♡مســاعـــذة الســـيد العـــصبـي♡
بأنِأّمًلَ:مًلَـــــّکْ هّـأّنِســـِـل♡
البارت:9
جمعات شعرها ولوات عليه الفولار غسلات يديها بالخف دوزات الطابلية من عنقها وكرزاتها وراهااا غسلات الكصعة(القصرية) حطاتها هزات طاس دالما سخون و حطات طابي تحتها ونزلات عليها بركابيها
سارة؛اش تاديري راه كاينة الماكينة ....[بنفي]لالة الياقوت نوضي
الياقوت:بنة الخبز الماجي من بين يدين مولاتو ماشي فكال خبز الماكينة....اااه وماتبقايش تقولي لي لالة...[بأمر]جيبو لي الدقيق .
تسخرو ليها وحدة بوحدة المهم تاقردة مافلتات كلهم تجاراو حتى سالات الياقوت لعجينة كورات المسمن وطرحاتو بصبيعاتها خلاتو يطلق ووقفات للبوطاجير جابوليها اللوبيااا سلقاتها شرملات اللحم والمقادير وزادتهم عليهااا رجعات للمسمن تسرح وتطيب وفنفس الوقت تطل على اللوبية لقات راسها سالات قادات ليه حقو وخلات الباقي للخرين ابتسامات وهي هازا البلاطو بين يديهااا قايلة.
الياقوت[فنفسها]:هاحنا غانشوفو واش باقي غاتبغيني نمششي فحالي...!!
سارة ولبنات فدقة:واهادي خدمة نقية
طلعات تاتمختر عاجبينها اتجازاتها تتتفكرات بلي مصعب باقي ماطلب الماكلة يالله غادور ترجع فحالها تاوقفات عليها نيفين تاتشمشم
نيفين:ااا اللله وانا جايا تانقلب على الريحة منين جاااياااا دوقيني عافاك(مدات يدها للبلاطو)
(الياقوت هربات ليها بلبلاطو)
الياقوت:مم ندوقك بشرط
نيفين:واتي تشرطي غير تشرطي
الياقوت:عيطي على سماح وجيبيها لبيتكم خاصنا نهضرو ترجعي تلقاي الماكلة واجدة .
مازال ماكملات هضضرتها تالقاتها طارت تاتدق عليها عواجت الياقوت للمطبخ علمات سارة تجيب للبنات حقهم لبين نيفين وداكشي لي كان ماهي الا دقائق حتى كانو تايشوفو غير فالطبسيل حالين فمهم والياقوت حابسة الضحكة
الياقوت:لبنات راني عجنت بيدي وطيبت بيدي كولو بصحتكم وملي تساليو نهضروو
سماح(بلطافة):عاﻷقل كاين شي واحد فهاد الضار تايفكر فينا بمحبة
سيلين(بجدية):من اﻷفضل نهضرو دابااا حيت مصعب قريب يطلب ماكلتو وعلى مابان ليا هاد لبلاطو ليه.
الياقوت[برواء]:واش كلكم عقلكم كبير ونتوما فهاد السن؟
سيلين[قفزات كيف عادتها]: فحاليلا نتي كبر منا .ههه[قهقهة عالية]
تأملات طريقة استحياءهم من اطراءها تبسمات بالخف وهي كاتعاود تنطق.
الياقوت:بغيت نعرف سباب حالت مصعب
سماح(بذون تردد):ماكانش باغي يتزوج،،،بابا عقد شراكة مع صاحبو ودخلو خويا فالعقد يعني الى خويا تزوج ببنت شريكو بابا غاياخد النص من اسهم شركة صاحبووو
نيفين:خويا وافق بزز عليه وحسبها عليه خطبها قدام كاع وسائل اﻹعلام وانتاشرات خبارهم،،،زاد كنيتو على سميتهااا بقا ليهم غير العقد سبقو العرس قبل كلشي ونوا يكمل معاها بكل رجولة
سيلين:ولكن طلعات بنت القاف مقطرة،،،كانت على علاقة مع وواحد خر من الطبقة المتدنية ومافحالوش كملات منو وهي كاتبغيه مالقات تاحل من غير انها تقنع باها بمصعب لاش تستافذ من فلوسو وتهرب هي ولاخر
سماح:عطاها خويا كاع بطاقاتو البنكية ولات تخرج وتدخل بفلوسووو نضرا لأنه وللا تايبغيها...ام لا تايموت عليها
نيفين:نهار العقد طارت هي و 47 مليون ماشي شي حاجة ولكن مصعب تبعهااا على بالو عندها شي مشكل ومستحيل تسمح فيه وهي كانت تقولو كانبغيك وشحال من حاجة خرااا شدهم هربانين ....ماعرفتش شنو وقع من بعد مصعب انصاب بالرصاص و طاح فغيبوبة لمدة 5شهر وبعدما استفاق ولا واحد ااخر.
سيلين؛هادي هي القصة باختصاااار.
عينين الياقوت دمعو ...صعيبة،،،صعيبة بزاف يطعنك شي واحد كنتي كاتبغيه وعمرك تسنيتو منو الغدر،،شي واحد من ديما تاتعتابرو ملجأك وفاجي همومك تاتعتابرو منك وليك ولا تاتعتابرو اقرب شخص ليك وفاﻷخير تكتاشف بلي كان ألذ اعدائك مابقات لا فلفلوس ولا حتى فروحتها بقات فالشمتة غير فالشمتة،،،،غايكون حاس بالهزيمة ومارضاش بواحد راجل فحالو ينتاصر عليه .....!!
أنت تقرأ
🍂مساعدة السيد العصبي 🍂 (مكتملة )
Humor••مــساعدة الســـــيــد العصــبي•• 🍁بقلم ملاك هانسل. تقـــــول:من تكن؟ يـــــقــــول:لا أجل في عاجل لي ولا مسمى يسأل لي... ولا خطأ في رزقي ولا يندثر برقي.....لم يعدل الحكم في حقي..ولم يثأر لسبقي....... 🥀 هو ذاك الصوت المبهر اللذي يضهر...
