♡مــساعدة الســـــيــد العصــبي♡
🍁بقلم ملاك هانسل
البارت:39
...حنات راسها ومشات وتخلات على احلامها وعائلتها وكبدتها فسبيل حبها ومابغاتش تعاقبو وتجرحو كيما جرحهااا حيت كانت كاتبغيه...فسبيل الحب رضات لخاطرها سكتات فالللول ولكن هاد المرة ماغاتسكتش ...قررات تخوي كاع الهموم والجراح لي هزات فخاطرها هاد السنين كاملة...ليوم غاتواجهو وماغاتخافش منو ....غاتخبط بكلماتها الحارة فوجهو الجامد والخالي من التعابير ...عارفاه عديم الإحساس ومستحيل تتجعد جلدتو ولا ينبض عرق فقلبو ...عارفاه عديم الضمير وانسان بلا قلب ومشاااعر...يصرا لي يصرا ويروح الإنتقام للخلا..يحرق بوها الوقت لي تاتعاقب بنتها على غلط ارتاكباتو هي...بغات غير تخليه يطيح شوية من كواريه ويعرف راسو ماشي راجل وشخصية ...يعرف راسو صونتيم دالرجولة مايكساابهاش...بغاتو غير يحس بتأنيب الضمير من هادلشي كامل لي دار من نهار عاشراتو وندمات..بغات تجر بنتها وتديها لأحسن حياة ولأبعد بلاصة المهم ماتخليهاش بين يدين وحش مايعرفش بقيمتها .....وماهي إلا دقائق تاكانو قدام باب قصر العمراااني ماكلاكصونا ماطلب اذن باش يحلو ليه الحراااس جا مكسيري نيشان ناوي يدخل فالباب خلا الحراس يحلوه بزربة بلا مايترردو ولا يخافو من ردة فعل عاصم ....دخل باللوطو تاللجردة ووقف حيت كان عارف بلي هاد المرة ليلى ...ماشي ديك ليلى الباردة والهامدة ...ليلى الغامضة ديك الإنسانة المعقدة والمهمومة...ليوم هاد ليلى ...هي " جرح الماضي" وكي يتلاقا جرح الماضي مع قناصو...تتسمى النهاية عسيرة....!!
مع وقف مع نزلات خبطات لباب تاعواج من جنااابو وبصوت عالي ملمم بالغوااات صرخات حتى تقبات طبل شبكة ودنيهم وهوما على مائدة الغدا ... الياقوت كانت تاتحط لمصعب فالمسمن المعمر كيما طلب منها ومن ديك الغوتة بفزعتها طلقات الصحن من بين يديها
مدام الوافي: فففففففههههههههدد...
تمشات كيما هكاك حفيانة طلعات فالدروج وعاود نزلات فالتانين داخلة عليهم للدار بكل جرأة وشجاعة...هاد المرة ماخايفاش منهم حيت هوما ماشي من مستواها بل هوما خصهم يخافو منها ...هاد المرة هوما سالبين الحق لي بقاليها بعذما داليها فهد الباقي غادا وتاتعيط بسميتو .
مدام الوافي: فههههههد خرج عندي.....خرررررج
...كلشي دار شاف فيها ومنهم لي وقف من صدمتو كمثال" عاصم.راوية.فهد" ومع وصلات حداه مع سرفقاتو تادار حنكو لديك الجيه وعاوداتو الصفعة الثانية تاعوجات ليه عنقرتو للجيهة الثانية ...هز عينيه بشوية فيها عاقد حجبانو وسطهم وتعابير الندم على وجهو ...مازادش معاها كلمااا وخلاها تفش غضب اللي مضى ....!!
ليلى: كاع لي وقع حسبتو من الماضي...غلطت ودفعت الثمن.
. وغلطتي وباقي عايش هاني وماحاسداكش...تانتسائل واش فقلبك شوية ديال الرحمة والشفقة؟ واش ماأنبكش ضميرك ولو لشوية...مابقاش فيك الحال على لي درتي؟ عمرك فكرتي وقلتي كيفاش عايشة هي وفين عايشة ...كبرات بنتي ولا ماتت ...عمرك تسائلتي واش انا وياها بعدا على قيد الحياة ولالا؟ ..انا تسائلت...تسائلت واش غاتكون تزوجتي وولدتي وتعاقبتي ولالا...تسائلت واش بنتي باقا عايشة واش واكلة واش شاربة واش لابسة ولا لا.. كل دقيقة من حياتي عشتها وانا تانتحصر على كبدتي والنوم تايديني غير بالدوااا.[فتح عينيه بصدمةوهي كملات]...ماتهنيت ماشفت راحت البال ولو للحضة وحدة من عمري من نهار عرفتك ....عيييت افهد ...مابغيت منك والو عطيني غير بنتي.([زدحاتو لصدرو ] عطيني بنتي...[عاودات خبطاتو)عطيني بنتي عافاك(شداتلو فالتريكو من جيهت صدرو بيد واليد لخرا تاتخبطو بيها على شكل قبضة ] عطيني بنتي افهد.
