♡مــساعذة الســـــيــد العصــبي♡
🍁بقلم ملاك هانسل
البارت:15
خطوتتها على خطوتو الواضح عليها جريئة وضابطة خدمتها ...من اسلوبها فالحديث وحركاتها تاتبان تايقة فنفسها وكفؤة ربما انسانة طموحة وعميلة ....تأملامتهم الياقوت من الخلف محاولة الإستفادة من ليلى وجمع بعض المعلومات اللي غاتنفعها مع مصعب الى ان توقف مصعب فالدخلة دالفيلا ونطق بلا مايدور لعندهم وباين شكون قصد بكلامه.
مصعب[بملامح غامضة]:غانخدم فالدار ...جيبيليا قهوة كحلة .
الياقوت فهمات بلي الكلام موجه ليها لذا اسرعت للمطبخ وليلى تابعاها بخطوات متثاقلة وابتسامة ماكرة متعمدة تتشفا فيها وهي كاتشقا ...وقفات فباب المطبخ مستنياها الى أن كملت وكي جات الياقوت خارجة بالقهوة دخلات عليها ليلى وبدون استئدان زولت ليها البلاطو من بين يديها .
ليلى:خدمتك هي تصاوبي القهوة ...ماشي تطلعيها للسي مصعب....انا هي السكرتيرة ديالو وأنا غانديهاليه.
رمشات الياقوت عدة مرات وبصوت خفيف يعكس برائتها جاوباتها .
الياقوت:..ءء السي مصعب هو طلب مني نجيبها ليه للبيرو ديالو .
قهقهات ليلى بصوت عالي استهزائي ورجعات جاوباتها باستفزاز
ليلى:لا هو طلب مني أنا نجيبها ليه.....نتي خدمتك هي تصاوبيها ليه.....كاين فرق كبير بين خدمتي انا وياك.
دارت ابتسامة خبيثة ونضراتها الماكرة ثابتة على الياقوت لي حانية راسها حابسة دمعاتها لي تحجرو على قوس شفرانها .
ليلى[باستفزاز]:نتي خدامة فهاد الدار ياك؟
هزات راسها بالإيجاب في حين ليلى كملات هضرتها .
ليلى[بحدة]:ايوا عرفي حدودك [هزات ليها راسها بسبابتها متواجهين نضراتهم ]....ماتيقيش راسك وتعيشي فعالم الأوهام حيت قدما تعاليتي قد ماكان ألم الطيحة أقوى .
مدات يدها مزولة ليها سبابتها من تخت دقنها وبعدات عليها حانية راسها كيفما علمها مصعب ..."آدابك هو سلاحك"
الياقوت[بنبرة باحة]:فاش غلطت؟!!
ليلى[بغرور]:خطأك الوحيد هو نتي ماشي من مستوايا .
مصعب[من خلفها]:شحال خاصها تنزل باش توصل ليك؟!
تزعزعات فبلاصتها قبل ماتلفت رويدا رويدا وجات عينها عليه مسند على حافة الباب ومربع يديه مستمتع بالمشهد الإستفزازي لي داير قدامو ..
ماجاوباتوش ورجع نطق.
مصعب:هي مساعدتي الشخصية ونتي باحثة عن عمل ابتداءاا من اليوم .
هاشطاغ#انقلاب_المستويات.
شرعات بؤبؤ عينيها فيه بصدمة من نطق فمه وهي كاترد عليه بصوت عالي.
أنت تقرأ
🍂مساعدة السيد العصبي 🍂 (مكتملة )
Humor••مــساعدة الســـــيــد العصــبي•• 🍁بقلم ملاك هانسل. تقـــــول:من تكن؟ يـــــقــــول:لا أجل في عاجل لي ولا مسمى يسأل لي... ولا خطأ في رزقي ولا يندثر برقي.....لم يعدل الحكم في حقي..ولم يثأر لسبقي....... 🥀 هو ذاك الصوت المبهر اللذي يضهر...
