♡مــساعدة الســـــيــد العصــبي♡
🍁بقلم ملاك هانسل
البارت:24
# احسااااس
واخا دوات معاها بحروشية الى انها قضرات تقنعهااا كانت متواضعة معاها ودوات بلطافة وحسن النية باين فعينيها لي واضح عليهم مخبيين هموم وأسرار ...هادلشي باين من شوفاتها الحنينة ...ماعرفاتش علاش حسات بلي تاتعرفها من قبل...ولا كأنها تاتجمعها معاها شي صلة ...كأنها تاتحس بيها قريبة منهااا ولا شي حاجة من هاد النوع...ضحكتها بشوشة وعيونها بريئة...كلماتها هاذئة وحساسة تاتقيس القلب واخا تكون مجرد حروف عادية....حاسة بلي كاين شي رابط جامعها معاها ....ربما ديك اللطااافة والبراءة لي فيهم بزوج خلاتهم يتفاهمو مع بعضياتهم وهادلشي علاش حسات بلي هي قريبة ليهااا
كان فالبيرو تايسمع كلشي عن طريق الباور سبيكر لي لاح ليها فجيبها ملي قرب ليهااا ودوا (عقلتو؟)...عرف راسو مطلعها على يديه ...طالعة تاتفهمو وأي حركة دارها تاتحلللها...عحبو الحال حيت لأول مرة تايلقا شخص تايجي من جيهت تصرفاتو العصبية...الكل تايقول عليه عنيف وضاغط مستفز وعصبي مكروه واي حاجة تايديرها غالطة...ولكن هي لا ...تاتشوفو بمنضور آخر بحيث ماتاتشوفش غير لأغلاطو...تاتشوف لمصدرهم وتشوف من من جا العيب ...وأحلى حاجة فهاد الحياة هي تلقا لي يدعمك ويشد بيديك باش تزيد القدام...حيت هضرت بنادم حقيقة تاتهرس...وصح تكسر الخاطر ...!!
اما عند مدام الوافي(ليلى) فبتاسمات بشرارة وعيونها تاتلمع ملي غادرات الياقوت من أمامها وهي تاتكلم فنفسهااا
مدام االوافي: غير صبر عليا ..غاندمركم واحد واحد
#ذكريات...!!
تذكرات بلي مازال ماسيفطات للأب ديالها ..خلاصها فهاد الشهر ...وتما تذكرات شحال عانات معاه وشحال حلمات تكبر وتعوضو وتهزو من ديك الحالة لي كان فيها ...شحال من دمعة درفات على مرضو وعلى حاجتو وحزتتتو وشحال لاحت براسها للتعب باش ماتخليهش يقول"تساليت" ولا يخدم عند واحد فحالو يحكم عليه ...شحال راعات لنفسيتو .... وشحال بكات على قدرها وقدرو وعلى مكتابهم الإثنين...شحاااال كانت غبية ..الآباء فيهم وفيهم ...فيهم الحنين لي كبدتو تاتقطع كي يسمع حرف" ااا" من طرف لحمو...وفيهم لي لو كان يصيب كيفاه يستافد منك من دقيقتك يقلبك كيلا ماولد ما دفاااا.....
...هو معصم يدو على الطبلة وصبعانو قابطين فكو يتماجاو عليه ...سارح فسيار الناس عقلو راجع بيه لزمان اليأس...تايتذكر كيفاش كانت حالتو وكيفاش وللات ....كون يصيب كفاش يكففر على اغلاطو مايتررددش ...واش يعتارف بآثامو ولا يخلي القلب هاز كيس السر...يشرح ويوضخ ولا يكمل طريق الشوك والحر...تايعاني ويتعدب ضميرو ماهناه ماريحو..وتقول ضلم شخص أو ذبحو ...غلق جفون عيونو الذابلة ونزلو دمعات حارة على خدو...تفكر كيفاه شد الياقوت بين يديه لأول مرة وكيفاش حتى قضر يشدهاااا
سيدي محمد: ياربي تسمح ليا على كل غلطة ارتاكبتها فحق دينك
ربيعة:(من وراه):خويا محمد مالك جالس بوحدك؟
سيدي محمد(بفزع): سهيت فخضورية الجردة وزروقية ماء البحيرة والجو الساكن الهاذئ...راحت البال ااا ختي رقية
ربيعة: ايوا اجي تتغدا اخويا ..نوض باراكا من التخمام
يتبع(آرائكم)
أنت تقرأ
🍂مساعدة السيد العصبي 🍂 (مكتملة )
Humor••مــساعدة الســـــيــد العصــبي•• 🍁بقلم ملاك هانسل. تقـــــول:من تكن؟ يـــــقــــول:لا أجل في عاجل لي ولا مسمى يسأل لي... ولا خطأ في رزقي ولا يندثر برقي.....لم يعدل الحكم في حقي..ولم يثأر لسبقي....... 🥀 هو ذاك الصوت المبهر اللذي يضهر...