مافاهم والو وماعارفهاش علاش تاتضهر ولكن عارفها مقصحة بزاف من جيهتو...ماكرهش يعنقها ويقوليها ماشي بخاطري مادرتهاش بلعاني...ماكرهش يضمها لصدرو ويقوليها سمحيليا حيت خنتك وخنت الوعد لي عطيتك.. سمحيليا حيت ماطلعتش معاك راجل وحيت دفعتك للعقاب بوحدك بالرغم من اني تانا غالط ...ماكرهش يقوليها باقي كانبغيك ومانسيتك ولو لثانية وحدة...مازال مهووس بيك مكفما كنت وباقا سميتك محفورة فقلبي...مزال تانتبورش من صوتك ...مابيدوش يقوليها انا مستاعد نعوضك فكاع ليفات واخا يامات الشباب فاتو ...واخا تعدبتي وقاصيتي بوحدك وماكنتش معاك باش نحميك...وحيت ماكرهش ...دار لي خاصو يدار وبذوون تفكير شد فيديها وخبطها معاه معنقها وهي تاتبكي على صدرو...!!
الياقوت تاترعد من خوفها شدات فدراع مصعب لي شابك يدو مع يددها وتم جارها لعندهم...نايضة جوقة فالدار الخدامات يطلو والحراس يطلو حتى لكارديان تايطل...وقفها مصعب قدامههم غير قشعاتها ليلى من تحت كم فهد دفعاتو عليها وبلهفة شدات الياقوت ضماتها لصدرهااا وتبوس ليها فراسها بهمجية وتبوس ليها فحنيكاتها والياقوت مافاهمة والو غير تاتشوف وقلبها تايدق بسرعة خيالية بسبب خوفها
ليلى: اؤء ..ب بنتي ...بنتي حبيبت ماماها....اهئ اهي ... .... [تاتشهق]
طاحت للأرض وطيحاتها معاها وهي باقا ضاماها ...الفولار انزاح من على راس الياقوت ..وشعرها تدعدع فالأرض مشطبها... بقات تشوف فردة فعلها عرفاتها موحشة بنتها وجاها احساس غريب اتجاااهها ..رفدات يديها وعنقاتها تاهي ...ربما حيت تاهي فقدات ماماها ...وبدات تاتبكي معاها كشعور داخلي هازها وماعارفاش معناه...حاطا راسها على
على صدرها تاتسمع فدقات ماماها وماعارفاهاش شكون هي بالنسبة ليهاااا ...عاودات واجهاتها معاها وبقات عليها بالبوسان مرمداااتها
ليلى: سمحيليا اماما سمحيليا...ماشي بخاطري احبيبتي ...غامرت بزاف وماقضرتش نخليك معايا...مانويتش نخليك دفعي ثمن اغلاط ماماك ابنتي سمحي ليا....ماكرهتش كون بقيتي بين يديا نشم غير ريحتك ونشبع منك...تكبري قدام عينيها ونشهد على تاريخ اول خطواتك...ماكرهتش نقربك فأحسن المدارس ونحقق لبنتي احلامها وانا وياها خطوة بخطوة ...رجل على رجل فحال الخواتات تانكون منك مرا ونص...فالأخير تانلقاك خدامة فقصر باباك...جفاف فقصر واحد مافقلبو لا رحمة لا شفقة...واخا يعرفك بنتو ماغايتحرك فيه والو...
"رجعات عنقاتها والياقوت هاد المرة حلات فمها شوية من الصدمة ...ونزلو دمعات حرقو قلبها ماشي خدودها...سدات عينيها وعاود حلات تاتأكد واش هي فحلم ولا واقع...بلعات ريقها بصعوبة كبيرة ويديها ترخاو عليهاا...وماكانش من المستحيل انها تغيب عن االوعي..."
يتبع(أرائكم)
أنت تقرأ
🍂مساعدة السيد العصبي 🍂 (مكتملة )
Humor••مــساعدة الســـــيــد العصــبي•• 🍁بقلم ملاك هانسل. تقـــــول:من تكن؟ يـــــقــــول:لا أجل في عاجل لي ولا مسمى يسأل لي... ولا خطأ في رزقي ولا يندثر برقي.....لم يعدل الحكم في حقي..ولم يثأر لسبقي....... 🥀 هو ذاك الصوت المبهر اللذي يضهر...
