♡مــساعدة الســـــيــد العصــبي♡
🍁بقلم ملاك هانسل
البارت:35
#كشف_حقيقة□
♤عند سماااح♤
غادا جايا فبيتها وخطواتها سريعين يدها تاتماصي فدقنها بتوتر اليد لاخرا تاتحك بيها على شعرها دليل على حيرتها و وقوعها فعقدة وخاصها ليها حل ايجابي ...على نفس حالها تمشي وتجي مزعزعة ضس البيت... الفايونس قربات تتقبو بخطواتها التقال
سماح (بصوت طبيعي مخاطبة ذاتها) : متأكدة نفس الخالة شفتها فالياقوت وبنفس اللون .........كاينة دراسة طبية تاتقول ...وجود خالتين متشابهتين بشخصين مختلفتين وبنفس الشكل في نفس المنطقة يعني تقاربهم بنسبة 80% .....بصح الخالات صغااار شوية ولكن راه نفس الشكل ونفس اللون ونفس البلاصة مستحيل تكون صدفة...زيادة على ملامح الياقوت الزعرة وملامحو الشهبة تاتعني انها وارثة عليه حروف الزين ...نفس الزغبة فالرطوبية ونفس الشفران وتدويرة العينين حيث الشكل والتعيين ...نفس البؤبؤ نفس الشفايف....ك وحتى مصعب تايشبه ليه كفاش مالاحضتش بلي الياقوت قريبة لمصعب فالشبه ..؟؟؟ ولكن هي وعمي بزاف بزاااف ....زعما نكون غالطة؟ والى كانت الدراسة الطبية تاتقول نسبة التقارب هي 80% اذا شنو غاتكون الياقوت تاتقرب لعمي؟ ختو؟ لا اكيد مستحيل...هي صغيرة بزاف ...بنت ختو؟ ءلالا ماتانضنش كاينة شي عمتي لي ...اوففف اش تانقول انا ....غاتانخرف يمكن
تلاحت فوق الناموسية حاطا يديها فجنابها تاتحارب تفكيرها شوية تاتكوانسااات موسعة عينيها كأنها تفكرات شي حاجة
سماح: ز زز زعما ت تكون بنتو؟؟؟؟؟؟؟ ب بنت عمي؟؟؟؟؟؟!!!!!(وقفات وباقا تاتهضر مع راسها)عمي مامزوجشش ...ماشي بعيد...لا ياربي مايكونش هادلشي لي فبالي صحيح... على حسب ماقالو عمي خوا القصر حيت جدودي وقفو فوجه حياتو الشخصية وتحكمو ليه فقراراتو ...يعني كان باغي يتزوج بشي وحدة هادي باينة للعمى . ...هادلشي علاش دان ديما فجنب مصعب حيت دازو من نفس المعانات ....ولكن اللي ماواضحش واااش زز زعما يقضر يكون عمي غالط مع ديك لي كان باغي يتزوج بيها؟ ... م ممعقول الياقوت تكون بنت بالتبني؟؟ الله ياربي علاش اش هادلشي ...علاش ديما تانخشي راسي فشي حاجة ماكاتعنينيش ...يالله فكيها دابا اسماح...نخاف غير نجبد مع شي حد منهم الموضوع ونتخور كووود نصدق غاتانخرف ونرون القضية..وشنو الى كان تفكيري بصح وانا حاضرة ...اشنو الى تقلق مني شي حد منهم اووووف...ولكن ....خاصني ندير شي حاجة نفك هاد اللغز ونرتاح من الفضووول......مهما كان الثمن!!
