العصــبي♡

🍁بقلم ملاك هانسل

البارت:38

                        #كشف_السر

مع فتحو ليها الحراس الباب حطات سباطها للأرض تاتحشي فيه رجيلاتها لي توسخو بتراب الدنيا ...مزال مالاحت أول خطوة تاوقف عليها مصعب فحال طيف النهار ...وبصوت غالبة عليه العصبية رعدها فمكانها تاكانت غاطيح ...!!

مصعب: فين غاداااا؟؟؟؟!!

قفقفات فبلاصتها قبل ماتستوعب اش وقع وقبل ماتجمع اش تقول دارت بهلع ورجليها ماهزينهاااش  ...

سماح: ءء  غ غير خارجة اخويا ..نشم شوية دالهوا ما ماغانتعطلش

مصعب:سماااااحححح!!!!

قلبها قرب يطيح بين ركابيها بالخلعة تاتكرز على كسوتها بصبعان يديها تاتقباتها بضفرانها...

مصعب: من ايمتا تاتكدبي عليااااا...؟

سماح(بالدموع فعينيها):  م ماغاتيقنيش اخويا ح حيت انا و ماتايقاش فراسي ...ع عارفاك غات غاتنكدها عليا وانا انا ماتانديرش شي حاجا غلط تيق فيااا عافاك اخويا

مصعب:قربي

شافت فيه مترددة ودموعها شاقين طريقهم وعاود نطق بصوت عالي خلا رجليها يديوها لقدامو بجرية وتوقف قدامو

مصعب:قلت قربيييي!!!

جرليها الصاك من دراعها هي لي بدورها زيرات عليه ..وهي تاترجف كلها عارفاه ليوم غايقتلها ولكن مصممة على قرارهاااا

سماح: خليني غير تانسالي ونشرح ليك عافاكك

مصعب: سماح طلقي

سماح: مصعب ..خويا عافاك

تايشوف فدمعاتها كيفاش تاينزلو ماتخيلهاش تكون بهاد العاطفة اتجاه الياقوت...تالهاد الدرجة خدات بلاصة فقلوب افراد العائلة كلها...تالهاد الدرجة هي انسانة صالحة وشديدة البرائة لدرجة سيطرات على القصر كامل ...

مصعب(بحنية):طلقي الصاك اسماااح

سماح: تيقني مانقضرش

مصعب: راها بنتو...نتي ختي ولي فبالي فبالك وكيما تانفكر تاتفكري...تانعرفك كثر من راسك ...سبقتك وبحثت فالموضوع حيت انا اول واحد لاحض الشي لي لاحضتيه وفالصباح شفتك ونتي تاتحاولي تسلبي شعر الياقوت ...اااه هي بنتو...بنت عمي ...ماتتهوريش وتخربي كلشي

سماح(بعدم تصديق): ب بنت عمنا؟ بغيتي تقول ...بلي الياقوت بنت عمنا فهد ياك؟ يعني الخالة ماشي صدفة والشبه تاهو ياك؟ يعني هي ...هي بنتو من من ديك المرااا ياك ...ديك المرا لي ..لي رفضوها جدودي من قبل ياك امصعب واش تاتقول الحقيقة ياك واش متأكد؟

مصعب[بتنهيدة هز ليها راسو]: 99،999...% ..وبتحليل  ال Adnn ...درتو غير فالصباح وطلبت نتائج التحليلة فأسرع وقت..(خشا يدو فجيبو وجبد ليها نتيجة التحاليل)...قراي ودخلي وديري راسك ماعرفة والو فهاد الموضوع  .