🍂مساعدة السيد العصبي 🍂 (مكتملة )

النهاية

♡مــساعدة الســـــيــد العصــبي♡

🍁بقلم ملاك هانسل

البارت:40

فوق السرير ميلا راسها رادا وجهها لجيهت شباك غرفة المستشفى   ...دموعها نازلين  من فوق نيفها لجنب وججها التحتاني بحكم انها مايلة...كل ماتاتفكر لي قالت ليها ليلى تاتزير على عينيها وتكرز على يديها بعصبية ...مافاهماش كيفاش عاشت مع وحدين ماشي عائلتها...وطول  هاد السنوات تاتسائل علاش ماتايحنوش فيها وكأنهم ماولدوهاش ودابا عاد عرفات السبب...مامتيقاش انها نتيجة علاقة غير شرعية وباها سمح فمها  و متبنية  وحتى لي تبناوها باعوها بالرخااا ...مازالا تاتدور الأحذاث فراسها تاسمعات صوت باب الغرفة تفتح بالخف  ...هزات يديها مسحات دموعها وتنسات بشوية...  تمشى مصعب  تالجنبها وضار مقابل معاها....مد يدو مسح ليها دوك الدمعات الخفاف لي بقاو على شفرانها ونزل بشفايفو على جبهتها بحنية...زاد قرب منها حاط شفايفو على شفايفها بعاطفة كبيرة ومشاعر كتار

وبسرعة البرق ترفدات فمكانها وضماتو لعندهاااا خاشية راسها فصدرو وصوت تنخصيصها علااا ...تاتزير عليه كامشاه بضفران يديها  ماقاضراااش تتقبل الواقع...عارفها باقا صغيرة رغم كبر عقلها وماغاتقضرش على هاد الضغط كامل

زيرها لعندووو وهو تايبوس ليها فراسها باش تسكت حتى نطقات

الياقوت: مامتيقااااش.. !!

عرفها قاصحة عليها ماشي كي ديما تقدر تتقبل مكتاب الله وتساير الزمان هاد المرة القضية صعيبة شوية ...باس على راسها وبعدها عليه شوية شاد وجههها ببن يديه

مصعب: سمعيني... نتي عقلك كبير  وانسانة متفهمة ...عقلانية وقوية وتقضري على اي حاجة...ودابا.....  دابا غاتحطي راسك بلاصت ماماك........!

                       " فهد& ليلى"
شرح ليها كلشي من اللول حتى اللخر...حطات راسها فبلاصتو وعرفاتو مادارهاش بلعاني...كان حبو حقيقي وباقي كايبغيها...الطريقة باش عاود ليها على ماداز عليه...وباش عبر ليها على حبو ...وباش حاول يقنعها ويردها ليه تاتبين بلي مافيدوش...مهما كان صلب ولا واخا راجل فتيبقا انسان ...ومشاعر بنادم على المحك وماكان قاضر يدير والو...ضامها لعندو وهوما تايبكيو بزوج بيهم ....باس على راسها بوسة طويلة معبر فيها على شوقو ليها وعلى حبو. ...باينة عليه تاهو كان مقهوى وماعاششش فسلام ...وهي كانت كتر منوو..رفدها من دقنها لعندو وقبلها قبلة حنينة من جنب فمهااا

فهمد: خلينا ننساو لي فات...ونجمعو شملنا من جديد...باقي قدامنا وقت طويل نعيشوه بزوج مع بنتنا ..غير حنى ب 3 ...تانواعدك نعوضك على كاع لي فات...ونعوض بنتنا  ...تيقي فيا تاهاد المرة والله مانخدلك... راه باقي كانبغيك اليلى.

          "..........مصعب& الياقوت......."

مصعب: فهمتيني ياك...باش حسيتي ملي حطيتي راسك فبلاصتهم بجوج؟ فنضرك شكون الغالط فيهم؟

الياقوت[تاتمسح فدموعها أثر فيها مصعب]:بجوج غلطو فاللول وفالتالي ماعرفوش يصحلو الغلطة ...ولكن تاواحد مادنبو...واش فنضرك باقين تايبغيو بعضياتهم..؟!