هي عارفاه صعب السيطرة وصلب الشخصية ..قليل النطق وكثير الذكاء...متوازن الحركات . وخااتر فالخصايل...عارفاه انسان صموت ماتايعدب لسانو إلا للضرورة الصارمة ...وقضية أن مصعب العمراني يعبر ليها على اعجابو بها ويمدحها امام الجميع لا ويضهر ليها مدى امتنانو ليها لأنها قضرات تبدلو وتبدل فيه بعض السلبيات إلى إجابيات ......فهادي صفة جديدة من الصفات لي غيراتها به...قضرات تبدلو كيما واعدات راوية ...قضرات تهد جبل أو تكسر جليد ضخم ....وتايبقا الفخر ليها والتاج على مقر قوقعة رأسها ...ابتاسمات من كلامو وهي باقا تاتشوف ليه فعينيه ثم حدراتهم تدريجيا كانتعات للخجل الللذي حل بها ...وكأنها مابقاتش باغا تعاتبو على تاحاجة من اللي دار ...بغات غير تبقى تسمع ليه وهو تايهضر ...يكفي انه عطاها مكانة خاصة فحياتو واعتارف بيها امام الكل كخطيبتو وشريكة حياتو المستقبلية...يكفيها انه حاليا معاها وبذون استحياء أو تعجرف تاينطق بكل صراحة ضارب كلماتو الحلوة بصوتو الخشن الرجولي فمسمع أذنها وأنفاسو على وجهها تسارات....وهو تايعتارف ليها بأنه باغيها ليه ..غير ليه بوحدو..وأنه ماتايتفلاش وماتايلعبش بل كانت خطوة صريحة فحياتو ..فشنو بغات مزال؟الحب؟ هي بنت البادية وتربات على عادات الزواج التقليدي.....ومصعب فيه كاع الصفات الرجولية لي ممكن تطلبها...عندو كاع الإمكانيات لي ممكن تحتاجها مستقبليا.....المكتوب رامامنو هروب ومن اول ثانية ليها فهاد المدينة تكتب مصيرها على باب قصر عائلة العمراااني... فاللول دخلات كخادمة وشوية ولات مساعدة لكسب صداقة مصعب ولتغييره إلى شخص عااادي ....طمعا فمساعذتو ومساعذة العائلة كلها...ودابا ولات جزء رسمي من العائلة وفرد مهم فحياة مصعب العمراااني ..أو كيما تاتقول هي" السيد العصبي"
نغزها شعور غريب ماعرفاتش شنو تسميه ولا باش تلقبو ماحسات بنفسها إلا وتاتعلى على طرف صبعان رجيلاتها وبهذوء سللات يديداتها الصغار الناعمين من بين يديه الصلبة ...رفداتهم فاتجاه عنقو وقبطات وجهو بين صبعانها ....تايحاول يستوعب اش طرااا مضيق عينيه فيها باستفهااام وقلبو تايدق فالتسعين لربما سمعاتهم الياقوت لي صدرها تلاسق مع صدرو...الشهامة والضخامة والرجولة لي فيه تاتحبس تفكير عقلها وتحرك فيزيبلات قلبها ... نزل يديه المعرقين لخصرها وجرها مزيرها معاه كتر ....وهو تايستناها تكمل اش بغات دير ....هي لي حركات ضفرانها الرقاق الناعمين طوال بعض الشيء بلطااافة على جلدة عنقو خلاتو يتبورش شامليا...حتى غلق شفران عويناتو وتم منزل شفايفو لمستواها راغب فقبلة تجمع شمل قلوبهم ...الى انها ابتاسمات من ردة فعلو وزادت تعلات لجيهتو ...ميلات راسها بايساه من حنكوو بدون تردد وبعدات عليه بخجل ثم رجعات منزلة كدامها و حاطا راسها للأرض.
فتح عويناتو بالخف وسلب يديه من خصرها منزل ليها الفولار وجر معاه البانضة حيث تم مسندل شعرها على ضهرها وكانت فرصة ليه بأنه يغلغل صبعان يدو فيه .. ...نزل بشفايفو على جبهة راسها برضى عليها وبكل حب طبع بوسة خفيفة ... بعد عليهاااا مخليها تتسلل من بين يديه وخارجة حشمانة مخلياه وراها فبيتها رغم انه هو لي خاصو يخرج من كثرة التلفة نسات فين كانت
رفد يديه تايشوف فشعرات قلال من شعرها الأشقر ملويين على صبعان يدو بنضرات حادة ممزوجة ببعض من المكر والعدوانية حشا يدو فجيبو وجبد صاشي صغر من صبعو دار فيها دوك الزغيبات وردها لبلاصتها .
يتبع....!!
أنت تقرأ
🍂مساعدة السيد العصبي 🍂 (مكتملة )
Humor••مــساعدة الســـــيــد العصــبي•• 🍁بقلم ملاك هانسل. تقـــــول:من تكن؟ يـــــقــــول:لا أجل في عاجل لي ولا مسمى يسأل لي... ولا خطأ في رزقي ولا يندثر برقي.....لم يعدل الحكم في حقي..ولم يثأر لسبقي....... 🥀 هو ذاك الصوت المبهر اللذي يضهر...
