★أنثى الأسد★
21-كريم:ختي سمعيني انت فيك جميع لمواصفات رياضية وعندك ميداليات فالفنون القتالية كلها تبارك الله مغامرة مكتخافيش جريئة وشديدة وقبل متمشي ادوزي شهر ديال تداريب كيفاش تهزي سلاح كيفاش تنيشي كيفاش تصيبي لهدف لحاجة لكبيرة وصغيرة اتعلميها كوني اكيدة بالعكس مكاينش ماحسن منك
إيثار:واش بقات فتدريب انا بنادم نطحنو ولكن انتوما براسكم كتكولو انا مفعفة وكنطير مرزيناش بحال اسية
أسية:بالعكس انت دكية فينا وانت انسب واحد تيقي فيا لاول مرة انطلب منك منك طلب وعارفاك قدها زعمة متعاونيش ختك اروبن هود حاجة بسيطة عارفة هادشي واعر وفيها مخاطرة ولكن انت مرا ونص راكي راجل فصفت مرا اش قلتي؟
إيثار:ولكن..
كريم:إيثار كتيقي فيا ولا لا
إيثار:هدا سؤال هدا بطبيعت الحال
كريم:انا مغنبغيش ليك حاجة خايبة ملف لقضية كلو عندي الحمد لله الأمن دالمغرب معروف داخل لبلاد وخارج ديالو وانت بهادشي اتزيدي بصورة لبلاد لقدام وتوريهم لمرا علاش قدا
الحاج:فاش كنت خدام كنت معروف حتى حاجة مكنخاف منها وسمعتي بقات حتى لدابا وبغيت حتى بناتي يكونو بحالي شفتي راه واخا نغوت عليك حتى نعيا او واخا هاد جوج هادو لي قدامك وختك ريم ولكن راه انت رقم واحد فولادي فينما نبغيك نصيبك او واقفة على شغالي الله يغطيك برضى ويفرشك بالرضى
إيثار:اح عليك اعميمير حتى بغيتي حاجتك وكالس تصبغ فيا
لحاج:قلت ليكم هاد لكنس ماينفعش معاه لعضرة لحلوة
رشدي:حاجة وحدة ماقلتهاش ليك الى فخبارك عندنا معلومات على تهريب لحيوانات لي هربتي من محمية افريكا، إيثار حدرت راسها وكتبقلل فعينيها
الحاج:وحنا يالفعة كتكولي لينا كنتي فرباط اكتسمعي سبوعة ونمورة تمشي تجراي ياك
رشدي:بلاتي الحاج (شاف ف إيثار) ونزيدك شخص لي كيستغل دوك لحيوانات لي هربتي ودوك
★أنثى الأسد★
22-ودوك ناس لي كانو خدامين تم كلهم كايخدمو لصالح نفسشخص لي ممكن يكون عندو ايد فتهديدات هادو هوما لمعلومات لي عندنا شي حاجة اخرى مزال مجهولة بحد ساعة بنسبة لينا شنو كلتي
إيثار: وعرفتو شنو خليوني ندورها فدماغي
رشدي:مرحبا انا لعشية اندوز عندكم نعرف جوابك ونطل على أسية واخا انا عارفك اتوافقي.خلاتهم إيثار ودخلات لبيتها حطات ساكها وسونات على نوال
إيثار:الو نوال شوفي عيطي على لكليكة وكوليهم خطة داليوم غير ياجلوها ممسالياش
نوال:ياك لباس
إيثار:أسية دارت كسيدة لالا ماشي حاجة خايبة اتهرسات مهم حتى من بعد ونسوني ليك، قطعات عليها جمعات شعرها سفنجة مخربقة ولبسات حوايج دالخدمة هزات سوارت ديال لبيكوب باش كتفرق لخضرة مفطراتش خرجات قدام عينين عمتها ومها بلا عضرة بلا جوج ركبات مشات نيشان لديبو فين كيعمرو صنادق هزوهوم لخدامة داروهوم ليها لور وشدات طريق سوق طول طريق ولهضرة كتكرر فودنيها الف مرة غير كتفكر فالهضرة وصلات لسوق كبير عامر هالبهايم مالين لخضرة لحوايج بدات كتفرق على كل واحد على حسب سمية ولكمية لي بغا كلشي يسلم عليها ويشكرها ويضحك معاها بحال الى ماشي بنت ولد رجولة وشخامة لي ماف دراري فيها هي لي بنت مسالات حتى قرب شمس تغرب عاد رجعات لدار طلعات من لباب لوراني دخلات لبيتها نيشان لحمام طلقات دوش وبقات تحتو شحال عاد خرجات لبسات حوايجها وهبطات لكوزينة لقات ماماها فكوزينة عاطياها بضهر جاتها من لور عنقاتها خشات راسها فعنقها
إيثار:الله شحال كتحمقني هاد ريحة وهاد لعنيق
لحاجة:هههه اح عليك اشنيولة ديالي بنتي خرجتي بلا فطور بلا غدا انا وجدة ليك لماكلة لي كتعجبك خبيزات معمرين بيبي ولفرماج سيري كلسي انا نجيبهم ليك
إيثار:لهلا يخطيك عليا كيبقات أسية
لحاجة:راها فلبيت باك معاها
إيثار:اممم
أنت تقرأ
أنثى الأسد
Mystery / Thriller✅كاملة✅ المشاغبة ومحبوبة الجماهير رجعات ، فرصة ومناسبة لي مقراهاش يقراها ولي بغى يعاودها يمكن ليه يعاودها ومن أول وجديد 💃🏻💃🏻💃🏻 داكشي باش قررت نزلها ليكم باش لي مقراهاش يرجع يقراها شكون توحش إيثار وهبالها😂😂 وشكون توحش محبوب الجماهير #تايغر...