استغرب مصعب من سرعة تفهمها للأمر ...لعب ليها فشعرها ونطق .

مصعب: هاديك ماماك نتي...باش حسيتي ملي كانت تاتأنب فيه؟

الياقوت: كاينة كمشة دالمشاعر تماااا.

ضحك مصعب  تابانو سنيناتو وغمازة فسرة مزينة خدو انتابهات لابتسامتو شحال تاتحمق وبلا ماتفكر حطات فمها ف فمووو وهو  مغلغل صبعانو فخصرهاااا منسيها فاللي وقع....ولكن بطبيعة الحال ماكملش المشهد الرمنسي ملي دخل عليهم فهد وليلى.
شنق عليه فهد  عاقد حجبانو وعينيه مجمرين.

فهد:مصعب اش كنتي تادير؟!

تأملات ليلى لمدة وهي كاتقارن راسها بيها ترى واش كاين شي شبه بيناتهم ولالا؟...غلقات عينيها وفتحاتهم طاردة افكارها من تفكيرها وهي تنطق بصوت شبه هامس

الياقوت:م ..ماما  .

رمشات عدة مرات وهي كاتحارب بضعة دمعات نزلو ملي الياقوت ب " ماما "نطقات ...قربات منها شادة وجهها بين ويديها وهي تاتبوسها من راسها وبعدها ضماتها لعندها ملخصة مشاعرها  .

ليلى[بصوت حنين]: خلي الرجالا يتفاهمو وحناا نفرغو الشوق .

الياقوت[عاد تفكرات راجلها تاياكل العصا]:ماما عافاك لما وقفيه راه مصعب خطيبي.

ليلى:ااربي علاه ماشي مساعدتو الشخصية؟

الياقوت: وابجوج بجوج اماما غير وقفيه ونشرح ليك

مصعب[حابس الضحكة]: عمي تهدن خانشرح ليك

فهد:اربك ضبرتي عليها ليوم نجري عليك من قصر العمراااني.

مصعب: الله يهديك اعمي راخطبتها قدامك زعمااا وغدا درنا موعد الخطبة الرسمية نسيتي؟

دور فهد عينيه فجنابو لقا راسو قودها وهو يشوف فليلى هزات ليه راسها بآه عاد طلقو ...السيد رجع مطيع  فين العجرفة والغموض؟؟  ضحك ضحكة صفرا...وه  تايقول

فهد: ء ماتيمحوش لينا زعما نديرو  خطبتنا معاكم  ؟

"بغيت نقول ...هادي هي النهاية ..نهاية حروفي  وكلماتي وجملي وأسطري وأجزائي  ...نهاية وصفي وتعبيري وسردي...لكنها بداية علاقة الياقوت ومصعب وبداية علاقة فهد وليلى من جديد ....بداية سماح ونيفين وسيلين بعدما زيان جو العائلة وولا بإمكانهم ياخدو راحتهم فدارهم فحال باقي البنات ...وحتى عمران يقدر يبدا علاقة جديدة ويولي يآمن بمكتاب الله كما آمنت به الياقوت ملي ضنات أن باباها باعها صدقات جايا لدار  والدها  الحقيقي وتقادات حياتها وتجمعات عائلتها ...كلشي يقدر يبدا حياة جديدة ماتوقفوش على الصعوبات والعوائق  وتتسناوهم يتزولو باش تبان ليكم الطريق ...زولوهم بيديكم وشدو لراسكم طريق ...احبكم ."

للمزيد من قصصي المرجو متابعة حساب "Malak hansel" أو مجموعة " اميرات هانسل" للقصص...أحبكم.

"....للكتاب صفحات ولا نغرم إلا بآخرها.....رفقا بنا وبكم"

♤النه|||||||||||||||ية.♤

البنات خليو ليا اراءكم واش عجباتكم القصة او لا لا راه كاين الجزء التاني ديال القصة ايلا بغيتوه خليو ليا 40 جيم او نحطها 😍💋💋💋