♡مــساعدة الســـــيــد العصــبي♡
🍁بقلم ملاك هانسل
البارت:33
جمعات راوية الوقفة وبخطوات سريعة تقدمات عند الياقوت بابتسامتها الواسعة على شفايفها تحنات لمستواها و قبطات وجهها بين صبعان يديها بحنية بايساها من جبهة رااسها قدام كلشي والياقوت لي تزنكات وماكرهاتش ينزل شي صقر يرفدها من هاد الموقف ولكن ماتنكرش بلي شعور ماكاينش فحالو وأن شخص فحال مصعب يخطبك بهاد الطريقة احساس زوين بزاف وبلا مانشوفو لشخصية مصعب ف غير موقف انك تتخطبي فجو فحال هادا تايعني بزاف لبنت فحال ياقوت ... .دارت راوية.وباست راس ولدها تاهو وهي تاتقول .
راوي:هادا احسن خبر تانسمعو فحياتي..انا فرحانة بزاف والله ......الله يرضي عليك اولدي
وايالله زيد مع هادو... الياقوت هزات عينيها فراوية عينيها مدمعين بالفرحة وابتسامتها الواسعة تاتدل على ان هاد الخبر مفرفر قلبهااا..شافت فالبنات حتى هوما فرحانين وتايغمزو فيها أما سماح فهزات ليها حاجب ونطقات بهمس
سماح:كي درتي ليها؟
ماجاوباتش ململات الشوفة لفعاصم لي تاهو تايقهقه بصوت عالي عمرها شافتو تايضحك من نهار دخلات لهاد القصر ...ومن بعد شافت ف فهد طولات فيه الشوفة كيفما تاهو طولها فيها ....وهنا نطق مصعب وهو تايحاول يغددهاا ويزيد على لي بيها
مصعب:نتي لي مطيبة ياك..اللدة لي فصبعانك تانميزها من بين كلشي
الياقوت شافت فيهم تاني ماقاضراش على هاد الحالة تاتحس بالحشمة طالعة معاها من صبع رجلها الصغير ..اكتفات برفع رأسها بالإيجاب دون النطق
واخدين راحتهم تماما وتايهضرو بدون قيود ولا فرانات حيت مصعب ماغايقمعهمش هاد المرة وحيت ماقال تبدلت حتى كان تبدل بصح ولا يغوت عليهم ..."تايمشيو غير بالعصا"
دفعات الكرسي لي هي عليه ببطئ واستئدنات بنبرة غالب عليها البكاااء..
الياقوت:ء سمحوليا غانطلع بصحة فطوركم
راوية (تكلمات من وراها): هاها حشمات مسكينة بنتي الصغيرة
مصعب(شاف فعمران):من الأحسن تستعجلو فأمور الخطبة..بغيت خبر خطبة مصعب العمراني يقلب القنوات التلفزيونية.
وقفات فالدروج تاتمعن السمع فآخر جملة قالها...عضات على سنانها تاتقرقبو ففمها و
طلعات تاتجري لبيتها ودمعاتها غاماتايزيدو فوتيرتهم غادا وتاتهضر مع راسها بالجهر ماخايفاش يسمعها شي حد ..لقات راسها حدا بيتها بدات تاتخبط برجليها فالأرض وتغوت فحال شي حمقة
الياقوت: قاليك بغيت خبر خطبة مصعب العمراني يقلب القنوات التلفزيونية ..لا هادا واقلة بغاني ننشر ليه مصارنو قدامو...ماعرفتش علاش تايقلب هاد خليقت ربي رابغاني نخرج فيه عينيااا ونوريه وجهي التاني ...رمات يدها بعصبية لباب بيتها فتحات البوانييغ وتمات داخلة على نفس حالتها تهضر وتسب غير هي والحيط دخلات ودفعات وراها الباب باش يتسد سمعاتو ماتسدش كرزات تاني على سنانها بعصبية والفوار بدا تايخرج ليها من ودنيها ودارت ترد فيه الغدايد
الياقوت(زعما تاتسب فالباب):بقيتي ليا غير نت...ماكملاتش هضرتها كي لقاتو مربع يديه .معارض الباب برجليه ومتكي على جنبو
مصعب:هانا قدامك..يالله خررجي فيا عينيك...وريني وجهك التاني..!!
الياقوت رجعات تهدنات كاع ديك الطاقة لي كانت عندها نفذات كي جاو عينيها فعينيه طلقات يديها لي كانت كارزاهم بتعب وميلات راسها حاطة نضراتها فعينيه
الياقوت[بغضب]:علاش درتي هكا؟
مصعب[بهدوء]:بغيت
الياقوت(جاوبات دغيا ):مصعب ماتزيدش تعصبني ملي نسولك جاوبني على قد سؤالي
حنى راسو ملي سمعها عيطات ليه بسميتو بلا ديك سيدي خرجاات زوينة من فمها خلاتو يهز راسو بواخااا
الياقوت:علاش درتي هكا
مصعب:على قد سؤالي
االياقوت: شنو اش تاتخربق نتا؟
مصعب: نتي لي قلتي ليا جاوبني ب على قد سؤالي.
الياقوت:مصعب ماكانضحكش ...خليك غير عصبي كيفما كنتي تعاملك الجديد مجهد عليا [كشرات ملامحها] عارفاك عرفتي بالإتفاقية لي كانت بيني وبين ماماك اااه كانعتارف أناا بصح وافقت نحاول نغيرك ونكون مراتك كيفما ماماك طلبات وكانعتادر حيت ماخليتكش تعرف ولكن واش كنتي شايف حالت عائلتك ؟ بلا العائلة كلها ماتسائلتيش على ماماك واش هي فالأصل حية؟
مصعب[بطنز]:لا هي انسانة
الياقوت(وسعات عينيها من غبااائو ونطقات باركة على الحروف بعصبية):تاتقصصصصد واش ماماك عايشة؟
مصعب: لا سميتها راوية
الياقوت(بدات تاتنيرفا): اووف ..قوليا شنو سميت جدك؟
مصعب:شنو سميت جدك؟
الياقوت(بعصبية): واش نتا غبي؟
مصعب:لا أنا مصعب
الياقوت(بهبل):أنا عارفة
مصعب:متشرفين اختي عارفة
الياقوت: ماسميتيش عارفة انا تانقوليك بلي زعما عارفة سميتك..شوف مصعب ماتزيدش عليا عافاك ملي نسولك جاوبني بطريقة منطقية
مصعب: واخا غير ماتقلقيش
الياقوت(دارت شهيق زفير تاتحاول تتكالما): واخا ودابا قوليا علاش درتي هادلشي
مصعب:بطريقة منطقية
بقات تاتشوف فيه والغضب باين على وجهها لي تزنك بالأعصاب وعويناتها لي تدممو تاللخر وبدات تاتضحك بصوت عالي وتخبط فجنابها عويناتها لي كانو مدمعين بقوة الإحراج ولاو مدمعين بكثرة الضحك وهو غير تايشوف فيها وعاجبو الحال حيت عالأقل خلاها تضحك .
يتبع
أنت تقرأ
🍂مساعدة السيد العصبي 🍂 (مكتملة )
Humor••مــساعدة الســـــيــد العصــبي•• 🍁بقلم ملاك هانسل. تقـــــول:من تكن؟ يـــــقــــول:لا أجل في عاجل لي ولا مسمى يسأل لي... ولا خطأ في رزقي ولا يندثر برقي.....لم يعدل الحكم في حقي..ولم يثأر لسبقي....... 🥀 هو ذاك الصوت المبهر اللذي يضهر...
