♡مــساعدة الســـــيــد العصــبي♡
🍁بقلم ملاك هانسل
البارت:26
#عودة_ألم....!
غص على شفرانو الشوهب تلاسقو مع بعضياتهم غالق عويناتو فيضهم(جلد العين الخارجي) بااارد اللون كلون التربة الفازكة...ململ بؤبؤهم الفسلجي(الgري الغامق)بمكر وهو تايقرا التقرير بنضرات عينيه الحادة ذون اصدار اي صوت من شفتيه الوردية الصغيرة...هز حاجبو الشهب وحط التاني بعدوانية بمعنى" اش هادلشي"...هز نضراتو مخنزر فالشاب لي مقتاعد كرسي قدام البيرو ديالو جامع يديه بين فخاضو وشكله تايترعد كليا تايطلب الله فنفسو مايمسعش منو شي كلمة .....ميل راسو حتى مال معاه شعرو الشهب. ممزوج ببعض شعرات الشيب لي مابانوش وسط لون شعرو الأصلي ..ونزلو منو زغيبات قلال على عينيه وزادوه وسامة على وسامة....نطق بصوت باح خشن ...رجولي بامتيااز وهو رافد يدو حاطها تحت دقنو ومسند عليهاااا بصلابة
***:واش تاتضحك عليا؟؟!!!
الشاب بلع ريقه وهز فيه عينيه بغرغرة كأنه تالف ومبعثرة الحروف فحلقووو ...لم لسانو لي كان مبلوع ونطق برجفة كلامو متقاطع
الشاب: ءء ح حح حح
***:نطق اش كاتوحوح عليا تمااا
الشاب(بزربة): ح حاشا اسيدي ...أ أنا غير جبت الملف ما ما عندي بيه تا علاقة
***:اشنو تاتعرف على فهد العمراااني؟؟
تايتكلم ببرودة فكلامو ...تايململ نضراتو بسلاسة وثقة فنفسو...مرة مرة تايبتاسم جنب كي تايشوف بلي خللا الولد يرتابك...وهو من ديما هكا...تصرفاتو وطبعو البارد دليل على أنه معصب...صفاتو حفضها الكل...ومنها هاد الخاصية" البرودة تعني الهيجان"
الشاب(بتلعثم): ءء مم ماتاتحملش الخدمة الناقصة...و و لي يكذب عليك..ولا يحاول يخدعك ويقلل من قدرتك. ووو ويطيح منك ولا يحاول يستافزك وووو
ماخلاهش يكمل نقز مقاطعووو
فهد : رد هاد التقرير للسكريتيرة...وقطع ليا بيي للمغرب غانرجع للقص
الشاب: واخا اسيدي...(بتردد)ءء و والتقرير؟
فهد(برواء):ماغاندافعش على ديك القضية..حيت ببساطة ماتاندافعش على الغلط.
ايه كان متوقعها منو داكشي باش مازادش معاه الهضرة حدو زرب خطواته الصغار خارج مسرع....مزال ماوصل حدا الباب حتى وقفو تاني بنبرة صوت شبه عالية خلاتو يتكوانسا فمكانو مصمر مستامع لكلامه حرف بحرف ...!!
فهد:عمرااان(الشاب نفسه)غانديك معايا قطع بيي ليك حتى نتا
ابتاسم عمران فنفسه من قوة الفرحة ودار عندو حاني الراس ...نطق بصوت باينة عليه الفرحة
عمران:ليا الشرف نرافقك فهاد الرحلة اسيدي
هز ليه فهد حجبانو للإنصراف وكي خرج تاهو ناض وقف تايسد فصدفة كوستار الطقم المزير على عضلاتو ...عاوض الكرافاط وهو متنقل نحو مفتاح سيارتو ..رفدو ببطئ محول نضراتو فالبيرو لايكون نسا شي حاجة وتم خارج بفحولة صدرو العريض سابقو كيما العادة ...حركات يديه بطيئة دليل على رزانتو وجهو خالي من أي تعبير ...خطواتو متزنة وحدة تلو الأخرى...مرة مرة يرفد صبعانو يغلغلهم فشعرو كشاب من شباب العشرينات لي شافو مايعطيهش 40 سنة .....يتبع
#أراااائكم(اش بانليكم فهاد خونا؟!)
أنت تقرأ
🍂مساعدة السيد العصبي 🍂 (مكتملة )
Humor••مــساعدة الســـــيــد العصــبي•• 🍁بقلم ملاك هانسل. تقـــــول:من تكن؟ يـــــقــــول:لا أجل في عاجل لي ولا مسمى يسأل لي... ولا خطأ في رزقي ولا يندثر برقي.....لم يعدل الحكم في حقي..ولم يثأر لسبقي....... 🥀 هو ذاك الصوت المبهر اللذي يضهر...
